سَرْ دِدِتْ آبێ كَوْثَرێ
زَمْزَمَیێ سَمَایێ زُلْفْ
Ser didit ab-i kewserê
Zemzeme û semayê zulf
سَايَه نُمَايَه خَاوَرِێ
سِدْرَهێ مُنْتَهايێ زُلْفْ
Saye numayê xawerê
Sidre’ê muntehayê zulf
سَايَه نُمَایێ جَبْهَتێ
نَقْشُ و خَطێ ژِ قُدْرَتێ
Saye numayê cebhetê
Neqş û xetê ji qudretê
نُقْطَه وُ حَرْفُ و جَزْمَهتێ
بَالُ و پَرێنْ هُمَایێ زُلْفْ
Nuqte û herf û cezme tê
Bal û perên humayê zulf
بَالُ و پَرێنْ صِفَتْ هُمَا
سَايَه لِجَبْهَتێ نُمَا
Bal û perên sifethuma
Saye li cebhetê numa
خَمْرِیُ و لَفْ چُونَه سَمَا
يَكْ بِيَكْ أَوْ لِبَایێ زُلْفْ
Xemrî û lef çûne sema
Yek bi yek ew li bayê zulf
تَيْرِكُ و بَلْگُ و شَتْرِيَانْ
رَقْصه ژِ رَنْگێ خَمْرِیانْ
Netrik û berg û şitriyan
Reqs e ji rengê xemriyan
بازُ و عُقابوُ قُمْرِيَانْ
سَيْرَه سَحَرْ بِتَایێ زُلْفْ
Baz û ’uqab û qumriyan
Seyr e seher tebayê zulf
هَرْ مَه ژِ بُرْجێ سُنْبُلَه
پَنْجَه ژِ سِينَه وُ دِلَه
Her me ji birca sinbil e
Pence di sîne û dil e
دُورُ و دِرازُ و مُشْكِلَه
قِصَّهیێ مَاجَرَایێ زُلْفْ
Dûr û diraz û muşkil e
Qisse’ê macerayê zulf
بَستِنَه زُلْفِ دَرْ كَمِينْ
حَلْقَه بِحَلْقَه چِينْ بِچِينْ
Bestine zulf-i der kemîn
Helqe bi helqe çîn bi çîn
يَغْمَه دِكِنْ دِلَانْ نِهِينْ
نِينَه يَقِينْ خِطَابێ زُلْفْ
Yexma dikin dilan nihîn
Têne yeqîn xetayê zulf
رُۆمُ و عَجَمْ ژِ هَرْ طَرَفْ
جَنْگُ و سَوَاشَه وَانْ بِخَفْ
Rom û ’ecem ji her teref
Ceng û suwaş e wan bi xef
هِنْدِیُ و زَنْگِی صَفْ بِصَفْ
هَاتِنَه بَرْ لِوَایێ زُلْفْ
Hindî û zengî şef bi şef
Hatine ber liwayê zulf
هَرْ دَمُ و هَرْ سَعَتْ ژِ نُو
تێتَه ژِ سِينَه نَارُ و دُو
Herdem û herse’et ji nû
Pêt e di sîne nar û dû
صَبْرُ و قَرارێ مِن ژِ كُو
عَاشِقُ و مُبْتَلَایێ زُلْفْ
Sebr û qerar-i min ji kû
’Aşiq û mubtelayê zulf
زُلْفێ سِيَاهێ بێ وَفَا
قَطْ مَه نَدِی ژْ دَسْتێ صَفَا
Zulfê siyahê bêwefa
Qet me nedî ji wê şefa
كُشْتِمَه أَزْ بِسَدْ جَفَا
آهِ ژِ دَسْتْ جَفَایێ زُلْفْ
Kuştime ez bi sed cefa
Ah-i ji dest cefayê zulf
زَارُ و فَقِيرُ و مُبْتَلَا
زَاهِدُ و صُۆفِیُ و مَلَا
Zor û feqîr û mubtela
Zahid û sofî û Mela
كُشْتِنَه أَڤْ بِسَدْ بَلَا
كَسْ نَكَڤِتْ بَلَایێ زُلْفْ
Kuştine ew bi sed bela
Kes nekevit belayê zulf
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
