دِلْبَرِێ ايرۆ سَحَرْ
آڤێته جَرْگێ مِنْ دُو دۆخْ
Dilberê îro seher
Avête cergê min du dox
يَكْ لِسِينَه يَكْ لِدِلْ دَا
لَوْ ژِ مِنْ تێنْ آخُ و اۆخْ
Yek li sîne yek li dil da
Lew ji min tên ax û ox
آهُ و اۆخێنْ مِنْ ژِ دِلْ تێنْ
لێ ژِ بَرْ تِيرَا قِزِلْ تێنْ
Ah û oxên min ji dil tên
Lê ji ber tîra qizil tên
يَانْ ژِ كۆڤَانێنْ دِ كُلْ تێنْ
ژێ دِزێتْ هَرْ خُونُ و زۆخْ
Yan ji kovanên di kul tên
Jê dizêt her xwîn û zox
خُونْ ژِ دِلْ جۆجۆ رَوَانْ تێ
وَكْ عَقِيقُ و أرْغَوَانْ تێ
Xwîn ji dil co co rewan tê
Wek ’eqîq û erxewan tê
لێ ژِ دَسْتْ سَلْوَا جِوَانْ تێ
أَوْ شَپَالَا شَنْگُ و شۆخْ
Lê ji dest selwa ciwan tê
Ew şepala şeng û şox
أَوْ شَپَالَا شۆخُ و شَنْگَه
كَافِرَا رۆمُ و فَرَنْگَه
Ew şepala şox û şeng e
Kafira rom û fireng e
دَامَه بَرْ جُهْتَكْ خَدَنْگَه
ظَالِمێ كُشْتِمْ بِدۆخْ
Dame ber cotek xedeng e
Zalimê kuştim bi dox
ظَالِمێ كُشْتِمْ شَپَالێ
نَازِكێ قَنْجێ دَلَالێ
Zalimê kuştim şepalê
Nazikê qencê delalê
بُونْ حِجَابَا زُلْفُ و خَالێ
اێدَكُ و عَالَا وُ تۆخْ
Bûn hicaba zulf û xalê
îdek û ’ala û tox
تَتْرِكُ و تَايێنْ بِرِيشِی
اێ دِ زِێڕِنْ پێڤَه وِيشِی
Netrik û tayên bi rîşî
Ê di zêr in pê ve wîşî
مِنْ دُو فِێرِسْ دِينْ دِ بیشِێ
مِرْوَتُ و اِنْصَافِ يۆخْ
Min du fêris dîn di pêşî
Mirwet û insafi yox
لَوْ هَرِفْتِمْ أَزْ ژِ مَيْلێ
شُبْهَتێ سَهْلُ و سُهَيْلێ
Lew heriftim ez ji meylê
şubhetê sehlê we seylê
مُحْبَتُ و عِشْقَا دِ لَيْلێ
أَزْ كِرِمْ يَكْسَرْ پِلۆخْ
Muhbet û ’işqa di Leylê
Ez kirim yekser pilox
دَسْتْ نَهێلِمْ أَزْ ژِ دِينێ
شُبْهێ فَرْهَادُ و شِرِينێ
Dest nehêlim ez ji dînê
şubhê Ferhad û şirînê
وَرْ ژِ بَرْ عِشْقُ و أَڤِينێ
مِنْ دِ رێ چِتْ أَڤْ كِلۆخْ
Wer ji ber ’işq û evînê
Min di rê çit ev kilox
صُحْبَتَا چَرْخُ و سَمَاتێ
وَكْ «مَلێ» سَدْ مُبْتَلَا تێ
Suhbeta çerx û sema tê
Wek Melê sed mubtela tê
زَمْزَمُ و آڤَا حَيَاتێ
مُشْتَرِی سَدْ شَيْخُ و شۆخْ
Zemzem û ava heyatê
Muşterî sed şeyx û şox
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
