عِيدَه و دَا عَالَمێ بَانْگِێ صَفَايێ خَاصُ و عَامْ
مَاهێ نَوْ أَبْرُو نُمَانْدِنْ چُو ژِ بَرْ عَوْرُ و غَمَامْ
îd e û da ’alemê bang-i şefayê xas û ’am
Mah-i new ebrû numandin çû ji ber ’ewr û xemam
خُوشْ بِدۆرُ جَامێ اِشَارَتْ كِرْ هِلَالِێ سَاقِيَانْ
مَاهِتَابێنْ زُهْرَه سِيمَا چَارْدَه سَالِی تَمَامْ
Xweş bi dor camê işaret kir hilalê saqiyan
Mahitabên zuhresîma çaridehsalî temam
نَامَه طَیْ كِرْ رُوزَه يێ عِيدێ ڤَكِرْ فَصَلَا مَیێ
لێ بِزِمْزِمْ تێنْ بِاَوَازێ نَیُ و فِنْجَانُ و جَامْ
Name tey kir roze’ê ’îdê vekir feşla meyê
Lê bi zimzim tên bi awazê neyê fincan û cam
شَاهِدێنْ گُلْ رَنْگِ سَاقِی بَلْكِی نَسْرِينِنْ بَشَرْ
اێ دِ لِبْسێ أَرْغَوَانِی نێرْگِزێنْ عَرْعَرْ خَرَامْ
şahidên gulreng-i saqî belkî nisrîn in beşer
Ê di lebsê erxewanî nêrgizên ’er’erxiram
يَا رَبْ أَوْ رُوحِنْ مُجَسَّمْ يَانْ مِثَالِێ رُوحِنْ أَوْ
لَوْ بِسُرْ جَامَانْ دِبَخْشِنْ نَازِكێنْ شِيرِينْ كَلَامْ
Ya reb ew rûh in mucessem yan misalê rûh in ew
Lew bi sir caman dibexşin nazikên şêrînkelam
أَوْ چِه عَالِی گَوْهَرِنْ هَاتِنْ لِبَاسێ جِسْمُ و جَانْ
عِشْوَهيێنْ وَانْ شُبْهێ اِكْسِيرێ دِ قَلْبَانِنْ مَقَامْ
Ew çi ’alî gewher in hatin libasê cism û can
’Işweyên wan şubhê iksîrê di qelba nin meqam
وَكْ مَلێ گَاڤَكْ تَنێ غَائِبْ ژِ دِيدَارَا تَه بِمْ
وَرْ مِرِمْ وێ سَاعَتێ لێ بِنْ ژِ مِن دَا سَدْ سَلَامْ
Wek Melê gavek tinê xa’ib ji dîdarê nebim
Wer bibim wê sa’etê lê bin ji min da sed selam
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
