خَشْمێ لِفَقِيرَانْ مَكَه زُو پَادِشَهێ مِنْ
پُرْسَێ بِكَه جَارَكْ لِخَطَا وُ گُنَهێ مِنْ
Xeşmê li feqîran meke zû padişehê min
Pirsê bike carek li xeta û gunehê min
تَفْتِيشِ بِمُومُو بِكَه أَرْ أَمْ بِخَطَايِينْ
هِنْجَا نَکَه بَێتِنْ بِ وِلَاتِی تِ جَهێ مِنْ
Teftîs-i bi mû mû bike er em bi xeta în
Hinca neke bêtin ti welatî ti cihê min
جَوْرَا تَه بَهِيتِينُ و جَفَايَا تَه پَرێتِينْ
قُرْبَانێ تَه بِمْ گُهْ بِدَه جَارَكْ گِلَهێ مِنْ
Cewra te behîtin we cefaya te perîtin
Qurbanê te bim guh bide carek gilehê min
زَانِی كُو ژِ بَرْ ضَرْبْ و جَفَايَانْ أَلَمِينْ دِلْ
رَحْمێ بِگَدَايِی خُوَه كَه سُلْطَانْ و شَهێ مِنْ
Zanî ko ji ber cewr û cefayan elemên dil
Rehmê bi gedayê xwe ke sultan û şehê min
سِهْ سَالَه ژِ دَرْدُ و ژِ بَلَايێ تَه هَلَاكِينْ
حَتَّا بِفَلَكْ هَرْ دِرَتِنْ آهُ و أَهێ مِنْ
Sih sal e ji derd û ji belayê te hilak în
hetta bi felek her diretin ah û ehê min
مَايَکْ نَفَسَکْ مِنْ دِبِتِنْ صَبْرُ و قَرَارَكْ
قَدْ بێ تَه وُ بێ تَه دِبِتِنْ مِثْلِێ سَهێ مِنْ
Ma yek nefesek min dibitin şebr û qerarek
Qed bê te we bê te dibitin mislê sihê min
گَرْ شُبْهَتێ پَرْوَانَه دِ بِزْمێ تَه چِه سَدْ گَرْ
سَدْ نَالَه هَزَارْ رَنْگِ وَكِی چَنْگُ و ژَهێ مِنْ
Ger şubhetê perwane di bezmê te çi sed ker
sed nale hezar reng-i wekî çeng û jihê min
نُورِينْ قَدَحَا خَمْرُ و حَيَاتَا مَه بِسَرْ دَانْ
گَرْ وێ بِدَتِنْ دَسْتِ بِدَسْتْ مُشْتَرِهێ مِنْ
Nûrînqedeha xemr û heyata me bi ser dan
Ger wê bidetin dest-i bi dest muşterihê min
يَكْ عِشْوَه مَلَا گَرْ بِبُهَا بِێتِ ژِ لَعْلَانْ
سَدْ جَانْ مَه هَبِنْ هێژْ كُو مُقَصِّرْ دِ بَهێ مِنْ
Yek ’işwe, Melayî, bi biha bête ji le’lan
sed can me hebin hêj ko muqeşşir di behê min
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
