Er’erxerama bi qedd û qamet
Yek bûse da me bi sed qiyamet
Yek bûse bexşî ewwel bi ihsan
Axir li min kir curm û xeramet
Ji jeng û zerqê dil da bişûtin
Cama sedef bên rend û keramet
Ji herdu çeşmên tey mest û xwînrîz
Nûra du çeşman kê dî selamet
Li derd û êşan peykan û nîşan
Me ji herdu çeşman kifş in ’elamet
Riswayê ’işqê tenha ne ez bûm
Kes dî zemanan hub bê melamet
Du secde ferd in fi l-hal bibîn ber
Dema xwiya bin ew qedd û qamet
Da ’eybê rendan nekî bi badê
Nufûsu qewmin biha tesamet
Mela li ’umrê bêfeyde borî
Kêşa bi zor an qehr û nedamet
عَرْعَرْ خَرامَه بِ قَدُّ و قامَتْ
يَكْ بُوسَه دا مَه بِ سَدْ قِيامَتْ
يَكْ بُوسَه بَخْشِي أَوَّلْ بِ إِحْسانْ
آخِرْ لِ مِنْ كِرْ جُرْمُ و غَرامَتْ
ژِ ژَنْگُ و زَرْقێ دِلْ دا بِشۆتِنْ
جاما صَدَفْ بینْ رَنْدُ و كَرامَتْ
ژِ هَرْدُو چَشْمێنْ تَهیْ مَسْتُ و خُونْرێزْ
نُورا دُو چَشْمانْ كێ دِي سَلامَتْ
لِ دَرْدُ و ئێشانْ پێكانُ و نێشانْ
مَه ژِ دِلْ دِ چَهْڤانْ كِفْشِنْ عَلامَتْ
رِسْوايێ عِشْقێ نَه تَنْها أَزْ بُومْ
كێ دِى زَمانانْ حُبْ بێ مَلامَتْ
دُو سَجْده فَرْضِنْ «في الْحالْ» بِبِينْ بَرْ
دَما خُيابِنْ أَوْ قَدُّ و قامَتْ
دا عَيْبێ رَنْدانْ نَكی بِ بادِێ
( نُفُوسُ قَوْمٍ بِها تَسامَتْ )
«مَلا» لِ عُمْرێ بێ فَيْدَه بۆرِي
كُشْتا بِزۆري قَهْرُ و نَدامَتْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
