Dîsa li bedrê katibî
Kêşa ji nû jengarê xet
Nûr e reşandî wahibî
Dergerdişê pergarê xet
Herfên ji qudret nuqte pur
Madarê hewda le’l û dur
Evreng-i kê dî we bi sur
Qudret numûn zengarê xet
Ew çîçekên şetrî şibêht
Ef’asifet qelbê me mêht
Selwa ji balayê we rêht
Ev perdeya gulnarê xet
Neqş û nigarên dilberan
Dercên ji remzên esmeran
Her tên ji dest neyşekkeran
Me j’gulşena ferxar-i xet
Mi j’destxeta terhên şelal
Xal û xetên nûra zelal
Danî di şendoqan li bal
Malê me sed qentar-i xet
Bergên gula reyhaniyê
Katib numûçek daniyê
Kes dî bi vê şîraniyê
Der şen’etê cebbar-i xet
Reyhan û sinbil tê hene
Sed çîçek û gul tê hene
Zerbav û bilbil tê hene
Ew bexçeya gulzar-i xet
Gulçîçek û neqşên xerîb
Nesrîn û reyhanê ’ecîb
Lê rast û çep bûyîn selîb
Cedwelkeşên zunnar-i xet
îro seher tuxra nişan
I’rab û herfên zerfişan
Hatin digel bayê şeban
Me j’canibê dildar-i xet
îro berata Ehmedî
tuxra nişan zerkeş me dî
Xettê Humayûn kê we dî
şîrîn û me’nadar-i xet
Ellah di ber qal û belê
Da yexme kit qelbê Melê
Avêhte çerxê cedwelê
Evrenge ’enberbar-i xet
دِيسَا لِبَدْرێ كَاتِبِی
كێشَا ژِ نُو ژَنْگَارِ خَطْ
نُورَا رَشَانْدِی وَاهِبِی
دَرْ گِرْدِشێ پُرْگَارِ خَطْ
حَرْفێنْ ژِ قُدْرَتْ نُقْطَه پُڕْ
مَادارێ حَوْضَا لَعْلُ و دُڕْ
أَڤْ رَنْگَه كێ دِی وَه بِسُرْ
قُدْرَتْ نُمُونْ زَنْگَارِ خَطْ
أَوْ چِيچَكێنْ شَتْرِی شُبِێهْتْ
أَفْعی صِفَتْ قَلْبێ مَه مێهْتْ
سَلْوَا ژِ بَالايێ وَه رێهْتْ
أَڤْ پَرْدَهيَا گُلْنَارِ خَطْ
نَقْشُ و نِگارێنْ دِلْبَرَانْ
دُرْجینْ ژِ رَمْزێنْ أَسْمَرَانْ
هَرْ تێنْ ژِ دَسْتْ نَيْشَكَّرَانْ
مَه ژْ گُلْشَنێ فَرْخَارِ خَطْ
مَه ژْ دَسْتْخَطَا تَرْحێنْ شَلالْ
خَالُ و خَطێنْ نُورَا زَلالْ
دَانِي لِ صَنْدۆقَا لِبَالْ
مَالێ مَه سَدْ قَنطَارِ خَطْ
بَرْگێنْ گُلَا رَيْحَانِيێ
كَاتِبْ بِ خُوه خَالْ دَانِيێ
كَسْ دِی بِڤێ شِيرانِيێ
دَرْ صَنْعَتێ جَبَّارِ خَطْ؟
رَيْحَانُ و سُنْبُلْ تێ هَنَه
سَدْ چِيچَكُ و گُلْ تێ هَنَه
آوَازێ بُلْبُلْ تێ هَنَه
أَوْ بَاغْچَهيَا گُلْزَارِ خَطْ
مَادَّارێ دێمُ و جَبْهَتێ
حَاشی لِ دَۆرَا آيَتێ
لێ رَاسْتُ و چَپْ بۆ وَصْلَتێ
جَدْوَلْ كَشێ زُنَّارِ خَطْ
گُلْ چِيچَكُ و نَقْشێنْ غَرِيبْ
نَسْرِينُ و رَيْحَانێ حَبِيبْ
لێ رَاسْتُ و چَپْ بُويِنْ صَلِيبْ
جَدْوَلْ کَشِينْ زُنَّارِ خَطْ
إِيرۆ سَحَرْ طُغْرَانِشَانْ
إِعْرَابُ و جَزْمێنْ زَرْفَشَانْ
هَاتِنْ دِ كَفْ بَايی وَشَانْ
مَه ژْ جَانِبێ دِلْدَارِ خَطْ
الله دِبَرْ (قَالُوا بَلَێ)
دَا يَغْمَه كِتْ قَلْبێ مَلێ
آڤێهته چَرْخێ جَدْوَلێ
أَڤْ رَنْگَه عَنْبَرْبَارِ خَطْ
إِيرۆ بَرَاتَا «أَحْمَدِی»
طُغْرَانِشَانْ زَرْكَشْ مَه دِی
خَطّێ هُمَايُونْ كَسْ نَدِی
شِێرِينُ و مَعْنادَارِ خَطْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
