تُو سَحَرْگَهْ بِتَمَاشَا وَرَه بَازَارێ حُدُوثْ
لِتَه بِێ فَائِدَه آزَارِێ نَدِتْ خَارێ حُدُوثْ
Tu sehergeh bi temaşa were bazarê hudûs
Lê te bêfa’ide azar-i nedit xarê hudûs
دَا ژِ دِلْ غُنْچَهلَبَكْ نَازِكُ و تَرْدَانَه بْژِێرِی
بِتَبَسُّمْ بِتَه را بِێتَه ژِ گُلْزَارِی حُدُوثْ
Da ji dil xunçelebek nazik û terdane bijîrî
Bi tebessum bi te ra bête ji gulzarê hudûs
سَدْ گِرِهْ مِنْ دِ دِلِنْ ژِێ كُو چَپُ و رَاسْتِ دِكِتْ
شَاهِدێ حُسْنِێ قِدَمْ زُلْفِێ گِرِهْدَارێ حُدُوثْ
Sed girih min di dil in lew ko çep û rast-i dikir
şahê husnê qidemê zulfê girihdarê hudûs
بِلْ ژِ سُلْطَانِێ قِدَمْ مِنْ بِتُو إِقْرَارِ نَهِنْ
گَرْ لِ كَابَا مَهْ نِهَنْ مَتْقَبُ و بِزْمَارێ حُدُوثْ
Bil ji sultanê qidem min bi tu iqrar-i nehin
Ger li kaba me nehin metqeb û bizmarê hudûs
دِلْ دِ دَرْيَايێ قِدَمْ قَافه بِثَابِتْ قَدَمِی
گَرْچِه دَائِمْ لِسَرێ فَرْقَه مَه مِنْشَارێ حُدُوثْ
Dil di deryayê qidem qaf e bi sabit qedem î
Gerçi da’im li serê ferqe me minşarê hudûs
بَلْكُو دِيوَارْ بِگُوهِنْ لِێ بِخُدێ كِی بِخُدێ
بِتُو رَنْگِی نَكِرِی أَشْكَرَه أَسْرَارێ حُدُوثْ
Belko dîwar-i bi guh bin bi Xudê kî bi Xudê
Bi tu rengî nekirî eşkere esrarê hudûs
لَمْعَيَكْ گَرْ ژِ كَنَارێ قِدَمِێ پَرْتَوێ دِتْ
دِی ژِبَرْ وێ سَعَتێ مَحُوِ بِنْ أَنْوَارێ حُدُوثْ
Lem’eyek ger ji kinarê qidemê pertewê dit
Dê ji ber wê se’etê mehw-i bin enwarê hudûs
بَرْ بِسَدْ پَنْجَرَيَانْ دَايَه شُعَاعێ قِدَمِێ
گُنْبَدِێ عِشْقێ لِسَرْ كُرْسِيێ دِيوَارێ حُدُوثْ
Wê bi sed pencereyan daye şi’a’a qidemî
Gunbedê ’işqê li ser kursiyê dewwarê hudûs
تُو حُدُوثێ وَه مَبِينْ قَنْجِ نَظَرْ دِی جَارَكێ
لِأَسَاسِی قِدَمِی دَانِيَه دِيوَارِی حُدُوثْ
Tu hudûsê we mebîn qenc-i nezer dê carekê
Li esasê qidemê daniye dîwarê hudûs
هَرَه أَصْلێ خُوه وُ تَرْتِيبێ قِيَاسێ ژِی بِكَه
گَرْ نِزَانِی چِيَه يَكْجَارِی بَرێ دَارێ حُدُوثْ
Here eşlê xwe we tertîba qiyasê jê ke
Ger nizanî çi ye yekcarê berê darê hudûs
آتَشێ عِشْقِێ شُبِێ زێرِی وُجُودێ حَلْ دِكَتْ
هَيَه مُمْكِنْ نَفِرِتْ زِيبَقێ فَرَّارێ حُدُوثْ
Ateşê ’işqê wucûdê hel dikit şubhetê zêr
Heye mumkin nefirit zîbeqê ferrarê hudûs
( أَللَّهْ أَللَّهْ ) كُو دِ عُمرِێ خُوهْ تُو جَارَكْ نَبِهِی
چِه صَدَا تێتِ ژِ ڤێ گُنْبَدێ دَوَّارێ حُدُوثْ
Ellah Ellah ko di ’umrê xwe tu carek nebihî
