گَرْ چِه بُلْبُلْ جَوْهَرێ ذَاتێ گُلَه
لێ گُلێ رَوْنَقْ ژِ عِشْقَا بُلْبُلَه
Gerçi bilbil cewherê zatê gul e
Lê gulê rewneq ji ’işqa bilbil e
گُهْدَه ذِكْرێ حَالُ و جۆشَا بَادَهيێ
وێ بِبُلْبُلْ رَا دِخُونِتْ بُلْبُلَه
Guh de zikrê hal û coşa badeyê
Wê bi bilbil ra dixwînit bilbil e
سۆسِنَانْ سَدْ رَنْگِ آڤێهْتِنْ كَمَنْدْ
وَانْ نَگۆ دِلْ بَنْدێ تَايَكْ سُنْبُلَه
Sosinan sed reng-i avêhtin kemend
Wan nego dil bendê tayek sinbil e
سُنْبُلَانْ سَیْوَانْ لِدێمی تَازَه كِرْ
آفِتَابْ اِيرۆ دِ بُرْجَا سُنْبُلَه
Sinbilan seywan li dêmê taze kir
Afitab îro di Birca sinbil e
قَطْ ڤَرِێكی ڤِی دَمِی حَاضِرْ بِكِتْ
قِصَّيَا فَصْلێ نَه كَارێ سُنْبُلَه
Qet verêkê vê demê hadir dibit
Qisseya feslê ne karê sinbil e
عَرْعَرَا رَنْگِينْ ژِ تَايێنْ سۆرُ و زَرْ
قُمْرِيَانْ سَدْ رَنْگِ شِرِينْ غُلْغُلَه
’Er’erên rengîn ji tayên sor û zer
Qumriyan sed reng-i şîrîn xulxul e
رَمْزَهيَا عِشْقێ ژِ بَالَا هَاتَه خُوارْ
قُدْسِيَانْ آڤێهْتَه چَرْخێ غُلْغُلَه
Remzeya ’işqê ji bala hate xwar
Qudsiyan avêhte çerxê xulxul e
مَه ژِ دِلْ نَاسُورَكی دَا هَسْتِيَانْ
لَا جَرَمْ هێژْ نَشْئَهيَا دَاغَا کُلَه
Min di dil nasorekê da hestiyan
La cerem hêj neş’eya daxa kul e
بُلْبُلُ و پَرْوَانَهءِ فَصْلُ و دَمَنْ
جِنْسێ عِشْقَا مِنْ تَنێ دَرْدێ کُلَه
Bilbil û perwane ew feşl û dem in
Cinsê ’işqa min tinê derdê “kul” e
نێرْگِزَا نَازِكْ قَدَا شَهْلَايَا مَسْتْ
دِينْ كِرِمْ أَزْ بُلْبُلَانْ سَوْدَا گُلَه
Nêrgiza nazikqed û şehlaya mest
Dîn kirim ez bilbilan sewda gul e
طَبْعێ لَامِعْ وَشْ ژِ مِنَّتْ بُولْحَسَنْ
مِنْ دِ دَسْتْ دَا (ذُو الْفَقَارُ) و دُلْدُلَه
Teb’ê lami’weş zi minnet Bu l-hesen
Min di dest da çu l-fiqar û Duldul e
أَشْقَرێ بَدْفِعْلێ چِی هِی كِرْ عَجَبْ
بَارَكَ اللّٰهْ خُوشْ بَزی هَسْپێ قُلَه
’Eşqerê bedfi’l-i çî hî kir ’eceb
“Bareke l-lah” xewş bezî espê qul e
زُلْفُ و بِسْكَانْ پُڕْ ژِ مِنْ دِلْ بِرْ بَلێ
رِشْتَهيَا جَانێ «مَلێ» أَوْ كَاكُلَه
Zulf û biskan pir ji min dil bir belê
Rişteya canê Melê ew kagul e
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
