اِيرۆ ژِ نُو پُڕْ آتَشِمْ
دِيسَا ژِ رَمْزَا دِلْبَرێ
îro ji nû pir ateş im
Dîsa ji remza dilberê
مَجْرُوحێ قَوْسێ پُڕْوَشِمْ
تِيرْ دَانَه نِيڤَا جَگَرێ
Mecrûhê qewsê pirweş im
Tîr dane nêva cegerê
تِيرْ دَانْ ژِ قَوْسێ اَسْوَدَه
شَهْزَادَهيَا شِرِينْقَدَه
Tîr dan ji qewsê eswed e
şehzadeya şîrînqed e
كُشْتِينَه وَكْ مِنْ دَهْسَدَه
وێ پَادِشَاهُ و بَگْلَرێ
Kuştî ne wek min çendsed e
Wê padişah û beglerê
وێ بَگْلَرێ پُڕْ كُشْتِنَه
اَنْگُشْتْ بِ خُونێ رِشْتِنَه
Wê beglerê pir kuştine
Enguşt bi xwînê riştine
مَا اَهْلێ دِلْ قَطْ هِشْتِنَه
سۆهْتِينَه مِثْلێ مَجْمَرێ
Ma ehlê dil qet hiştine
Sohtîne mislê mecmerê
لێ أزْ تَنێ سَرْ تَا قَدَمْ
يَكْسَرْ دِسۆژِمْ دَمْ بِدَمْ
Lê ez tinê ser ta qedem
Yekser disojim dem bi dem
وَصْفێنْ دِ عِشْقێ اَزْ چِه دَمْ
نَایێنْ حِسَابُ و دَفْتَرێ
Wesfên di ’işqê ez çi dem
Nayên hisab û defterê
وَصْفێنْ اَڤِينُ و عِشْقَهێ
حُسْنُ و جَمَالَا وێ شَهێ
Wesfên evîn û ’işqehê
Husn û cemala wê şehê
نَايێنَه شَرْحُ و مَدَهێ
اَحْسَنْ ژِ نَقْشێ بَشَّرێ
Nayêne şerh û medehê
Ehsen ji neqşê beşerê
اَحْسَنْ ژِ حُسْنَا دێمْدُرَّێ
شِرِينِی وُ گُفْتُ و سُرَّێ
Ehsen ji husna dêmdurê
şîrînî û guft û surê
سَدْ زَاهِدْ اێخِسْتِنْ ژِ رێ
وێ نَازِكُ و لَبْشَكَّرێ
Sed zahid êxistin ji rê
Wê nazik û lebşekerê
شَكَّرْ دِ نێڤْ لێڤَانَه وێ
رَيْحَانْ لِدۆرْ سێڤَانَه وێ
şekker di nêv lêvan e wê
Reyhan li dor sêvan e wê
مَشْعَلْ دِ نێڤْ شَێڤَانَه وێ
تێسِی ژِ رَنْگێ فَنَرێ
Meş’el di nêv şêvan e wê
Tîsê ji rengê fenerê
فَنَرْ نِيَه نُورَا حَقَه
حُسْنُ و جَمَالَا مُطْلَقَه
Fener niye nûra heq e
Husn û cemala mutleq e
بَرْقَا سِپێدَه وْ شَفَقَه
زُهْرَه وُ شَمْسَا خَاوَرێ
Berq e spêd e û şefeq e
Zuhre we şemsa xawerê
زُهْرَه وُ مَاهُ و مُشْتَرِی
مِنْ دِينْ لِدێمێ أنْوَرِی
Zuhre we mah û muşterî
Min dîn li dêmê enwerî
زُلْفَا مُسَلْسَلْ عَنْبَرِی
سَرْ دَايَه حَوْضَا كَوْثَرێ
Zulfa muselsel ’enberî
Ser daye hewda kewserê
حَوْضَا ژِ كَوْثَرْ چَشْمَه تێ
يَا جِهْ دِ رَوْضَا قُدْرَتێ
Hewda ji kewser çeşme tê
Ya cih di rewda qudretê
هَرْدَمْ ژِ نُورێ سَرْ دَتێ
خَمْرِیُ و تَایێنْ عَرْعَرێ
Herdem ji nû wê ser de tê
Xemrî we tayên ’er’erê
خَمْرِی بِرَشْ بِسْكَا حَرِيرْ
وَرْبُونْ لِدۆرْ بَدْرَا مُنِيرْ
Xemrî di reş zulfa herîr
Werbûn li dor bedra munîr
بُرْجَا كُو حُكْمْ لێ دُو مِيرْ
مِنْ دِينْ لِ تَخْتێ كِشْوَرێ
Birca ko hakim lê du mîr
Min dîn li textê kişwerê
