مَشَّاطَهْ يێ حُسْنَا أَزَلْ
چَنْگَالێ زُلْفَانْ تَابِ دَا
Meşşate yê husna ezel
çengalê zulfan tabi da
دَا عِشْقِ هِلْ بِتْ ًپِێلِ پِێلْ
قَلْبێ «مَلێ» جَلَّابِ دَا
Da 'ışqı hılbıt pêl bı pêl
qelbê me pê cellabi da
حُسْنَا حَبِيبُ و لُطْفێ يَارْ
آڤێتَه دِلْ عِشْقَا غَدَارْ
Husna hebib û lûtfı yar
avête dıl 'ışqa xedar
لَوْ سَلْبِ كِرْ ژێ اِخْتِيَارْ
وِێ حُسْنێ أَڤْ إِيجَابِ دَا
Lew selbı kır jê ixtiyar
wê husnê ev icabi da
مِنْ دِي سَحَرْ زُلْفِێنْ دِ مَسْتْ
هَاتِنْ سَمَا اِحْرَامِ بَسْتْ
Mın dı seher zulfên dımest
hatın sema ihramı best
چُونْ سَجْدَه يَا خَالێ بِقَسْتْ
لَوْ حَاجِبَانْ مِحْرَابِ دَا
Çûn secdeya xalê bıqest
lew hacıban mihrabi da
رُوحُ و رَوَانێ مِنْ حَبِيبْ
دِيسَا بِتَلْبِيسَا رَقِيبْ
Rûh û rewanê mın hebib
dısa bı telbisa reqib
رَنْجِيدَه كِرْ مِسْكِينْ غَرِيبْ
تَرْكَا دِلێ أَحْبَابِ دَا
Rencide kır mıskın xerib
terka dılê ehbabi da.
مَحْبُوبْ بِجَامَا پُرْ گُلَاڤْ
كَرْ كِرْ لِ مِنْ جَرْگُ و هِنَاڤْ
Mehbûb û reyhan pur gulav
ker kır lı mın cerg û hınav
زَهْرَا هَلَاهِلْ بُو دِ نَاڤْ
لَوْ سَاقِي أَوْ جُلَّابِ دَا
Zehra helahıl bû dınav
lew saqi ew cullabi da
وَانْ دَسْتُ و زَنْدُ و سَاعِدَانْ
مَي دَانَه شَيْخُ و زَاهِدَانْ
Wan dest û zend û sa'ıdan
mey dane şeyx û zahıda
مَسْتِي بِچَشْمێ شَاهِدَانْ
أَوْ نِێرْگِزَا سِيرَابِ دَا
Mesti bı çeşmê şahıdan
ew nêrqıza seyrabı da.
مِسْكێ رَشَانْدِي أَزْ دِبێمْ
وَانْ نُقْطَيَانْ هِنْ بُونَه كێمْ
Mıskê reşandı ez dıbêm
wan nuqteyan hın bûne kêm
لِێ خَطَّێ رَيْحَانِي لِدێمْ
كَاتِبْ ژِ نُو اِعْرَابِ دَا
Lê xettê reyhani lı dêm
katıb jı nû ı'rabi da
نَازِكْ قَدَا نُورِينْ بَشَرْ
أَوْ بُو لِمِنْ نَقْشێ بَصَرْ
Nazık-qeda nûrin-beşer
ew bû lı mın neqşê beser
إِينَا خَيَالێ هَرْ سَحَرْ
نَاڤْ دِيدَه يێ بێ خوَابِ دَا
Dina xıyali her seher
nav dideyê bêxwabi da
أَوْ تِلَّيِيێنْ نَازِكْ رَقِيقْ
پُرْ دَا مَه فِنْجَانَا عَقِيقْ
Ew tiliyên nazık reqiq
pur da me fincana 'eqiq
أَوْ بَادَهْيَا نُورِينْ رَحِيقْ
مِنَّتْ بِمِنْ وَهَّابْ دَا
Ew bade ya nûrin rehiq
mınnet bı mın wehhabi da.
دَا خَفْ نَبِينْ بَژْنَا فَرێ
مَي هَاتَه شَهْكَاسَا سُرێ
Da xef nebıt bejna feri
mey hate şehkasa siri
مِنَّتْ كُو إِیرۆ دێمْ دُرێ
دِيسَا شَرَابَا نَابِ دَا
Mınnet ku iro dêm-dûrê
dısa şeraba nabi da
مَي هَاتَه فِنْجَانَا صَدَفْ
كِی دێ ڤَخۆتْ إِیرۆ بِخَفْ
Mey hate fincana sedef
kes dê vexut iro bı xef
سَاقِي بِ چَنْگُ و نَايُ و دَفْ
فَرْفُورِيَا مَهْتَابِ دَا
Saqi bı çeng û nay û def
ferfûriya mehtabi da
عِيدَه وُ حَبِيبێ نَذْرَه لێ
يَانْ دێ بِقُرْبَانْ بِي «مَلێ»
İde u hebibê nezr e lê
yan dê bıqurban bi "Melê"
يَا رَبْ بِبِينِمْ رۆژْ هَلێ
سِكِّينْ دِ دَسْتْ قَصَّابِ دَا
Ya Reb bıbinım roj hılê
sıkkin dıdest qessabi da.
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
