رَمْزَێنْ تَه دِ جَانَانْ نَه بِأَنْدَازَه دِرَازَنْ
هَرْ يَكْ بِهَزَارْ رَنْگِی رَوَانێ مَه دِخُوازِنْ
Remzên te di canan ne bi endaze dirazin
Heryek bi hezar rengê rewan-i me dixwazin
وَانْ دَرْبِ لِجَانێ مَه يَه وَكْ بَرْقُ و بُرُوسْكَانْ
رَمْزَێنْ تَه دِ جَانَانْ نَه تَنێ سِينَه گُدَازِنْ
Wan derbe li canê me wekî berq û birûskan
Tîrê te di canan ne tinê sîne gudaz in
جَانَا ژِ جَفَايَا تَه وُ ظُلْمێ چَه خَبَرْ دِينْ
كُو تِيرِ ژِ جَوْرا تَه دِ دِلْ دَا مَه بِگَازِنْ
Cana ji cefaya te û zulmê çi xeber dîn
Ko tîrê ji cewra te di dil da me bi gaz in
پَرْوَانَه وُ بُلْبُلْ بِدِلِنْ شُعْلَهیێ عِشْقێ
لێ گَرْ تُو نَظَرْ دِی بِخُوه أَوْ گُلْشَنِێ رَازِنْ
Perwane û bilbil bi dil in şu’leya ’işqê
Lê ger tu nezer dî bi xwe ew gulşen û raz in
پَيْوَسْتَه دِ وَصْلێ كُو دِمِينِنْ بِسَرَاسَرْ
پِشْكُۆژُ و طِلِسْمُ و وَرَقُ و نَيْرِکُ و بَازِنْ
Peyweste di weslê lew dimînim ko seraser
Bişkoj û tilism û wereq û netrik û baz in
سُبُّوحِیُ و قُدُّوسِیُ و حۆرێنْ دِ بِهِشْتێ
پَيْوَسْتَه شَبێ قَدْرێ لِقَايَا تَه دِخُوازِنْ
Subbûhî û quddûsî û horên di bihiştê
Peyweste şebê qedrê liqaya te dixwazin
سُنْبُلْ بِسَمَاتَێنُ و گُلَانْ پَرْدَه دِڕانْدِنْ
پِشْكِفْتِنَه آلْالُ و هِيشِينْ بُونَه تَرَازِنْ
Sinbil bi sema tên û gulan perde dirandin
Bişkiftine al-al û hişîn bûne terazin
جُۆبَارْ دِ رَوَانِنْ چَمَنَانْ سَرْحڕ جَوَانِنْ
مَسْتَانَه بِرَفْ رَفْ لِكَنَارَانْ سِیُ و قَازِنْ
Cobar di rewan in çemenan terhê ciwan in
Mestane bi ref ref li kinaran sî û qaz in
هَرْ يَكْ بَتَمَاشَگَهێ حُسْنَا تَه ژِ هَرْ جَا
تَشْبِيهِێ نِگَارَانْ بِجَمالَا تَه دِنَازِنْ
Heryek bi temaşagehê husna te ji herca
Tesbîhê nigaran bi cemala te dinazin
تِيرَانْ لِمَه دِتْ دۆسْتِ مَه دێ سِينَه هَدَفْ كِرْ
نَازَانْ لِمَه كِتْ يَارێ مَه دێ زَارِیُ و نِيَازَنْ
Tîran li me dit dostê me tê sîne hedef kir
Nazan li me kit yarê me zarî û niyaz in
مِحْرَابِێ دُو أَبْرُ كُو ژِ بَالَا ڤَه خُيَابِنْ
دَرْ سَجْدَهگَهێ عِشْقِێ نِيَازێ مَه نَمَازِنْ
Mihrabê du ebrû ko ji bala ve xwiya bin
Der secdegeha ’işqê niyazê me nemaz in
گرْ حُسْنُ و مَحَبَّتْ بِسَرَاپَرْدَهیێ جَانْ بِنْ
گَه شَاهُ و گَدَا گَه بِخُوه مَحْمُودُ و أَيَازِنْ
Ger husn û mehebbet bi sera perdeê can bin
Geh şah û geda geh bi xwe Mehmûd û Eyaz in
أَیْ حُۆرُ و پَرِی چهْرَه بُتُ و لَاتِێ جَمَالێ
دَرْ صُورَتێ تَحْقِيقْ ﴿ مَلَا ﴾ عَيْنِی مَجَازِنْ
Ev hor û perî çehre but û latê cemalê
Der şûretê tehqîqê, Mela, ’eynê mecaz in
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
