خَانێ خَانَانْ لَامِعێ نَجْمَا تَه هَرْ پُڕْ نُورِ بِی
كَشْتِيَا بَخْتێ تَه أَزْ بَايێ مُخَالِفْ دُورِ بِی
Xanê xanan lami’ê necma te her pirnûr-i bî
Keştiya bextê te ez bayê muxalif dûr-i bî
كَوْكَبَا سَعْدَا شَرَفْ طَالِعْ دِ نِێڤْ بُرْجَا تَه بِتْ
دَاتَنێ ژْ چَرْخێ بَلَا شُبْهێ مَهێ مَنْظُورِ بِی
Kewkeba se’da şeref tali’ di nêv birca te bit
Da tinê j’ çerxê bela şubhê mehê menzûr-i bî
أَنْجُمێ چَرْخێ مُحَدَّبْ هَرْ ژِ ذَاتێ تَهیْ شَرِيفْ
كَسْبێ أَنْوَارِی بِكِنْ حَتَّا كُو نَفْخَا صُورِ بِی
Encûmê çerxê muheddeb her ji zatê tey şerîf
Kesbê enwarê bikin hetta ko nefxa şûr-i bî
لَوْ زِيَارَتْ آسِتَانێ تێتِ شَمْسَا دَوْلَتێ
دَا سَحَرْگَاهَانْ ژِ دِيدَارَا شَرِيفْ پُڕْ نُورِ بِی
Lew ziyaret asitanî tête şemsa dewletê
Da sehergahan ji dîdarê şerîf pirnûr-i bî
أَخْتَرَا تَه ژْ پَرْدَهيَا غَيْبێ أَگَرْ بێتِنْ ظُهُورْ
دێ بِبِينْ (نِصْفُ النَّهَارَ)ه وَرْ شَبێ دَيْجُورِ بِی
Extera te j’ perdeya xeybê eger bêtin zuhûr
Dê bitin nisfi n-nehar e wer şebê deycor-i bî
آيَةُ الْكُرْسِي وُ (أَنْعَامْ) هَيْكَلَا طَۆخا تَه بِنْ
بێ نِهَايَتْ پُرْمُرَادُ و بێ عَدَدْ مَنْصُورِ بِی
“Ayetu l-kursî” û “En’am” heykela tûxê te bin
Bênihayet pir murad û bê’eded menşûr-i bî
هَرْ كِنَارێ وَرْگَرِينِی پێڤَه عَزْمُ و هِمَّتێ
رَايَتَا فَتْحێ بِنَصْرَا (لَمْ يَزَلْ) مَنْشُورِ بِی
Her kinarê wergerînî pê ve ’ezm û himmetê
Rayeta fethê bi neşra “lem yezel” menşûr-i bî
خَیْمَتَا نُورَا عِنَايَتْ ظِلّێ مَمْدُودێ تَه بِتْ
سُورَهيێ (أُمُّ الْكِتَابْ) مَادَارێ حَضْرَتْ سُورِ بِی
Xeymeta nûrê ’inayet zillê memdûdê te bit
Sûreyê “Ummu l-kitab” madarê hedret sûr-i bî
پَاشی نَوْشِيرْوَانْ دِبێمْ دێ حَاكِمێ عَادِلْ تُو بِی
مِثْلێ حَاتَمْ دێ بِدَانێ دَرْ جَهَانْ مَشْهُورِ بِی
Paş-i Newşîrwan dibêm dê hakimê ’adil tû yî
Mislê hatim dê bi danê der cihan meşhûr-i bî
مَا جِزِيرێ شُبْهێ دَارێ تَخْتێ هَفْتْ اِقْلِيمِ بِتْ
هَمْ بِحُكْمُ و سَلْطَنَتْ أَسْكَنْدَرُ و فَغْفُورِ بِی
Ma Cizîrê şubhê Darê textê heft iqlîm-i bit
Hem bi hukm û seltenet Eskender û Fexfûr-i bî
مِثْلِی جَمْ جَامَا زَرِينْ خَالِی نَبِتْ تَه ژْ بَادَهيێ
دَا ژِ خَمْرَا شَادِمَانِی دَائِمَا مَخْمُورِ بِی
Mislê Cem cama zerîn xalî nebî te j’ badeyê
Da ji xemra şadimanî da’imen mexmûr-i bî
مَا دِ بَاغێ عَيْشُ و نۆشێ هَرْ بِ سَازُ و أَرْغَنُونْ
كَامِرَانُ و كَامِبَخْشُ و دِلْخُوشُ و مَسْرُورِ بِی
Ma di baxê ’êş û noşê her bi saz û erxewan
