şebê qedrê li me rewşen ke tu rûhî were xweş
Me ji nû xweş ke li ser çehvê şehîd bin xwe bi meş
Ma li min kê nezerek lutfê ji dil xemze ye yan
Bireşînî cegerê rîşê ji qewsên xwe bi weş
Seherê cumle şehîdên te bi rim avêhtî
Êjmarîne yeka yek me hemî şeş sed û şeş
Lê şehîdên te bi ijmarê bi xencer kuştî
Hê neçûn xwîn ji birînan sed û heftad û du leş
Ceng-i hindî dikirin fêris û rimbazê ’ereb
Tûx û ’ala di firingî ne kemandarê hebeş
Tu binê rom û ’ecem kuştine zengî di kemîn
Hane her tête peyapey ji teref Rom xweş û xweş
Da me şehzade bi destê xwe mubarek qedehek
Ne xubarek ji xumarî û ne tundî û ne xeş
Du qedeh mey bi Nişanî diderit reng-i bi reng
Nêrgiza nazik û re’na we gula taze ye geş
Xaliba ehlê zemanê ma Mela ademî yin
Venumayin ji kerê mey reş û gayê te yê beş
’Arifên ehlê beşaret ji neseq merdumê çeşm
Surmepoş in di beyadê we qebayê xwe yê reş
شَبێ قَدْرێ لِ مَه رَوْشَنْ كَه تُو رُوحِى وَرَه خُوشْ
مَه ژِ نُو خُوشْ كَه لِ سَرْ چَهْڤێنْ شَهِيدێنْ خُوهْ بِمَشْ
ما لِمِنْ كِی نَظَرَكْ لُطْفێ دِ دِلْ غَمْزَهيِيَانْ
بِرَشِينِی جَگَرێ رِيشِ ژِ قَوْسێنْ خُوهْ بِ وَشْ
سَحَرێ جُمْلَه شَهِيدێنْ تَه بِرِمْ عَاڤێهِتێ
أَژِمَارِينَه يَكَايَكْ مَه حَمِي شَشْسَدُ و شَشْ
لێ شَهِيدێنْ تَه بِ أَژْمَارِ بِخَنْجَرْ كُشْتِينْ
هێ نَچُویْ خُونْ ژِ بِرِينَانْ سَدُ و هَفْتَادُ و دُو لَشْ
جَنْگێ هِنْدِي دِكِرِنْ فێرِسُ و رِمْبَازێ عَرَبْ
تۆخُ و عَالَا دِ فَرَنْگِينَه كَمَانْدَارێ حَبَشْ
تُو بِنێ رۆمُ و عَجَمْ كُشْتِنَه زَنْگِی دِ كَمِينْ
هَانَه هَرْ تِيپِ پَياپَیْ ژِ طَرَفْ رُو خُوشُ خُوشْ
دَامه شَهْزاده بِدَسْتێ خُوه مُبَارَكْ قَدَحَكْ
نَه غُبَارَكْ ژِ خُمَارِیُ و نَه تُنْدِيُ و نَه غَشْ
دُو قَدَحْ مَیْ بِ نِشَانِی دِدَرِتْ رَنْگِِ بِ رَنْگْ
نێرْگِزَا نَازِكَه رَعْنَا وُ گُلَا تَازَهيَا گَشْ
غَالِبَا أَهْلێ زَمَانِی ما «مَلَا» آدَمِيِينْ
ڤَه نَمَايێنْ ژِ كَرێ مَهیْ رَشُ و گايێ تَهيێ بَشْ
عَارِفێنْ أَهْلێ بَصَارَتْ ژِ نَسَقْ مَرْدُمێ چَشْمْ
سُرْمَه پۆشِْنْ دِ بَيَاضێ وه قَبَايَا خُوه يَه رَشْ
حَيْفْ نِينَه قَدَمَا ته تَه لِ سَرْ هَفْتِ طَبَقْ
وَرَه جَارَكْ تُو لِسَرْ چَهْڤێ «مَلَايێ» خُوهْ بِمَشْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
