سَلْوَا سَهِي قَدْ خَمِّلِي
لَوْ كَمِّلِی مَسْتَانَه رَقْصْ
Selwa sehîqed xemmilî
Lew kemmilî mestane reqs
وَرْ صُحْبَتێ گَرْ قَابِلِي
دێ بێتْ وَرَتْ شَاهَانَه رَقْصْ
Wer suhbetê ger qabil î
Dê bêt û ret şahane reqs
مَسْتَانَه مَسْتَانْ نۆشَه نۆشْ
قَرْقَفْ دِ جَامَانْ هَاتَه جۆشْ
Mestane mestan noşanoş
Qerqef di caman hate coş
مَا دێ بِمِينِتْ كَسْ بِ هۆشْ
وَقْتێ كُو بێنْ دُرْدَانَه رَقْصْ
Ma dê bimînit kes li hoş
Weqtê ko bên durdane reqs
صُحْبَتْ بِ سَازَانْ هَاتَه سَازْ
بێ مَوّجِی دَرْيَايێ رَازْ
Suhbet bi sazan hate saz
Pê mewwicî deryayê raz
دَا دِلْ ژِ نُو بَايێ مَجَازْ
وِى كَشْتِيێ سُكَّانَه رَقْصْ
Da dil ji nû bayê mecaz
Wê keştiyê sukkane reqs
مَحْبُوبْ بِ عَيْنێ كَوْكَبِنْ
رَقْصێ كُو دێ دِلْبَرْ وَبِنْ
Mehbûb bi ’eynê kewkeb in
reqsa ko tê dilber hebin
سَدْ جَانْ گِرَامِي مِنْ هَبِنْ
بَاڤێمه رێ أَرْزَانَه رَقْصْ
sed cangiramî min hebin
Bavême rê erzan e reqs
كِرِشْمَه وُ رَازَا بَرِي
عَارِفْ ڤَنَابِنْ لێ دَرِی
Girişme û raza berî
’Arif venabin lê derî
حتَّا دِ نێڤَا آگِرِي
أَوْ خَفْ نَبِتْ پَرْوَانَه رَقْصْ
Hetta di nêva agirî
Ew xef nebit perwane reqs
پَرْوَانَهيێ شَمْعَا گَشِينْ
زُلْفێ دِ نَازِكْ رَاوَشِينْ
Perwaneya şem’a geş în
Zulfên we nazik raweşîn
شَوْکێنْ دِ دِلْ دَا پێ خُوشِينْ
مَه ژْ پنْجَيێنْ شێرَانَه رَقْصْ
şewkên di dil da pê xweş în
Me ji penceyên şêran e reqs
عَالَا وُ تَايێنْ قُرْمِزِينْ
أَصْلَانْ دِ بَرْ دَابَرِزِينْ
’Ala we tayên qurmizîn
Eşlan di ber daberizîn
نێرْگِزْ دِ بَاغَانْ تَوَّزِينْ
نَيْشَكَّرَانْ نِشَانَه رَقْصْ
Nêrgiz di baxan tewwizîn
Neyşekeran nîşan e reqs
وَقْتێ خُيَابِنْ أَرْغَوَانْ
گُلْچِیچَكُ و تَرْحێنْ جَوَانْ
Weqtê ko ba bin erxewan
Gulçîçek û terhên ciwan
ڤێرا نَهبِی سَلْوَا رَوَانْ
عَارِفْ لِ فَرْقێ جَانَه رَقْصْ
Vê ra ne bê selwa rewan
’Arif li ferqa can e reqs
إِيرۆ شَكَرْخَنْدێ بِرِينْ
دَسْتێ سِپِي زَنْدێ بِرِينْ
îro şekerxendê birîn
Destê spîzendê birîn
دِيسا بِ كۆڤَنْدێ بِرِينْ
دَرْدێ «مَلێ» دَرْمانَه رَقْصْ
Dîsa bi govendê birîn
Derdê Melê derman e reqs
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