Kamiran û kamibexş û dilxweş û mesrûr-i bî
چَنْدَكِی شِرِينْ پِسَرْ دَرْبَنْدێ دِيوَانَا تَه بِنْ
بَنْدێ شَاپُورێ تَه بِنْ تَا خُسْرَوُ و شَاپُورِ بِی
çendekê şîrînpuser derbendê dîwana te bin
Bendê şapûrê te bin ta Xusro û şapûr-i bî
هِنْدَكِی رۆژُ و شَڤِنْ تێکْ عِيدُ و (لَيْلُ الْقَدْرِ) بِنْ
جَامْ مَدَامْ پُرْبَادَه بِتْ لێ نَه ژْ مَيَا أَنْگُورِ بِی
Hindekê roj û şev in têk ’îd û leyli l-qedr-i bin
Cam medam pir bade bit lê ne j’ meya engûr-i bî
شُبْهَتِی (رُوحُ الْقُدُسْ) عَرْدێ تُو پێ لێ دَايِنِی
سَبْزَه وُ رَيْحَانُ و نَسْرِينُ و گُلێ مَنْقُورِ بِی
şubhetê Rûhi l-qudus ’erdê tu pê lê daynî
Sebze û reyhan û nesrîn û gulê menqûr-i bî
هَرْ دَرێ نَعْلێ فَرَسْ شُبْهَتْ بُرَاقِ پێ كَڤِتْ
چَشْمَهيێ حَیْوَانْ ژِ أَوْ عَرْدێ مُبَارَكْ فُورِ بِی
Her derê ne’lê feres şubhet Buraqê vê kevit
çeşmeê heywan ji ew ’erdê mubarek fûr-i bî
مَا تَه عُمْرێ خِضْرُ و نُوحُ و مُلْكێ ذُولْقَرْنَیْنِ بِتِنْ
گُنْبَدَا چَرْخێ مُلَمَّعْ هَرْ بِ تَه مَعْمُورِ بِی
Ma te ’umrê Xudr û Nûh û mulkê zu l-qerneyn bitin
Gunbeda çerxê mulemme’ her bi te me’mûr-i bî
خَاصێ تَشْرِيفێ تَه بِنْ دَرْيَا وُ دَرْبَنْدێ عَجَمْ
دَا خَلَاتێنْ هَرْ سَحَرْ سَدْ زَرْكَشُ و مَخْمُورِ بِی
Xass-i teşrîfê te bin derya û derbendê ’ecem
Da xelatên her seher sed zerkeş û mexmûr-i bî
گَرْچِه دَرْ دِيوَانێ حَضْرَتْ پُرْ حَقِيرِينْ شُبْهێ مُورْ
چَشْمێ تَه چَشْمێ سُلَیْمَانِی بِ حَالێ مُورِ بِی
Gerçi der dîwanê hedret pir heqîr în şubhê mûr
çeşmê te çeşmê Suleyman-i bi halê mûr-i bî
اێ نَه وَكْ گۆ بێ سَرُ و پَا بێتْ دِ بَنْدَا خِدْمَتێ
مَا دِ چَوْگَانَا تَه هَرْ پَرْكَنْدَه وُ مَقْهُورِ بِی
Ê ne wek goy bê ser û pa bêt di benda xidmetê
Ma di çewgana te her perkende û meqhûr-i bî
مَا لِسَانێ مِنْ دُعَاگۆیێ لِ دَرْ حَقْ وَصْفێ خَانْ
مَظْهَرێ سِرَّا كَلَامِی وَكْ دِرَخْتَا طُورِ بِی
Ma lisanê min du’agoyê li der heq weşfê xan
Mezherê sirra kelamê wek di rexta tor-i bî
هَرْ دِ مَدْحێ تَه وْ ثَنَايێ سِينَه وُ قَلْبێ «مَلێ»
بێ تَفَاوُتْ قُلْزُمَا پُڕْ لُؤْلُؤێ مَنْثُورِ بِی
Her di medhê te û senayê sîne û qelbê Melê
Bê tefawut qulzema pir lû’lûwê mensûr-i bî
ژْ آسِتَانێ دَوْلَتێ غَائِبْ نَبِی جَارَكْ مَلَا
دَا ژِ فَرْمَانێ مُكَرَّمْ دَمْ بِدَمْ مَأْمُورِ بِی
Ji asitanê dewletê xayib nebî carek Mela
Da ji fermanê mukerrem dem bi dem me’mûr-i bî
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
