لَاتێ حُسْنِی وُ شَهێ خُوبَانِی
بِخُوه هَمْ خَانِیُ و هَمْ خَاقَانِی
Latê husn î û şehê xuban î
Bi xwe hem xan î we hem xaqan î
يُوسُفێ ثَانِی تُو اِيرۆ خَانِمْ
كُو بِ حُسْنَا خُوه نَدِيرِی ثَانِی
Yûsifê sanî tu îro xanim
Ko bi husna xwe nedêrî sanî
بِ سُڕُ و هَيْبَتُ و سَهْمێ خُوه پَرِی
بِ تَه شێنِنْ لِبُتَانْ سُلْطَانِی
Bi sur û heybet û sehmê xwe perî
Bi te şîn li butan sultan î
بِ طَبِلْخَانَهيێ شَاهِی وَرَه تَخْتْ
كُو تُو اِيرۆ شَهێ كُرْدِسْتَانِی
Bi tebilxaneyê şah î were text
Ko tu îro şehê Kurdistan î
كَاکُلێ بَرْدَه بِسَرْ خَالُ و خَطَانْ
كُو مُسَلْسَلْ بِنُمِتْ رَيْحَانِی
Kagulê berde bi ser xal û xetan
Ko muselsel binumêt rîhan î
اِسْمێ أَعْظَمْ مَه دِڤێ جِلِ اِسْمِی
ژِ دُو حَرْفَانْ بِمُعَمَّا زَانِی
Ismê e’zem te divê çil ism î
Ji du herfan bi mu’emma zanî
چِه بَرَاتْ بُو وَه بِسَرْ دَا كَاكُلْ
چِينْ بِچِينْ مَسْتْ بِ طُغْرَا رَانِی
çi berat bû we bi ser da kagul-i
çîn bi çîn mest bi tuxra ranî
تَه چِه حَاجَتْ بِ سُلَیْمَانِييێ حُسْنێ
خَاتَمَكْ لَعْلَه بِ گَوْهَرْ آنِی
Te çi hacet bi suleymaniyê husnê
Xatemek le’le bi gewher anî
چِه خَطْ شِكَسْتَه مُسَلْسَلْ يَا رَبْ
كُو تَه پێ نَسْخِ كِرِی دِيوَانِی
çi xet eşkeste muselsel ya reb
Ko te pê nesix kirî dîwanî
گَرْ چِه پُڕْ خَالُ و نِشَانِی أَمَّا
«بِنِشَانِی» كُو تُو بێ نِشَانِی
Gerçî pirxal û nişan î emma
Bi Nişanî ko tu bênîşan î
أیْ پَرِی حُورِی سِرِشْتێ هَرْ چَنْدْ
بَشَرْ آدَمِیُ و اِنْسَانِی
Ey perî horisiriştê herçend
Bi beşer adem î û insan î
سُڕێ سُبْحَانْ تَه ژِ حُسْنێ دِنُمِتْ
أَحْسَنَ اللّٰهُ) ژِ سُرا سُبْحَانِی
Surrê subhan te ji husnê dinumît
Ehsene l-lah ji sura subhanî
چِه حَدێ عَقْلَه قِيَاسێ تَه كِرِتْ ؟
أَڤَه بُرْهَانْ كُو تُو بێ بُرْهَانِی
çi heddê ’eql e qiyasê te kirit
Ev e burhan ko tu bêburhan î
مَه تَمَنَّا ژِ نَسِيمْ خَاكێ تَه كِرْ
پێ بِكِينْ دِيدَه وُ دِلْ نُورَانِی
Me temenna ji nesîm xakê rehê kir
Pê bikîn dîde û dil nûranî
نَفَسَكْ بێ تَه مَه نَايێ بِاللّٰهِ
نَه تَنێ رُوحِی تُو رُوحُ و جَانِی
Nefesek bê te me nayê bi l-lah
Ne tinê rûh î tu rûh û can î
سَدْ هَزَارَانْ ژِ تَه پَیْكَانْ دِ دِلِنْ
لێ لِسَرْ وێ مَه تَنێ دَرْمَانِی
sed hezaran ji te peykan di dil in
Lê li serwê me tinê derman î
تَه بِرِينێنْ مَه كَوَانْدِنْ دِيسَا
ژِ نُو آگِرْ تَه لِ دَاغَانْ دَانِی
Te birînên me kewand dîsa
Ji nû agir te li daxan danî
تَه «مَلَا» پُڕْ دِ جَگَرْ گَزْمَه نَه لَوْ
وَه پَرِيشَانِی وُ پُرْ اێشَانِی
Te Mela pir di ceger gezme ne lew
We perîşan î we pirêşan î
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
