شاهِدێ جِلْوَهنُما قُدْسِیێ فِيرُوزه لِباسْ
هَرْ چِه رَنْگێ تَه نِشَانْ دِتْ تُو نِشَانێ خُوه بِنَاسْ
şahidê cilwenuma qudsiyê feyrûzelibas
Heçî rengê te nişan dit tu nişanê xwe binas
حُسْنِ بێ آيِينَه يێ عِشْقێ تَجَلِّي نَادِرِتْ
عِشْقێ مَحْمُودِي دِ مَعْنَا نَمَكێ حُسْنَا أَيَاسْ
husnê bê ayîne’ê ’işqê tecellî nadit
’Işqa Mehmûdî di me’na nemekê husna Eyas
هَرْ چِه رَنْگێ تَه بِڤێتِنْ خُوه بِبِينِي (لله)
نَظَرێ وَرْ بِدَه كَاسێ چِه خُۆشْ آيِينَهيَه كَاسْ
Herçî rengê te bivêtin xwe bibînî li-l-lah
nezerê wer bide kasê çi xweş ayîne ye kas
تُو شَرَابێ بِ غَرَابێ بِ نَهَنْگَانْ دَه وُ مَىْ
دێ كِفَايَتْ بِ چِه رَنْگی مَه بِكِنْ كُوزَه وُ طَاسْ
Tew şerabê bi xerabê bi nehingan de demê
Dê kifayet bi çi rengî me bikin kûze û tas
رَمْزُ و رَازێنْ نَىُ و نَايێ كُو سَمَاعِينَه هَمِي
ژِ مَحَالَا تَه بِ عَقْلێ خُوه بِزَانِي ژِ قِيَاسْ
Remz û razên ney û nayê ko sema’î ne hemî
Ji mehala te bi ’eqlê xwe bizanî ji qiyas
وێ دِكِتْ مَغْلَطَه هَرْ دَمْ لِ حَرِيفَانْ بِ جَدَلْ
بِ دُو جَامَانْ ڤَدِخُونْ سِيرَتێ أَبْيَضێ وَسِوَاسْ
Wê dikit mexlete herdem li herîfan bi cedel
Bi du caman vedixwin sîretê Ebyed-weswas
دَسْتَگِيرێ تَه نَبِتْ خِضْرێ عِنَايَتْ لِ قِدَمْ
نَاجِهِێ آبێ حَيَاتێ بِ دُو عَسْكَرْ إِلْيَاسْ
Destigîrê te nebit xudrê ’inayet li qidem
Nagihî ab-i heyatê bi du ’esker Ilyas
تُو بِنێ مَاهێ نَوُ و دَسْتێ قَضَايێ هَىُ و هَىْ
نَه لِ زَرْعێ فَلَكێ بَلْكِي لِ عُمْرێ مَه يَه دَاسْ
Tu binê mah-i new û destê qedayê heyihey
Ne li zer’ê felekê belkî li ’umrê me ye das
تُرْكێ خُونْرِێزُ و خُمَارِی مَه بِيَكْ غَمْزَيَهكێ
زُهْدێ چِلْ سَالَه لِمِنْ زِيرُ و زَبَرْ كِرْ ژِ أَسَاسْ
Tirkê xwînrîz û xumarê me bi yek xemzeyekê
Zuhda çilsale li min zîr û zeber kir ji esas
ژِ لَبێ لَعْلێ شَكَرْ يَارْ قَه نَهكِرْ پُرْسَا «مَلێ»
مِصْرِيَانْ گَزْمَه رَشَانْدِنْ كُو كِشَانْدِنْ أَلْمَاسْ
Ji lebê le’lê şeker yar qe nekir pirsa Melê
misriyan gezme reşandin ko kişandin elmas
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
