Ger Ji Wê Horîsiriştê

Ger Ji Wê Horîsiriştê 08:02

گَرْ ژِ وێ حُورِى سِرِشْتێ عِشْوَيَكْ إِظْهارِ بِتْ
دى بِبِتْ نارێ (خَلِيلُ اللهُ) و دۆژه سارِ بِتْ
Ger ji wê horîsiriştê ’işweyek izhar-i bit
Dê bibit narê Xelîli l-lah û dojeh sar-i bit

وَرْ ژِ بَرْ پَرْدێ يَدێ بَيْضا بِمُعْجِزْ بێته دَرْ
شَمْسُ و كَوْكَبْ دێ هِلِێنْ عالَمْ تَژِى أنْوارِ بِتْ
Wer ji ber perdê yedê beyda bi mu’ciz bête der
şems û kewkeb dê hilên ’alem tejî enwar-i bit

وَرْ ژِ عَكْسا خَمْرِيانْ قَوْسُ و قُزَحْ دِدِتْ ياسَمِینْ
دى گُلُ و رَيْحانْ بِبارِنْ تێكُ و تێ گُلْزارِ بِتْ
Wer ji ’eksa xemriyan qewsê qezeh dit yasemîn
Dê gul û reyhan bibarin têk û têk gulzar-i bit

شَمْعِ دێ جانْ دِتْ ژِ شَوقێ بێته بَرْ صُبْحێ نَفَسْ
نارِتْ آخِرْ گَرْ بِمُويَكْ بَحْثێ زُلْفا يارِ بِتْ
şem’-i dê can dit ji şewqê bête ber şubhê nefes
Narit axir ger bi mûyek behsê zulfa yar-i bit

سِلْسِلا بَحْثێ ژِ خُونا دِلْ بَرانْ زُلْفا بِچِينْ
دى خَطا بِتْ نافَه مِسْكْ أرْ نافه يێ تاتارِ بِتْ
Silsila behsê ji xwîna dilber an zulfa biçîn
Dê xeta bit navê misk er nafe’ê tatar-i bit

طۆقى گَرْدَنْ حَلْقه يا زُنّارێ زُلْفا يارِه مِنْ
دێ كِلِيتا كَلْبێ عِشْقێ حَلْقه يێ زُنّارِ بِتْ
toqê gerden helqeyê zunnarê zulfa yarê min
Dê kilîta kelbê ’işqê helqeya zunnar-i bit

عَقْدێ اِحْرامێ دِ عِشْقێ داكُو پِيرێ عِشْقێ بَسْتْ
دێ چِه غَمْ گَرْ خِرْقه رَهْنێ خانه يێ خَمّارِ بِتْ
’Eqdê ihramê di ’işqê da ko pîrê ’işqê best
Dê çi xem ger xerqe rehnê xane’ê xemmar-i bit

گَزْمَيَكْ قَوْسێ شَڤِينْ عاشِقْ بِنِيْڤا دِلْ كَڤِتْ
دێ ژِ جانْ دَسْتانْ بِشۆتْ خاسْما كَڤانْ نُوبارِ بِتْ
Gezmeyek qewsê şevên ’aşiq bi nîva dil kevit
Dê ji can destan bişût xasma kevan nûbar-i bit

وَرْ ژِ قَوْسَيْنانْ بِمِيزانْ بێته دَرْ جۆتَكْ خَدَنْگْ
دێ جَگَرْ بِتْ پاره پاره سِينه تارُ و مارِ بِتْ
Wer ji qewseynan bi mîzan bêne der cotek xedeng
Dê ceger bit pare pare sîne tar û mar-i bit

خُونْ ژِ مێلاکێ بِدَرْبا خَنْجَرێ ما بێته دَرْ
بُو شَهِيدێ عِشْقێ اێدى دێ ژِ كُو هِشْيارِ بِتْ؟
Xwîn ji mîlakê bi derba xencerê ger bête der
Bo şehîdê ’işqê êdî dê ji kû hişyar-i bit

دێ ژِ وانْ لَعْلانْ شِفايێ دِلْ بِقانُونْ طَلْبه كِتْ
دا إشارَتْ خُوشْ بِكِنْ دێ هَرْ كَسێ بِيمارِ بِتْ
Dê ji wan le’lan şifayê dil bi qanûn telbe kit
Da işaret xweş bikin herçî kesê bîmar-i bit

بُلْبُلێ مَجْرُوحێ عِشْقێ طاقَتا خارانْ نَهِنْ
دێ كَلافا رِيشێ سِينه بِشْكۆوَكْ بێ خارِ بِتْ
Bilbilê mecrûhê ’işqê taqeta xaran nihin
Dê kulafa rîşê sîne bişkowek bêxar-i bit

هَرْ دِلێ بازی صِفَتْ دێ صَيْدێ تَیْغُونَكْ وه بِی
فِرُّ و پَرْوازا هُمايی پَنْجَه يێ شُنْقارِ بِتْ
Her dilê bazîsifet dê şeydê teyxûnek we bê
Firr û perwazê humayî penceyê şûnqar-i bit

يارْ دِڤێ حاكِمْ بِتِن قَوْلێ رَقِيبانْ گُهْ نَكِتْ
شاهێ مُلْكێ دِلْبَرێ دێ فاعِلَكْ مُخْتارِ بِتْ
Yar-i dê hakim bitin qewlê reqîban guh nekit
şahê mulkê dilberî dê fa’ilek muxtar-i bit

دِلْ بِظُلْمێ ناسۆژِی غُنْجُ و خَطُو خالێنْ لِدِلْ
خَيْرِخُواهێنْ دَوْلَتێ مِيرْ دێ ژِ وانْ گُهْرْدارِ بِتْ
Dil bi zulmê nasojî, xenc û xet û xal in di dil
Xeyrixwahên dewletê mîrî ji wan guhdar-i bit

طَيْرێ دِلْ بێ طَمْعَكێ ناإێته دَسْتْ شَهْزادَيانْ
قُوشْچِیێ شاهِينْ دِ دَسْتِی دێ دِ پێ آزارِ بِتْ
Teyrê dil bê tem’ekê nayête dest şehzadeyan
Qûşçiyê şahîn di destê wî di bêazar-i bit

بَنْدَهيێ باخُوێ بِڤێتْ دێ مَيْلێ سِيمُ و زَرْ نَكِتْ
دا عَطايا پادِشاهانْ بێ حَدُ و أَژْمارِ بِتْ
Bende’ê Baxwey bivêt dê meylê sîm û zer nekit
Da ’etaya padişahan bê hed û ijmar-i bit

سارِ نابِتْ دِلْ بِسَدْ جَوْرُ و جَفايانْ ذَرَّيَكْ
عِشْقِ طَبْعَتْ ناره هِنْگی دێ بِچِتْ دِژْوارِ بِتْ
Sar dibit dil ma bi sed cewr û cefayan zerreyek
’Işq-i teb’etnar e hingî dê biçit dijwar-i bit

لَشْكَرێ عالَمْ مَگَرْ يَكْسَرْ تَه دِژْمِنْ بِنْ «مَلا»
غَمْ بِ مُويَكْ ناكشِینِي گَرْ تَه دِلْبَرْ يارِ بِتْ
Leşkerê ’alem meger yekser te dijmin bin Mela
xem bi mûyek nakişînî ger te dilber yar-i bit

Ger Ji Wê Horîsiriştê 08:02

Melayê Cizîrî Dîvanı