مَیْ نَنۆشِى شَيْخێ صَنْعَانێ غَلَطْ
أَوْ نَه چُو نێڤْ أَرْمَنِسْتَانێ غَلَطْ
Mey nenoşî şeyxê Sen’anî xelet
Ew neçû nêv Ermenistanê xelet
مِثْلِی مُوسَا وی تَجَلَّايَا تَه دِی
اێ تُو دِي كَانێ خَطَا كَانێ غَلَطْ؟
Mislê Mûsa wî tecellaya te dî
Ê tu dî kanî xeta hanî xelet
وێ نَدِی بَژْنَا تَه وُ دَايێ قِيَاسْ
حِکْمَتێ لَوْ چُويَه بُرْهَانێ غَلَطْ
Wî nedî bejna te û dayê qiyas
Hikmetê lew çûye burhanê xelet
سَطْوَتا لَيْلِێ يَقِينْ مَجْنُونْ تَپانْدْ
وَرْ نَه قَيْسْ نَاكَتْ بَيَابَانێ غَلَطْ
Setweta Leylê yeqîn Mecnûn tepand
Wer ne qeys naket beyabanê xelet
وێ «نِشَانِي» نَقْشُ و نِشَانَكْ تَه دِی
اێ كُو نِشَانَكْ تَه دِي كَانێ غَلَطْ؟
Wek Nişanî neqş û nîşanek te dî
Ê ko nîşanek te dî kanî xelet
أَزْ گِهَامْ آڤا حَيَاتێ خَفْ ژِ دِلْ
خِضْرِ ڤاژی چُويَه حَيْوَانێ غَلَطْ
Ez giham ava heyatê xef ji dil
Xudr-i vajî çûye heywanê xelet
شَهْنِشِينَا نَازِكَانْ ضَائِعْ مَكِنْ
دَا بِبِينِی دِلْ بِڤێ خَانێ غَلَطْ
şahnişînên nazikan dayi’ mekin
Da nebînî dil bi vê xanê xelet
الله الله چَرْخُ و دۆلابێ دِنێ
نُقْطَه قَطْ نَاكِتْ دِ دَوْرَانێ غَلَطْ
Ellah Ellah çerx û dolabê dinê
Nuqte qet nakit di dewranê xelet
رُوژُ و شَبْ هَرْ سَيْرێ دِيدَارَا تَه تێنْ
نَاكِرِنْ أَوْ دَوْرُ و سَيْرَانێ غَلَطْ
Roz û şeb her seyrê dîdara te tên
Nakirin ew dewr û seyranê xelet
هُونْ بِبێنْ مَشَّاطَه يێ خَفْ دَانِيَه؟
هَمْقِرَانْ كِرْ خَالُ و نِشَانێ غَلَطْ
Hon nebên meşşateyê xef daniye
Hemqeran kir xal û nîşanê xelet
دێ بِسَرْ جَانێ مَه مِرْوَةْ دَا مَه اِێخْ
بِشْكُوێنْ بَنْدَا گِرِيبَانێ غَلَطْ
Dê bi ser canê me murwet da me êx
Bişkowên benda girîbanê xelet
سَرْنَه بِي بَرْ كُفْرێ زُلْفێ عَاقِبَتْ
أَزْ دِتِرْسِمْ لێ ژِ إِيمَانێ غَلَطْ
Ser nebî ber kufrê zulfê ’aqibet
Ez ditirsim lê ji îmanê xelet
بێهْنِيَا ڤێ چَرْخُ و دُۆلابێ دِنێ
نِسْبَتَا دَرْ بَابێ عِرْفَانێ غَلَطْ
Pehniya vê çerx û dolabê dinê
Nisbeta erbabê ’urfanê xelet
سُخهيێ عَالَمْ هَمِي عِنْوانَكه
نُقْطَيَكْ نابِتْ ژِ عِنْوانێ غَلَطْ
Nusxe’ê ’alem hemî ’unwanek e
Nuqteyek nabit di ’unwanê xelet
قُلْزُمُ و بَايێنْ مُخَالِفْ تێ پُرِينْ
دَا نَهكَلْشِينْ دَارێ سُكَّانێ غَلَطْ
Qulzum û bayên muxalif tê pir in
Da nekelşên darê sukkanê xelet
دَا بِزَانِي پَهْلَوَانِي مُويَكه
دَسْتْ نَدَێ (لِلَّهِ) مِيزَانێ غَلَطْ
Da bizanî pehlewanî mûyekê
Dest nedî li-l-lahi mîzanê xelet
وێ دِ دَسْتێ مِنْ گُلَا گَشْ پُرْ خُنَاڤْ
حَيْفِ بُلْبُلْ چُو گُلِسْتَانِ غَلَطْ
Wî di destê min gula geş pir xwinav
Heyf-i bilbil çû gulistanê xelet
هِیژِ سَهْوَا خَامَهيێ بُو وَرْنَه مِنْ
أَڤْ غَلَطْ نَدْكِرْ دِ دِيوَانێ غَلَطْ
Hêj-i sehwa xame’ê bû werne min
Ev xelet nakir di dîwanê xelet
وێ لِسَرْ بَژْنَا تَه أَڤْ سَيْوَانْ ڤَدَا
وَرْنَه نَادَه رۆژِ سَيْوَانێ غَلَطْ
Wî li ser bejna te ev seywan veda
Wer ne nada roj-i seywanê xelet
گَهْ دِلُ و گَهْ جَانْ دِبِنْ تُرْكێ تَه تێنْ
نَاكِرِنْ يَغْمَا وُ تَالانێ غَلَطْ
Geh dil û geh can dibin tirkên te tên
Nakirin yexma û talanê xelet
مَشْرَبێ تُرْكَانْ فُرَاتُ و نِيلِ كِرْ
تَشْنَه لَبْ چُو طَرْفێ عُمّانێ غَلَطْ
Meşrebê tirkan Firat û Nîl-i kir
Teşneleb çû terfê ’Ummanê xelet
پِيرێ حِكْمَتْبِينْ لِ وِفْقَا مَشْرَبَانْ
كَسْ نَدِی مَیْ رێهْتَه فِنْجَانێ غَلَطْ
Pîrê hikmetbîn li wifqa meşreban
Kes nedî mey rêhte fincanê xelet
رَاسْتَه يَكْ قَانُونْ سَرَاسَرْ نِينَه تێ
خُوهْرِیُ و پێچێنْ پَرِيشَانێ غَلَطْ
Rast e yek qanûn seraser nîne tê
Xwehrî û pêçên perîşanî xelet
پَاكِ طَبْعُ و قُوَّتَكْ مَوْزُونْ دِڤێتْ
دَا نَدَتْ صَنْعَتْ بِ إِدْمَانێ غَلَطْ
Pakiteb’ û quwwetek mewzûn divêt
Da nedit sen’et bi idmanê xelet
مَرْدُمێنْ چَهْڤێنْ مَلێ عَكْسا خُوه دِی
وَكْ «نِشَانِی» مَا لِ نِشَانێ غَلَطْ
Merdimên çehvên Melê ’eksa xwe dî
Wek Nişanî ma li nîşanê xelet
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