çi seda tête ji vê gunbedê dewwarê hudûs
تُو ژِبَرْ پَرْدَهِيێ وَهْمێ وَرَه دَرْ دَا بِبِهِی
چِه نَوَا تێتِ بِسَدْ نَغْمَه ژِ أَوْتَارێ حُدُوثْ
Tu ji ber perdeya wehmê were der da bibihî
çi newa tête bi sed nexme ji ewtarê hudûs
حَالُ و مُسْتَقْبَلُ و مَاضِی دِخُوه دَا تێكِ يَكِنْ
صُبْحِ مَوْجُودَه بِعَيْنِی خُوه دِ إِيڤارێ حُدُوثْ
hal û musteqbel û madî di xwe da têk-i yek in
şubhê mewcûd e bi ’eynê xwe di êvarê hudûs
رَاسْتُ و چَپْ گَاڤُ و سَعَتْ هَرْ لِمه أَوْ دَاتِينِتْ
ذُولْفَقَارێ قِدَمێ حَيْدَرێ كَرَّارێ حُدُوثْ
Rast û çep gav û se’et her li me ew datînit
Zu l-feqarê qidemê heyderê kerrarê hudûs
رَاسْتُ و أَڤْرَازُ و نِشُوڤِی مَهْ بُوَارِنْ يَكُ و يَكْ
لێ تنێ وێ لِمه بُو دَائِرَه بَرْوَارێ حُدُوثْ
Rast û evraz û nişûvî me biwarin yek û yek
Lê tinê wê li me bû da’ire berwarê hudûs
دِی بِقَلْبێ مَهْ چِه دِتْ لَامِعَهيَا إِسْلَامِيێ
كُو لِ جَانێ خُوه مَهْ خَفْ بَسْتِيَه زُنَّارِی حُدُوثْ
Dê li qelbê me çi dit lami’eya islamê
Ko li canê xwe me xef bestiye zunnarê hudûs
رَنْگُ و ژَنْگێ حَدَثێ نَقْشێ حُدُوثێ مَهْ دِ دِلْ
بِدَه بَرْ رَنْدَشێ عِشْقێ أَوه قَصَّارێ حُدُوثْ
Reng û jengê hedesê neqşê hudûsê me di dil
Bide ber rendeşê ’işqê ew e qeşşarê hudûs
جَانْ لِسَرْ دَسْتِی نِهَايِی دِ ڕِيَا جَانَانِ دَا
رُوحِ صَفْ صَفْ كُو ڤَوَسْتَانَه دِ بَازَارێ حُدُوثْ
Can li ser destê nihayî di riya canan-i da
Rûhê sef sef ko vewestane di bazarê hudûs
وێ ژِ غَفْلَتْ بِرَتِنْ سَايَا زَوَالێ أَیْ دِلْ
رُونْ نَنێ دَا تُو أَمَانَتْ لِسِهَا دَارێ حُدُوثْ
Dê ji xeflet biretin saya zewalê ey dil
Rûnenî da tu emanet li siha darê hudûs
تُو ژِ فَصْلِی هَرَه أَصْلِی كُو دِ ڤِی دَيْرێ خَرَابْ
دَا نَبِی مَرْكَبێ جَهْلێ تُو لِبِنْ بَارێ حُدُوثْ
Tu ji feslê here eşlê ko di vê dêra xerab
Da nebî merkebê cehlê tu di bin barê hudûs
دَا نِگَارێ خُوه بِسَدْ رَنْگِی بِبِينِی إِيرۆ
وَرَه جَارَكْ بِكَه سَيْرِێ تُو دِ أَطْوَارێ حُدُوثْ
Da nigarê xwe bi sed rengî bibînî îro
Were carek bike seyrê tu di etwarê hudûs
تُو بِحَالێ مَهْ دِ زَانِی چِيَه هَرْ لَحْظَه «مَلَا»
مَهْ دِ دِلْ تێتُ وَ دِرَتْ خَنْجَرێ غَدَّارێ حُدُوثْ
Tu bi halê me dizanî çi ye herlehçe Mela
Me di dil têt û diret xencerê xeddarê hudûs
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
