دِلْ ژِ عِلَاجێ كُو بِدَرْكَتْ مِزَاجْ
دێ ژِ لَبێ نُۆشِێ عَطَا بِتْ عِلَاجْ
Dil ji ’ilacê ko bi der ket mizac
Dê ji lebê noş-i ’eta bit ’ilac
آيِنَهيێ جَامێ جِهَانْ بِینێ جَمْ
بَادَهيێ لَعْلِينَه دِ جَامَا زُجَاجْ
Ayîne’ê camê cehanbînê Cem
Bade’ê le’lî ne di cama zucac
آڤێ حَيَاتێ بِمَه دَا شَرْبَتَكْ
زِنْدَه كِرِينْ مَا ژِ عَدُوْ رَا نَشَاجْ
Ji ava heyatê bi me da şerbetek
Zinde kirîn ma ji ’edû ra neşac
بَنْدَه كِرِمْ گَرْچِه شَبَهْ فِيلِ بُومْ
سِيمْبَرَا سَاعِدُ و بَازُو ژِ عَاجْ
Bend-i kirim gerçi şubih fîl-i bûm
Sîmiberê sa’id û bazo ji ’ac
أَخْتَرێ إِقْبَالُ و مَهێ بُرْجێ بَخْتْ
مِهْرُ و سِپِهْرُ و كَمَرُ و تَخْتُ و تَاجْ
Exterê iqbal û meha birca bext
Mihra sipihrê kemer û text û tac
كُوسِ كُو هِنْگَافْتِی بِشَاهی لِتَخْتْ
پَادِشَهَانْ نَقْدێ رَوَانْ دَا خَرَاجْ
Kos-i ko hingaft-i bi şahî li text
Padişahan neqdê rewan dan xerac
خُسْرَوێ شِيرِينێ لِدَرْبَنْدێ حُسْنْ
سِيمِبَرَانْ لَازِمَه لێ مُهْرُ و بَاجْ
Xwisrûyê şîrîn-i li derbendê husn
Sîmiberan lazim e lê mehr û bac
سِكَّهيێ شِعْرێ مَه بِنَاڤێ تَه هَاتْ
لَوْ بِعَيَارێ دِ جِهَانْ دَا رَوَاجْ
Sikkeyê şi’ra me bi navê te hat
Lew bi ’iyarê di cehan da rewac
آبێ رَوَانْ مِنْ دِيَه شِعْرَا «مَلَا»
(يُنْكِرُ لِلْمَاءِ لِسُوءِ الْمِزَاجْ)
Abê rewan min diye şi’ra Mela
Yunkiru li-lma’i li-sû’i l-mizac
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
