مَه لَوْ فِنْجَانْ لِسَرْ دَسْتَه كُو مَهْتَابَا هِلَالْ أَبْرُو
نُمَايِنْ مِنْ دِ مِرْآتێ مَيَا صَافَا زَلَالْ أَبْرُو
Me lew fincan li ser dest e ko mehtaba hilal ebrû
Numayên min di mir’atê meya safa zelal ebrû
بِشِرِينِی بِزِيبَايِی بِرَفْتَارِی بِبَالَايِی
بِنێ نُونێنْ دِ طُغْرَايِی لِبَالَا هَرْ دُ خَالْ أَبْرُو
Bi şîrînî bi zîbayî bi reftarî bi balayî
Binê nûnên di tuxrayî li bala herdu xal ebrû
بِلَا بِتْ (صَائِمُ الدَّهْرُ) و بِلَا اِفْطَارِ جَارَكْ بِتْ
كَسێ زَانِی ژِ دِلْبَرْ وێ خُيَابِنْ هَرْ دُ سَالْ أَبْرُو
Bila bêt saimu d-dehrî û bila iftarê carek bit
Kesê zanî ji dilber wê xwiya bin her du sal ebrû
شَبی مَسْتَانَه رَيْحَانێ دِلێ مِنْ دِی دِ آمَانْجێ
رَشَانْدِی سِينَهيێ تِيرَانْ بِقَوْسێ هَرْ دُ مالْ أَبْرُو
Meşî mestane reyhanî dilê min dî di amancê
Reşandî sîneyê tîran bi qewsê her du mal ebrû
سَحَرْگَهْ زُهْرَه سِيمَايَا مَه چُو گُلْشَنْ بِسَیْرَانِی
بِسَرْ چَهْڤێنْ «نِشَانِی» دَا خِرَامِی أَوْ هِلَالْ أَبْرُو
Sehergeh zuhresîma wa diçû gulşen bi seyranê
Bi ser çehvên Nişanî da xiramê ew hilal ebrû
دِبێنْ خَاوَرْ پَرَسْتِی تُو نِزَانِنْ مِنْ دِ كَشْفێ دَا
نُمَايِنْ مِنْ دِ شَرْقێ نَازِكَا گَرْدَنْ شَمَالْ أَبْرُو
Dibên xawerperest î tu nizanin min di keşfê da
Numayên min di şerqê nazika gerdenşemal ebrû
تَنێ مَاهَرْ تَرَازُونَه دِ بَابێ حُسْنێ كێشَایِی
هِلَالێ خَاتَمێ حُسْنِنْ لِوێ دێمێ بِخَالْ أَبْرُو
Tinê ma her terazû ne di babê husnê kêşayî
Hilalê xatemê husn in li wê dêmê bixal ebrû
مَه جَوْهَرْ عُنْصُرَكْ خَامِسْ نُمَا اِيرۆ دِ طَالِعْ دَا
دِ ڤێ تَقْوِيمێ اِنْسَانِی لِطَالِعْ بُونَه فَالْ أَبْرُو
Me cewher ’unsurik xamis numa îro di tali’ da
Di vê teqwîmê insanî li tali’ bûne fal ebrû
بِزُنَّارَا دِ دێرێ دَا لِهِنْدَاڤَا چَلِيپايێ
بِمِحْرَابێ مَه بِرْ سَجْدَه بَلێ أَمَّا خَيَالْ أَبْرُو
Bi zunnara di dêrê da li hindava çilîpayê
Bi mihrabê me bir secde belê emma xiyal ebrû
دِ مَابَيْنَا دُو أَبْرُويَانْ دِبِينِمْ قَابَه قَوْسَيْنێ
دِدِنْ مِنْ (طَرْفَةُ الْعَيْنِ)ێ جَوَابَا سَدْ سُؤَالْ أَبْرُو
Di mabeyna du ebrûyan dibînim qabê qewseynê
Didit min terfeti l-’eyni cewaba sed su’al ebrû
دِ بَاطِنْ سَجْدَگَاهَا مِنْ ژِبۆ وی هَرْ دُو أَبْرُونَه
بِعَيْنِی طَاقێ مِحْرَابِنْ دِ عِلْمێ أَهْلێ حَالْ أَبْرُو
Di batin secdegahê min li ber wan herdu ebrû ne
Bi ’eynê taqê mihrab in di ’ilmê ehlê hal ebrû
أَگَرْ دَعْوَايێ مُوسَایی دِ عِشْقێ دَا بِكِمْ جَائِزْ
«مَلا» دَائِمْ تَجَلَّايَه ژِ وێ تَرْحَا شَلَالْ أَبْرُو
Eger de’wayê Mûsayî di ’işqê da bikim ca’iz
Mela dayim tecella ye ji wê terha şelal ebrû
بِشِرِينِی بِزِيبَايِی چِه كَاتِبْ بُو وَه كێشَایِی
«تَعَالَی اللّٰهُ» نِشَانْ دَانَه وَه شِرِينْ أَڤْ مِثَالْ أَبْرُو
Bi şîrînî bi zîbayî çi katib bû we kêşayî
Te’ale l-lah nişan dane we şîrîn ev misal ebrû
نَه شِرِينَا لِدَرْبَنْدێ نَه مَحْبُوبێ سَمَرْقَنْدێ
نَه كێشَايِنْ بِڤِی رَنْگِی لِنَقْشێ بێ زَوَالْ أَبْرُو
Ne şîrîna li derbendê ne mehbûbê Semerqendê
Ne kêşayîn bi vî rengî li neqşê bêzewal ebrû
نِشَانَا قَابَه قَوْسَيْنێ كُو قَوْسْ آڤێهْتَه أَبْصَارَانْ
دِ تَقْوِيمَا تَجَلَّايێ لِسَرْ لێ بُونْ هِلَالْ أَبْرُو
Nişana qabê qewseynê ko qews avête ebsaran
Di teqwîma tecellayê bi ser lê bûn hilal ebrû
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
