آهێ ژِ دَسْتێ وێ سُرَّێ
دِلْ ژِ مَيێ حَوالَه كِرْ
Ah-i ji destê wê sirê
dil ji meyê hewale kir
هَرْ چِه لِمِنْ كِرِی «مَلَا»
جامێ مَيَا دُو سَالَه كِرْ
Herçi li min kirî Mela
cama meya dusale kir
شَنْگێ بِنَای مَشِّهَا
مِسْكُ و زَبادِ وَشِّهَا
şengê bi naz-i meşşiha
misk û zubad-i weşşiha
رُو مَه دِ بِنْ پِيَانَه هێزْ
زێدَه لِمِنْ دَلَالَه كِرْ
Rûy ma dibin piyane hêj
zêde li min delale kir
چِيچَكُ و گُلْ سَحَرْگَهانْ
نَسْتَرَنێنْ دِ خَرْگَهانْ
çîçek û gul sehergehan
nesterenên di xergehan
تێكِ ژِ مِسْكُ و مَاوَرێ
مَارَه خُناڤُ و ژَالَه كِرْ
Têk-i ji misk û mawerê
mahê xwinav û jale kir
دێمی وُ بِسْكُ و خَمْرِيانْ
تَا وُ لَفێنْ دِ شَتْرِيانْ
Dêm-i di bisk û xemriyan
ta û lefên di şetriyan
مَانَه تَمَامِ كَسْكُ و سُهْرْ
بَدْرَه لِ دَۆرێ هَالَه كِرْ
Mane temam-i kesk û sor
bedre li dorê hale kir
دُورِ كِرینْ ژِ سُنْبُلانْ
چِيچَكُ و بِشْكُۆ وُ گُلانْ
Dûr-i kirîn ji sinbilan
çîçek û bişko û gulan
دِلْ ژِ مَه ڕَنْگێ بُلْبُلانْ
شُبْهَتێ دَاغێ لَالَه كِرْ
Dil me ji rengê bilbilan
şubhetê dax-i lale kir
پِيرێ مُغَانْ ژِ شِيشَهيێ
دَامَه سَفِينَكێ مَيێ
Pîrê muxan ji şîşeyê
da me sefînekê meyê
شُكُرْ خُودێ كُو قُلْزُمَكْ
مِنْ ژِ خُوه را قَبَالَه كِرْ
şukrê Xwidê ko qulzemek
min ji xwe ra qubale kir
خِضْرێ دِ رَمْزُ و مُعْجِزێ
مَسْتی مَه دِی دِ دَنگِزێ
Xudrê bi remz û mu’cizê
mest-i me dî di dengizê
هَاتِ پَيَالَيَكْ دِ دَسْتْ
أَشْكَرَه سَدْ پَيَالَه كِرْ
Hat-i peyaleyek di dest
eşkere sed peyale kir
غُنْچَه لَبا ژِ ڕَنْگ گُلێ
دێمێ بِ سُرْ نُمَا«مَلێ»
Xunçeleba ji reng gulê
dêmê bi sir numa Melê
شُبْهَتێ بُلْبُلانْ سَحَرْ
لَوْمَه فِغَانُ و نَالَه كِرْ
şubhetê bilbilan seher
lew me fixan û nale kir
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
