شِيوهيێ دِلْبەرِی بِزَانْ سُنَّتَه شِيوه عِشْوه قَرْضْ
هَرْدُو نَظَرْ كُو بِنْ قَرانْ وَاجِبَه يَكْ كِرِشْمَه فَرْضْ
Şêweyê dilberê bizan sunnet e şêwe ’işwe ferd
Herdu nezer ko bin qeran wacib e yek girişme ferd
هَرْدُو قِرانْ كُو قِبْلَه بِنْ هَرْ چِه دَمَا خُيَا بِنْ أَوْ
وێ سَعَتێ دِ دِينێ عِشْقْ لَازِمَه يَكْ دُو سَجْدَه فَرْضْ
Herdu qeran ko qible bin herçi dema xwiya bin ew
Wê se’etê di dînê ’işq lazim e yek du secde ferd
خِرْقَهيێ زَرْقُ و ژَنْگێ زُهْدْ مِنْ بِمَيێ مُغَانَه شُسْتْ
شُسْتُ و شُوَكْ ژِ مَيْكَدێ أوَّلێ كَارێ فَرْضَه فَرْضْ
Xirqeyê zerq û jengê zuhd min bi meya muxane şûst
şûst û şûyek di meykedê ewwelê kar-i ferd e ferd
نَیْشَكَرِێنْ شرِێنْ زَبانْ مَسْتێ بِ جَامُ و بَادَه تێنْ
فَرْضَه دِبِتْ ژِ تَوْبَهيێ سَالِكێ عِشْقێ تَوْبَه فَرْضْ
Neyşekerên şirînzeban mest-i bi cam û bade bên
Ferd e dibit ji tewbeyê salikê ’işqê tewbe ferd
سَاقِيێ سِيمِ سَاقِێ مَا زَهْرێ هَلَاهِلِی بِدَسْتْ
جَانێ مَه شُكْرُ و مِنَّتَه تِيزُ و رَوَانَه رَقْصَه فَرْضْ
Saqiyê sîmisaq-i ma zehra helahilî bi dest
Canê me şukr û minnet e tîzirewan e reqs e ferd
خَالِ أگَرْ بِوَجْهَكێ بێتَه قِرانێ أَبْرُوانْ
شُبْهَتی بَيْتێ مَقْدِسُ و كَعْبَه دِبِنْ دُو قِبْلَه فَرْضْ
Xal-i eger bi wechekê bête qeranê ebrûyan
şubhetê Beyt-i meqdes û Ke’be dibin du qible ferd
أر كُو دِ دَعْوِا عَاشِقی كِفْشَه دِكِتْ زَبَانْ دَرَوْ
كَتْمێ شَهَادَتێ دِبِتْ وێ سَعَتێ بِشَهْدَه فَرْضْ
Ez ko di de’wa ’aşiqî kifşe dikit zeban derew
Ketmê şehadetê dibit wê se’etê bi şehde ferd
جَبْهَتُ و دێمُ و گَرْدَنێ پَرْدَه دَمَا ژِبَرْ بِرَتْ
فَرْضَه «مَلَا» لِحَاجِيَانْ سَعْيُ و طَوَافُ و عُمْرَه فَرْضْ
Cebhet û dêm û gerdenê perde dema ji ber biret
Ferd e Mela li haciyan se’y û tewaf û ’umre ferd
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
