نێرْگِزێنْ شَنْگِ دِ مَسْتِنْ چَپُ و راسْتْ
ساقِيانْ جامِ دِ دَسْتِنْ چَپُ و راسْتْ
Nêrgizên şeng-i di mest in çep û rast
Saqiyan cam-i di dest in çep û rast
راسْتُ و چَپْ دانْ جَگَرُ و سِينه كُلابْ
عَرْعَرێنْ شَنْگِ دِ لَسْتِنْ چَپُ و راسْتْ
Rast û çep tên ceger û sîne kulab
’Er’erên şeng-i di mest in çep û rast
توّخُ و عالا كُو خُيا بُونْ ژِ عَجَمْ
عَرَبَانْ تِيپِ شِكَسْتِنْ چَپُ و راسْتْ
Tûx û ’ala ko xwiya bûn ji ’ecem
’Ereban tîp-i şikestin çep û rast
بَرْ ڤِشَرْقێ دِ سَحَرْ وَسْتايِينْ
هِنْدُوِێنْ رۆژِپَرَسْتِنْ چَپُ و راسْتْ
Ber vi şerqê di seher westayî yin
Hindûyên roji-perest in çep û rast
قَيْصَرێ رۆمێ لِسَرْ حَدّێ فَرَنْگْ
تۆپُ و زِنْجِيرِ ڤَبَسْتِنْ چَپُ و راسْتْ
Qeyserê Romê li serheddê firing
Top û zincîr-i vebestin çep û rast
هَرْدُو دَسْتێنْ خُوه حَمائِلْ شَڤَقێ
مه ژِ بۆ يارێ دِخُوسْتِنْ چَپُ و راسْتْ
Herdu destên xwe hemail şevekê
Me ji bo yarê dixwestin çep û rast
ڤه «مَلێ» سُرْ پَرِيا حۆرى صِفَتْ
سَدْ مَلَكْ دَسْتِ بِدَسْتِنْ چَپُ و راسْتْ
Ve Melê sirperiya horîsifet
Sed melek dest-i bi dest in çep û rast
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