تَخْتێ دُو مِيرُ و بَگْلَرَانْ
مَيْدَانێ جۆقَا گَۆگرانْ
Textê di mîr û begleran
Meydanê coqa goygeran
أصْلَانُ و جُۆتێ مَیْ خُوَرانْ
مَیْ دَانْ شَرَابَا سَاغَرێ
Eslan û cotê meyxwiran
Mey dan şeraba saxerê
سَاغَرْ بِدَسْتْ سَرْخُوشُ و مَسْتْ
وَقْتێ سَحَرْگَهْ رَسْتْ بِدَسْتْ
Saxer bi dest serxweş we mest
Weqtê sehergeh dest bi dest
غَفْلَتْ دِ بَگْلَرْ مَیْ پَرَسْتْ
كُشْتِمْ بِ دَرْبَا خَنْجَرێ
Xeflet du begler meyperest
Kuştim bi derba xencerê
كُشْتِمْ بِ دَرْبَا كَیْبِڕَانْ
گَزْمَه وْ خَدَنْگَا آوِڕَانْ
Kuştim bi derba keyberan
Gezme w xedenga awiran
رَمْزُ و اِشَارَاتُ و سُڕَانْ
دَانْ دِلْ ژِ نێڤَا پَنْجَرێ
Remz û işarat û suran
Dan dil ji nêva pencerê
دَانْ دِلْ ژِبَرْ حُسْنَا بِنُورْ
بَرْقَا تَجَلَّايَا صُدُورْ
Dan dil ji ber husna bi nûr
Berqa tecellaya sudûr
لَوْ سۆهْتِيَمْ وَكْ كێهێ طُورْ
حُبُّ و اَڤِينَا أنْوَرێ
Lew sohtîyem wek kohê Tor
Hubb û evîna enwerê
حُبَّا تَه مَا خُوشْ هِشْتِمَه
هَرْ رۆژْ ژِ نُو أزْ كُشْتِمَه
Hubba te ma xweş hiştime
Her roj ji nû ez kuştime
يَكْسَرْ ژِ خُونێ رِشْتِمَه
تِيرُ و خَدَنْگێنْ مَجَرێ
Yekser ji xwînê riştime
Tîr û xedengên Mecerê
گَزْمێنْ دِ شِرِينْ نَازِكێ
دَرْبێنْ دِ وێ رِمْبَازِكێ
Gezmên di şîrîn nazikê
Derbên di wê rimbazikê
چُويِينَه نێڤْ دِلْ گَازِكێ
مِنْ دَادْ ژِ ظُلْمَا دِلْبَرێ
çûyîne nêv dil gazikê
Min dad ji zulma dilberê
دِلْبَرْ چِه بێ حَدْ ظَالِمَه
جَارَكْ نَكِتْ پُرْسێ لِمَه
Dilber çi bêhed zalim e
Carek nekir pirsî li me
لَازِمْ بِحَالٰی عَالِمَه
لێ پُڕْ دِدِيرِتْ غَدَرێ
Lazim bi halê ’alim e
Lê pir didêrit xederê
لَازِمْ بِ قَتْلَا مِنْ دِڤِی
هێژْ اَڤْ دِ دِلْ مَارێ شَڤِی
Lazim bi qetla min divê
Hêj ev di dil marê şevê
پَیْكَانْ دِ جَرْگێ دَا چَڤِی
بَنْدْكِرْ بِ شَوْكَا عَنْبَرێ
Peykan di cergê da çevê
Bend kir bi şewka ’enberê
بَنْدْ كِرْ کُلَابُ و پَنْجَيَانْ
دِلْ مَا دِ نێڤْ اِشْكَنْجَيَانْ
Bend kir kulab û penceyan
Dil ma di nêv işkenceyan
مِنْ آهْ ژِ دَسْتْ وَانْ غَنْجَيَانْ
كۆكُ و كُبَارێنْ دِيلْبَرێ
Min ah ji dest wan xenceyan
Kok û kubarên dînberê
رَمْزُ و سُرَّێنْ شِرِينْلَبَانْ
تِيرێژُ و بَرْقێنْ كَوْكَبَانْ
Remz û surên şîrînleban
Tîroj-i berqên kewkeban
رێزَا مُسَلْسَلْ عَقْرَبَانْ
گَڕْ دَانْ لِدۆرَا قَمَرێ
Rêza muselsel ’eqreban
Gerdan li dora qemerê
مِنْ دِينْ لِدۆرْ بَدْرَا تَمَامْ
حَرْفێنْ دِ مَكْتُوبْ دَالُ و لَامْ
Min dîn li dor bedra temam
Herfên di mektûb dal û lam
