Tor im bi dil û peyrewê Mûsa yim ez
Ateşperes û nûra tecella yim ez
Barî ji “we-’ellem” ko xeberdar-i kirîn
îro tu bizan ademê esma yim ez
Inşa’ê ’ulûmê ledunî çunke mi zanî
Zanî bi heqîqet ko çi inşa yim ez
Herfên reqemê lewha wucûda mi bixwan
Da qenc-i bibînî ko çi imla yim ez
Zahir tu perîşaniya halê mi nebîn
Mecmu’ê di zatê xwe we tuxra yim ez
’Alem çi ye i’rab û hurûf û kelîmat in
Ew nuqte di nefsa xwe û me’na yim ez
Sed Nîl-i we tên û diderin qelbê me
Pê nahisihîn qulzem û derya yim ez
Tu ji nusxeya tewhîdê mexwîn ayeta nefyê
Bê aleta isbatê ko illa yim ez
Sed neql û riwayet di meya saf-i mûyek
îro ko ji pîrê xwe bi fetwa yim ez
Peyweste tu her bang-i mekî şubhetê ney
Bê yar û mey û saz-i mi go nayim ez
Herçî te bivêtin ji me wer can bi xwe bit
Cana bike ferwar-i vewesta yim ez
Sed şîş-i li dil dane ji mihrê me Mela
Lew her bi fixan mislê ney û nay im ez
طُورِمْ بِدِلُ و پَيْرَوێ مُوسَايِمْ أَزْ
آتَشْپَرَسێ نُورێ تَجَلَّايِمْ أَزْ
بَارِى ژِ (وَعَلَّمْ) كُو خَبَرْدَارْ كِرِينْ
ایرۆ تُو بِزَانْ آدَمێ أَسْمَايِمْ أَزْ
اِنْشَاءێ عُلُومێ لَدُنِى چُونْكِى مِه زَانِى
زَانِى كُو بِحَقِيقَتْ چِه اِنْشَايِمْ أَزْ
حَرْفێنْ رَقَمێ لَوْحێ وُجُودَا مِه بْخُونْ
دَا قَنْجِ بِبِينِى كُو چِه اِمْلَايِمْ أَزْ
ظَاهِرْ تُو پَرِيشَانِێ حَالێ مَه نَبِينْ
مَجْمُوعَه دِ ذَاتێ خُوه وُ طُغْرَايِمْ أَزْ
عَالَمْ چِيَه؟ اِعْرَابُ و حُرُوفُ و كَلِمَاتْ
أَوْ نُقْطَه دِ نَفْسَا خُوه وُ مَعْنَايِمْ أَزْ
سَدْ نِيلُ و فَرَاتْ تێنْ دِدَرِنْ قَلْبێ مَه لێ
پێ نَاحَسِهِینْ قُلْزُمُ و دَرْيَايِمْ أَزْ
سَدْ نَقْلُ و رِوَايَتْ دِ مَيَا صَافُ و مُويَكْ
إِيرۆ كُو ژِ پِيرێ خُوه بِ فَتْوَايِمْ أَزْ
پَيْوَسْتَه تُو هَرْ بَانْگی مَكِى شُبْهَتێ نَىْ
بێ يارُ و مَىُ و سَازْ وَكُو نَايِمْ أَزْ
هَرْ چِى تَه دِڤێتِنْ ژِ مَه وَرْ جَانْ بِخُوه بِتْ
جَانَا بِكَه فَرْوارێ كُو ڤَوَسْتَايِمْ أَزْ
تُو ژِ نُسْخَهيێ تَوْحِيدێ مَخُونْ آيَتێ نَفْیێ
بێ آلَتێ اِثْبَاتێ كُو (إِلَّا) يِمْ أَزْ
سَدْ شِيشْ لِدِلْ دَانَه ژِ مِهْرێ تَه «مَلَا»
لَوْ هَرْ بِ فِغَانْ مِثْلی نَىُ و نَايِمْ أَزْ
إِيرۆ تُو بَسْ بِكَه لُقْمَانِيێ خَانِمْ
لُطْفَكْ « بِمَلَا» را بِكَه سَوْدَايِمْ أَزْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
