شِمْشَادێ خَرَامُ و سَرْوێ غَنَّاجْ
جَانَانْ دِبِرِتْ بِعِشْوَه تَارَاجْ
şimşad-i xeram û serw-i xennac
Canan dibirit bi ’işwe tarac
مِنْ دِی سَحَرێ دِ خُوابێ مَسْتِی
بێ دَنْگِ تَذَرْوُ و لَالَه دُرَّاجْ
Min dî seherê di xewab-i mestî
Bê deng tezeru û lal-i durrac
بِشْكِفْتِی ژِ غُنْچَه نێرْگِزَا مَسْتِی
بُو فَرْقِ ژِسَرْ قَدِيفَه دِيبَاجْ
Bişkiftî ji xunçe nêrgiza mest
Bû ferq-i ji ser qedîfe dîbac
جَبْهَتْ كَشِفی ژِ صُبْحێ صَادِقْ
نُورێ كُو ڤَدَا ژِ سَرْ شَبێ دَاجْ
Cebhet keşifî ji şubh-i sadiq
Nûrê ko veda li ser şebê dac
أَلْمَاسِی نُمَانَه شُبْهَێ مِصْرِی
دَانِينْ جَگَرێ مَه دِلْ كِرْ آمَاجْ
Elmasî numane şubhê mişrî
Danîn cegerê me dil kir amac
نَسْرِينُ و بَنَفْشَه تَوِزَانْدِنْ
مَاوَرْ دِرَشَانْدَه شُوشَهيێ عَاجْ
Nesrîn û binefşe tewwizandin
Mawerd direşand-i şûşe’ê ’ac
جُهْتێ حَبَشَانْ (بِطَرْفَةِ الْعَيْنْ)
آنِی قَدَرَكْ ژِ أَسْپَهَانْ بَاجْ
Cohtê hebeşan bi-terfeti l-’eyn
Anî qederek ji Espehan bac
سِيمَا كُو نُمَا نَمَا لِهِشْ سِيمْ
سِيمَابْ ژِ خَجَالَتْ مَا ژِ إِخْرَاجْ
Sîma ko numa nema li hiş sîm
Sîmab-i ji xecle ma ji ixrac
مِرْآتێ سِكَنْدَرِی لِپِێشَه
(بَحْرٌ وَلَهَا الْعُكُوسُ أَمْوَاجْ)
Mir’atê sikenderî li pêş e
Behrun we-lehe l-’ukûsu emwac
دَوْرَا قَمَرێ ژِبَرْ شَفَقْ دَا
كُو سْپێدَه لِفَرْقێ سَرْ نِهَا تَاجْ
Dora qemerê ji ber şefeq da
Ko spêde li ferqê ser niha tac
چَرْخُ و فَلَكُ و مَلَكْ دِيَارِنْ
(شَمْسٌ وَكَوَاكِبٌ و أَبْرَاجْ)
çerxefelek û melek dibazin
şemsun we-kewakibun we-ebrac
زُهْرَه بِقِرَانێ قَابێ قَوْسَيْنْ
(وَالنَّجْمِ إِذَا هَوَی بِمِدْرَاجْ)
Zuhre bi qeranê qab-i qewseyn
We- n-necmu iza hewa bi-midrac
دَنْگێ مَلَكَانْ ژِ مێهْنه زِمْزِمْ
أَرْوَاحِ ژِ عِشْقێ تێنَه مِعْرَاجْ
Dengê melekan zimêhne zimzim
Erwah-i ji ’işqê têne mi’rac
دِلْ بَحْرَه وُ سَدْ هَزارِ مَوْجِنْ
عَارِفْ چِه خَبَرْ ژِبَحْرێ مَوَّاجْ
Dil behr e we sed hezar-i mewc in
Zahid çi xeber ji behra mewwac
بُۆرِیُ و بِغَنْجَكێ «مَلَا» كُشْتْ
أَوْ غُنْچَه لَبَا دَلَالُ و غَنَّاجْ
Borî we bi xencekê Mela kuşt
Ew xunçeleba delal û xennac
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
