Heyheya reqs û semaya te çi xweş bestiye çerx
Ko di bircê bi sema têt li ser destê xwe berx
Sofiyên her di tewafê heceri l-eswed e qesd
Gul û sinbil bi sema tên hemiyan zimzim û çerx
Neqşê elmasî li elmas-i binê girtiye herf
Xettê yaqûtî li yaqût-i şikênandiye nerx
Kerixîn em di qiyamê me ji dil perde dirand
’Arifê weqt im û Me’rûf-i bila bête ji Kerx
Da binasî xeterên rê tu nebî xafil-i jê
Dicle ye lê di pir in bir birê pêl û ber û merx
Pîrê şe’ar e di şi’rê we Melê şalifiroş
Tu nişan min mede Ferxî ko li nik min bûye ferx
هَىْ هَيَا رَقْصُ و سَمَايَا تَه چِه خُۆشْ بَسْتِيَه چَرْخْ
كُو لِسِلْسِلْ بِسَمَا تێتِ لِسَرْ دَسْتێ خُوه بَرْخْ
صُوفِيێنْ هَرْ دِطَوَافێ ﴿حَجَرُ الأَسْوَدَ﴾ قَصْدْ
گُلُ و سُنْبُلْ بِسَمَا تێنْ حَمِيَانْ زِمْزِمَه چَرْخْ
نَقْشێ أَلْمَاسِی ژِأَلْمَاسِی بِنێ گِرْتِيَه حَرْفْ
خَطێ يَاقُوتِی لِيَاقُوتِی شِكێنَانْدِيَه نَرْخْ
کَرَّخِینْ أَمْ دِقِيَامێ مَه ژِدِلْ پَرْدَه دِرَانْدْ
عَارِفێ وَقْتِمُ و مَعْرُوفِ بِلا بێتِ ژِ كَرْخْ
دَا بِنَاسِی خَطَرێنْ رێ تُو نَبِی غَافِلِ ژێ
دِجْلَيه لێ دِ پُرِّنْ بِرْبِرێ پێلُ و بَرُ و مَرْخْ
پِيرێ شَعَّاره دِ شِعْرێ وُ «مَلێ» شَالِ فِرۆشْ
تُو نِشَا مِنْ مَدَه فَرْخێ كُو لِنِكْ مِنْ بُويَه فَرْخْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
