صَنَمَێ ژِ قَوْسێ أَبْرُو دُو هِلَالێ نُۆ نُمَانْدِنْ
دُو كَمَانْ لِبُرْجێ مِيزَانْ بِغَضَبْ لِمِنْ كِشَانْدِنْ
Senemê ji qewsê ebrû du hilalê new numandin
Du keman li bircê mîzan bi xedeb li min kişandin
نَه دِ نُونْ قَلَمْ مُقَابِلْ بِبَدِيعِ خَطْ نِڤِيسِينْ
دُو هِلَالێ دَسْتێ قُدْرَتْ بِقِرَانێ يَكْ كِشَانْدِنْ
Ne du nûn qelem muqabil bi bedî’ê xet nivîsîn
Du hilalê destê qudret bi qeranê yek kişandin
چِه بَرَاتێ حُسْنَه يَارَبْ بِنِشَانێ پَادِشَاهِی
بِطَرَفْ دُو طُرَّه طُغْرَا وَه بِمَاوَرْدێ رَشَانْدِنْ
çi beratê husn e ya reb bi nişanê padişahî
Bi teref du turre tuxra we bi mawerê reşandin
أَلِفُ و دُو لَامُ و هێ دِينْ مَه دِ آيَتَا جَمَالێ
ژِ جِگَرْ مَه كِرْ تَسَلِّی وُ ژِ سِينَه دَسْتْ فَشَانْدِنْ
Elif û du lam û hê dîn me di ayeta cemalê
Ji ceger me kir tesellî we ji sîne dest feşandin
نَه تَنێ ژِ قِشْتُ و زُلْفَانْ مَه دِ سِينَه سَدْ كُلَابِنْ
لِجَگَرْ سِيَهْ كَمَانَانْ دُو هَزَارِ تِيرْ رَشَانْدِنْ
Ne tinê ji qişt û zulfan me di sîne sed kulab in
Li ceger sîyehkemanan du hezar-i tîr reşandin
ژِ جَگَرْ مَلَا پِلِنْگَانْ بِكُلَابێ پِنسِ كَرْ كِرْ
أَسَدَانْ ژِ پَنْجَه ژِ ڤێرَانْ دِلُ و سِينَه هَرِشَانْدِنْ
Ji ceger Mela pilingan bi kulab û pens-i ker kir
Esedan ji pence vê ran dil û sîne herişandin
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
