سِرّێ وَحْدَتْ ژِ أَزَلْ گِرْتِيَه حَتَّا بِأَبَدْ
واحِدُ وَ فَرْده بِذاتێ خُوهْ وِی نِينِنْ چُو عَدَدْ
Sirrê wehdet ji ezel girtiye hetta bi ebed
Wahid û ferd e bi zatê xwe wî nînin çu ’eded
دِ قِدَمْ دَا أَزَلُ و عَيْنِى أَبَدْ هَرْدُو يَكِنْ
سَرْمَدِيَّتْ وَه دِخُوازِتْ نَه أَزَلْ بِتْ نَه أَبَدْ
Di qidem da ezel û ’eynê ebed herdu yek in
Sermediyyet we dixwazit ne ezel bit ne ebed
فَرْقَه واحِدْ ژِ أحَدْ لێ دِ مَقامێ صَمَدِى
بِحَقِيقَتْ كُويَكِنْ هَرْدُو چِه واحِدْ چِه أحَدْ
Ferq e wahid ji ehed lê di meqamê semedî
Bi heqîqet ko yek in herdu çi wahid çi ehed
يَكه دَرْيا تُو بِزانْ قَنْجِ چِه مَوْجُ و چِه حَبابْ
دِ أَصِلْ دَا كُو حَمِى آڤه چِه آڤُ و چِه جَمَدْ
Yek e derya tu bizan qenc-i çi mewc û çi hebab
Di esil da ko hemî av e çi av û çi cemed
آفِتابێ أحَدِيَّتْ دِخُوه دَا گِرْتِيَه كَوْنْ
نَكُو عَوْرَكْ هَيه لێ گِرْتِيَه چَهْڤێنْ مَه رَمَدْ
Afitabê ehediyyet di xwe da girtiye kewn
Ne ko ’ewrek heye lê girtiye çehvên me remed
غَيْرِى دَرْيا نِيَه صَحْرا بِحَقِيقَتِ أمّا
ژِ رُوێ كَيْفه كُو أَڤْ آفه بُویی شُبْهێ زَبَدْ
Xeyrê derya niye sehra bi heqîqet emma
Ji rûyê keyf e ko ev ave bûyî şubhê zebed
حُسْنِێ ذاتێ بُتُ ولاتانْ ژِ جَمالا صَمَده
وَ مِثالێ صَنَمِى وَه كُو تَجَلايا صَمَدْ
Husna zatê but û latan ji cemala semed e
Ji misala senemê we ko tecella ye semed
کُلُّ يَوْمٍ هُوَ فِي شَأْنٍ نَبِی غَافِلِ ژِێ
هَرْ پَياپَىْ زِشُٔونانْ دِكِرِتْ فَيْضُ وَ مَدَدْ
Kulle yewmin huwe fî şe’nin nebî xafil-i jê
Her peyapey ji şu’ûnan dikirit feyd û meded
گَرْ دِ آدَمْ بِدِيا سِرّێ عِلِمْ إِبْلِيسِى
حِینَما أبصَرَهُ کَبَّرَهُ کَبَّرَ حِینًا وَسَجَدْ
Ger di Adem bidiya sirrê ’ilim Iblîsî
Hînema ebserehu kebbere hînen we-seced
چِه زَمانُ و چِه مَكانُ و چِه جِهاتِنْ چِه حُدُودْ
چِه مَقادِيرُ وتَفاصِيلُ وَ حِسابِنْ چِه عَدَدْ
çi zeman û çi mekan û çi cihat û çi hudûd
çi meqadîr û tefasîl û hisab in çi ’eded
چِه مُنافاتُ ولَزُومِنْ چِه قِياسُ وجِه مِثالْ
أَڤْ چِه تَوْلِيده چِه تَرْكِيبه چِه رُوحِنْ چِه جَسَدْ
çi munafat û luzûm in çi qiyas û çi misal
Ev çi tewlîd û çi terkîb e çi rûh in çi cesed
سَرْ بِعَجْزێ دِدَرِتْ قُوَّتێ دَرّاكهیێ ما
(رَجَعُ الْقَلْبُ کَلِيلًا وَمَتَى قامَ قَعَدْ)
Ser bi ’iczê didirit quwwetê derrake-i ma
Rece’e l-’eqlu kelîlen we-meta qame qe’ed
حِيرَتُ وَ عَجْزه سَرْأنْجَامِ دِ بابێ نَظَرێ
(كیْ بِخالِقْ نَظَرِ قاصِرِ مَخْلُوقِ رَسَدْ؟)
Hîret û ’icz e serencam-i di babê nezerê
Key bi xaliq nezerê qasirê mexlûqê resed
گُفْتُ و گۆ مَعْرِفَتێ چَنْدِی «مَلَا» پَيْدا بِكِى
گَوْهَرا مَعْرِفَتێ ناكِهِتێ كَسْ بِخِرَدْ
Guftûgoyê me’rifet çendî Mela peyda bikî
Gewhera me’rifetê nagihetê kes bi xired
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
