دِلْ يَكَه دێ عِشْقِ يَكْ بِتْ عَاشِقی يَكْ يَارِ بَسْ
قِبْلَه دێ يَكْ بِتْ قُلُوبَانْ دِلْبَرَكْ دِلْدَارِ بَسْ
Dil yek e dê ’işq-i yek bit ’aşiqan yek yar-i bes
Qible dê yek bit qulûban dilberek dildar-i bes
مِنْ دِ بَنْدَا زُلْفَكێ دِلْ دَا بِ دَسْتێ پِيرێ عِشْقْ
لَوْ دِ عِشْقێ دَا مَه بَسْتْ اِحْرَامُ و يَكْ زُنَّارِ بَسْ
Min di benda zulfekê dil da bi destê pîrê ’işq
Lew di ’işqê da ko best ihram û yek zunnar-i bes
طَرْحُ و تَرْزِى بُونَه زُنَّارُ و چَلِيپا يَكْ بِ يَكْ
لَوْ مِه زُنَّارُ و چَلِيپا يَكْ تَنێ يَكْجَارِ بَسْ
Terh û terzê bûne zunnar û çelîpa yek bi yek
Lew mi zunnar û çelîpa yek tinê yekcar-i bes
هِنْ ژِ نِكْ دِيرێ ڤَه تێنْ قَسْتا كِنِشتێ هِنْ دِكِنْ
نَیْ ژِ ڤَانِمْ نَیْ ژِ وَانِمْ مِنْ دَرِێ خَمَّارِ بَسْ
Hin ji nik dêrê ve tên qesta keniştê hin dikin
Ney ji van im ney ji wan im min derê xemmar-i bes
گَرْ چِه تێنْ رَقْصُ و سَمَايێ هَرْ سَحَرْ سَدْ نَيْشَكَرْ
مِنْ دِ بَزْمَا سۆرْشِيرِينَانْ أَوْ شِيرِينْ رَفْتَارِ بَسْ
Gerçi tên reqs û semayê her seher sed neyşeker
Min di bezma sirşirînan ew şirînreftar-i bes
وَهْ چِه وَالَا جَوْهَرِنْ هَاتِنْ لِ بَاسێ جِسْمُ و جَانْ
مِنْ ژِ وَانْ حُۆرِ سِرِشْتَانْ أَوْ پَرِي رُخْسَارِ بَسْ
Weh çi wala gewher in hatin libasê cism û can
Min ji wan horîsiriştan ew perî rûxsar-i bes
حَوْجه سِحْرێ سَامِرِي نِينِنْ كُو زُلْفَانْ ڕَشْ بِكِتْ
چَشْمِ بَنْدَا دِلْرُبَايَانْ كُلكُلَا عَيَّارِ بَسْ
Hewce sihrê Samirî nîn in ko zulfa reş bikit
çeşmê benda dilrubayan kagula ’eyyar-i bes
بُلْبُلَانْ سَدْ گُلْ دِ چَاڤِنْ چَاڤْ لِ سَدْ گُلْ دِی دِكِنْ
مِنْ ژِ بَاغێ گُلْعِذَارَانْ يَكْ گُلُ و گُلْنَارِ بَسْ
Bilbilan sed gul di çav in çav li sed gul dî dikin
Min di baxê gul’izaran yek gul û gulnar-i bes
مِنْ دِ بَاغێ گُلْفِرُۆشَانْ دِی عَجَبْ رَسْمَكْ غَرِيبْ
خَارِطَبْعَانْ گُلْ بِ دَسْتُ و گُلْپَرَسْتَانْ خَارِ بَسْ
Min di baxê gulfiroşan dî ’eceb resmek xerîb
Xariteb’an gul di dest in gulperistan xar-i bes
أَوْ جَفَا چُو دَرْ ژِ حَدْ ظُلْمَا تَه بِرْ حَتَّى بِچِينْ
رَحْمَهكێ جَارَكْ نَكی هَىْ ظَالِمْ أَڤْ آزَارِ بَسْ
Ew cefa çû der ji hed zulma te bir hetta bi çîn
Rehmekê carek nekî hey zalim ev azar-i bes
غَرْقێ دَرْيَایێ گُنَاهِينْ تَشْنَهيێ لُطْفا حَقِينْ
رَحْمَتێ آمِرْزِگَارُ و شَفْقَهيێ غَفَّارِ بَسْ
Xerqê deryayê gunah în teşneyê lutfa heq în
Rehmeta amirzigar û şefqe’a xeffar-i bes
أَهْلێ دُنْيَايێ سَرَاسَرْ دِژْمِنِێنْ مِنْ بِنْ «مَلَا»
پِشْتَه مِيرێ مِنْ عَلِي بِتْ حَيْدَرِێ كَرَّارِ بَسْ
Ehlê dunyayê seraser dijminên min bin Mela
Piştemêrê min ’Elî bi, heyderê kerrar-i bes
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
