خَلْقۆ لِمِنْ كِنْ شِيرَتێ
أَوْ دِلْبَرَا زَرِّينْ كَمَرْ
Xelqo li min kin şîretê
Ew dilbera zerrînkemer
مِنْ دِي دِ حَالێ غَفْلَتێ
هَاتْ دَرْ ژِ بُرْجێ وَکْ قَمَرْ
Min dî di halê xefletê
Hat der ji bircê wek qemer
هَاتْ دَرْ ژِ بُرْجُ و پَنْجَرَانْ
دِلْ گِرْتُ و دَا بَرْ خَنْجَرَانْ
Hat der ji birc û penceran
Dil girt û da ber xenceran
أَڤْ رَنْگَه حَالێ دِلْبَرَانْ
لَوْ عَاشِقَانْ خُونْ بُو جَگَرْ
Ev reng e halê dilberan
Lew ’aşiqan xwîn bûn ceger
قَلْبُ و جَگَرْ مِن بُونَه خُوێنْ
لَوْرا ژِ مِنْ دَرْبُونْ بِرِینْ
Qelb û ceger min bûne xwîn
Lewra ko nû der bûn birîn
أَيْ جَانْ وَرَه حَالِمْ بِبِینْ
وَرْ رُوحْ ژِ قَالِبْ بِينَه دَرْ
Ey can were halim bibîn
Wer rûh ji qalib bête der
جَانێ مِن أَرْ بێ سَرْ جَسَدْ
مِزْگِینْ بِ خَاقَانِى رَسَدْ
Canê min er bê ser cesed
Mizgîn bi afaqan resed
عَالَمْ حَمِى بێ پِيتُ و حَسَدْ
اِنْسَانُ و جِنُّ و جَانَوَرْ
’Alem hemî pê bin hesed
Insan û cinn û caniwer
عَالَمْ حَمِى تێكْ بُونَه صَفْ
سَيْرِینْ لِ شَاهێ مِن بِخَفْ
’Alem hemî têk bûne şef
Sey’rîn li şahê min bi xef
هَاتِنْ تَمَاشَا چَارْ طَرَفْ
شَاطِرْ خُمَارْ تَايێنْ دِ بَرْ
Hatin temaşa çar teref
şatir xumar tayên di ber
هَاتْ پادِشَاهێ پُرْ سِپَاهْ
قامَتْ أَلِيفْ دێمْ شُبْهێ مَاهْ
Hat padişahê pir sipah
Qamet elif dêm şubhê mah
دَادُ و مَدَدْ سَدْ آهُ و آهْ
زُلْفُ و عَقَارِبْ تێنَه سَرْ
Dad û meded sed ah û ah
Zulf û ’eqarib têne ser
گَزْتِيمَه خَلْقۆ عَقْرَبێ
مَسْتِمْ ژِ شَوْقَا غَبْغَبێ
Gestî me xelqo ’eqrebê
Mest im ji şewqa xebxebê
طَالِعْ تَنێ مِنْ دْ كَوْكَبێ
إِيرۆ عَقارِبْ تێنَه دَرْ
tali’ tinê mi d’kewkebê
îro ’eqarib têne der
إِيرۆ عَقارِبْ هَاتَه خُوارْ
چُو نێڤِ بَاغێ گُلْعِذَارْ
îro ’eqarib hate xwar
çû nêv-i baxê gul’izar
أَڤْ بُغْچَهيَا هَرْ لێ بِهَارْ
هَرْ بُلْبُلَانْ لێ قَالُ و شَڕْ
Ew buxçeya her lê bihar
Lew bilbilan lê qal û şer
بێ حَدْ ژِ دِلْ نَالِى كُعَيْبْ
دْ أَوْ بُغْچَهيَا رِضْوَانێ غَيْبْ
Bê hed ji dil nalî û keyb
Di ew buxçeya ridwanê xeyb
ڤَانْ نَالِيَانْ نِينِنْ تُو عَيْبْ
سۆتِينَه أَمْ دِلْ بُو سَقَرْ
Van naliyan nînin çu ’eyb
Sohtîne em dil bû seqer
سۆتِنْ لِمِنْ جَرْگُ و هِنَاڤْ
وَرْدێنْ دِ هُورْ گِرْتِنْ خُنَاڤْ
Sotin li min cerg û hinav
Werdên di hûr girtî xwinav
زُلْفْ هَاتَه سَرْ لێ كِرْ بَلَاڤْ
بَايێ نَسِيمْ وَقْتێ سَحَرْ
Zulf hate ser lê kir bilav
Bayê nesîm weqtê seher
تَرْسِمْ مُخَالِفْ بَادَتێ
زُلْفێنْ دِ دۆرَا جَبْهَتێ
Tirsim muxalif ba detê
Zulfên di dora cebhetê
راكِتْ قِيَامْ وێ سَاعَتێ
عَالَمْ بِبِتْ زیرُ وزَبَرْ
Rakit qiyam wê sa’etê,
Alem bibit zîr û zeber
ظَاهِرْ دِبێژِمْ پَنْدِگِيرْ
دَا دِلْ نَدِى زُلْفَا حَرِيرْ
Zahir dibêjim pendigîr
Da dil nedî zulfa herîr
شُبْهێ «مَلێ» دْمِينِى أَسِيرْ
گُهْ دێره قَوْلێ مُعْتَبَرْ
şubhê Melê dimînî esîr
Guh dêre qewlê mu’teber
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