وێ پێشْرَوێ بَاطِنْ رَڤَامْ
يَغْمَا كِرِمْ سِيمِينْبَرێ
Wê pêşrewê batin revam
Yexma kirim sîmînberê
سِيمِينْبَرَا نَیْشَكَّرِی
أوْ حُورِيَا نِسْبَتْ پَرِی
Sîmînbera neyşekerê
Ew horiya nisbet perê
بَژْنَا شِرِينْ دێمێ زَرِی
بُو ژِ گُلَابُ و مَاوَرێ
Bejna şirîn dêmê zerê
Bo ji gulab û mawerê
بُومَاوَرُ و شِرِينْلَبێ
وێ خُوبُ و نُورِينْ غَبْغَبێ
Bo mawer û şîrînlebê
Wê xob û nûrên xebxebê
بَدْرَا دِ بُرْجَا عَقْرَبێ
دَرْگێ ژِ بَرْ پَرْدێ دَرێ
Bedra di Birca ’eqrebê
Kengê ji ber perdê derê
بَدْرَا ژِ قُدْرَتْ لێ دُو نُونْ
أوْ قَاتِلَا أسْوَدْعُيُونْ
Bedra ji qudret lê du nûn
Ew qatila eswed’uyûn
پُڕْ راكِرِنْ وێ قَتْلُ و خُونْ
عَالَمْ پَرێهْتْ يَغْمَاکَرێ
Pir rakirin wê qetl û xûn
’Alem perêht yexmakerê
هَرْدَمْ بِظُلْمێ وَه دْسۆژِی
قَلْبێ ژِ حُبَّا تَهیْ تَزِينْ
Herdem bi zulmê we d’sojî
Qelbê ji hubba tey tejî
لَازِمْ دِبێيِمْ مِنْ دێ كُژِی
كَسْ نِينَه چِيتِنْ مَهْدَرێ
Lazim dibêm min dê kujî
Kes nîne çîtin mehderê
كَسْ نِينَه قَطْ مَهْدَرْ بِكِتْ
بَسْ گِرْتِيَانْ أبْتَرْ بِكِتْ
Kes nîne ret mehder bikit
Bes girtiyan ebter bikit
خَمْلێ بِ زێرێ زَرْ بِكِتْ
شَفْقَتْ لِ یَکْتا بِدَرێ
Xemlê ji zêrê zer bikit
şefqet li yekta biderê
شَفْقێ بِ دِيدَارێ خُوه كِتْ
قَسْتا بِرِينْدَارێ خُوه كِتْ
şefqê bi dîdarê xwe kit
Qesta birîndarê xwe kit
شَهِيدێ رَشْمَارێ خُوه كِتْ
اێ سَرْ لِفَتْلَا پیشْتَرێ
şehîdê reşmarê xwe kit
Ê ser li fitla pêşterê
فَتْلێنْ سِيَهْمَارێ شَڤِينْ
رَيْحَانْ بِدۆرْ سَرْ وَانْ چَڤِينْ
Fitlê siyah marê şevîn
Rêhan bi dor serwan çevîn
آخِرْ بِسَلْوێ دَا رَڤِينْ
خَفْ بُونْ دِ تَايێ چَنْبَرێ
Axir bi selwê da revîn
Xef bûn di tayên çenberê
خَفْ بُونْ دِ نێڤْ تۆرا قِزِلْ
اِيلَانْ مِثَالِنْ سَرْ لِمِلْ
Xef bûn di nêv tora qizil
îlan misalê ser li mil
كُشْتِينُ و ژَهْرْ آڤێهْتَه دِلْ
هێژْ كُشْتِيێنْ رَمْزَا بَرێ
Kuştîn û jehr avête dil
Hêj kuştiyên remza berê
كُشْتِينَه أمْ شِرِينْلَبێ
تَحْلِی كَشِينْ رُوزُ و شَبێ
Kuştîne em şîrînlebê
Tehlîkeşên roz û şebê
گَرْ أزْ بِبِينِمْ أوْ بْخُوه بێ
نَاكِمْ ژِ دِلْ هێژ بَاوَرێ
Ger ez bibînim ew bi xwe bê
Nakim ji dil hêj bawerê
أوْ نَازِكَا نِسْبَتْ گُلێ
جَامَكْ ژِ كَوْثَرْ دَا «مَلێ»
Ew nazika nisbet gulê
Camek ji kewser da Melê
مَسْتِمْ ژِ بَرْ (قَالُوا بَلێ)
حَتَّا بِ رۆژَا مَحْشَرێ
Mest im ji ber qalu belê
Hetta bi roja mehşerê
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
