اِيرۆ ژِ دَرْبَا خَنْجَرێ
لَازِمْ بِإێشَانِی مَلَا
îro ji derba xencerê
Lazim biêşan î Mela
تِشْبِيهێ زُلْفَا دِلْبَرێ
زَانِمْ پَرِيشَانِی مَلَا
Teşbîhê zulfa dilberê
Zanim perîşan î Mela
زَانِمْ پَرِيشَانِی ژِ دِلْ
بێ حَدْ بِإێشَانِی ژِ دِلْ
Zanim perîşan î ji dil
Bêhed biêşan î ji dil
تِشْبِيهێ بِرْيَانِی ژِ دِلْ
يَاللّٰهْ نَه إِنْسَانِی مَلَا
Teşbîhê biryan î ji dil
Bi l-lah ne insan î Mela
يَاللّٰهْ چِه طَبْعَتْ آدَمِی
يَكْسَرْ دِبێمْ يَكْ عَالَمِی
Bi l-lah çi teb’et adem î
Yekser dibêm yek ’alem î
دَرْيَايێ قَافُ و قُلْزَمِی
يَانْ چَرْخێ گَرْدَانِی مَلَا
Deryayê Qaf û Qelzum î
Yan çerx-i gerdan î Mela
يَا رَبْ چِه وێ مِحْنَتْكَشِی
سَرْ تَا قَدَمْ تێكْ آتَشِی
Ya reb çi wê mihnetkeş î
Ser ta qedem têk ateş î
مَجْرُوحێ قَوْسێ تُۆزْرَشِی
لَوْ دِلْ بِپَيْكَانِی مَلَا
Mecrûhê qewsê tûzreş î
Lew dil bi peykan î Mela
زَانِمْ ژِ عِشْقێ دۆژَهِی
بَحْرَكْ ژِ نَارِێ اِيلَهِی
Zanim ji ’işqê dojeh î
Behrek ji narê asih î
إِيرۆ لِمَاهێ خَرْگَهِی
تِشْبِيهێ سِيْوَانِی مَلَا
îro li mahê xergeh î
Teşbîhê seywan î Mela
آڤْ سِينَهيَا وَكْ نَايُ و نَیْ
پُڕْ لێ كِشَانْدِنْ دَاغُ و كَیْ
Ev sîneya wek nay û ney
Pir lê kişandin dax û key
هَرْ دِلْ بِنَاأهْلَانْ نَدَیْ
يَا رَبْ چِه نَادَانِی مَلَا
Hê dil bi naehlan didey
Ya reb çi nadan î Mela
دُرْدَانَهيَا دێمْگَوْهَرَه
آيِينَهيَا أسْكَنْدَرَه
Durdaneya dêmgewher e
Ayîneya Eskender e
بێ مِرْوَتَانْ دِلْ كِرْ كَرَه
مَجْرُوحێ خَالَانِی مَلَا
Bê mirwetê dil kir ker e
Mecrûhê xalan î Mela
بێ مِرْوَتێ دِلْ هَرَّشانْدْ
تِشْبِيهی شِيشێ لێ كِشَانْدْ
Bê mirwetê dil herişand
Teşbîhê şîşê lê kişand
كِرْكِرْ جَگَرْ خُویْ لێ رَشَانْدْ
آتَشْ لِسَرْ دَانِی مَلَا
Ker kir ceger xwê lê reşand
Ateş li ser danî Mela
نَارێ ژِ رَنْگێ دۆژَهِێ
حُسْنُ و جَمَالَا وێ مَهِی
Narê ji rengê dojehê
Husn û cemala wê mehê
مَه دْپَرْدَه يَا ڤێ خَرگَهِی
خَفْ كِرْ چِه عُمّانِی مَلَا
Me d’perdeya vê xergehê
Xef kir çi ’Umman î Mela
إِيرۆ لِعُمْرێ خُویْ تَلَفْ
بێ شَاهِدُ و جَامَا صَدَفْ
îro li ’umrê xwey telef
Bê şahid û cama sedef
بێ چَنْگُ و سَازُ و نَايُ و دَفْ
زَانِمْ پەشِێمَانِی مَلَا
Bê çeng û saz û nay û def
Zanim peşîman î Mela
زَانِمْ تَه كُوهێ طُورَه دِلْ
لَوْ هَرْ بِنَارُ و نُورَه دِلْ
Zanim te kohê Tor e dil
Lew her bi nar û nûr e dil
شَهْكَاسَهيَا فَرْفُورَه دِلْ
لَوْ مَسْتُ و سَكْرَانِی مَلَا
şehkaseya ferfûr e dil
Lew mest û sekran î Mela
هَرْ سِينَه يێ تَابِی تَمَامْ
نَاپُخْتَه خَامْ بێ مِهْرُ و جَامْ
Her sîne tabê natemam
Napuxte xam bê mihr û cam
غَرْقِينْ دِ خُونَا دِلْ مَدَامْ
لَعْلَا بَدَخْشَانِی مَلَا
Xerqên di xwîna dil medam
Le’la Bedexşan î Mela
پُڕْ لَعْلُ و دُرْ تَه ژْ كِلْكێ عِشْقْ
آيِينَه نَظْمَا سِلْكێ عِشْقْ
Pir le’l û dur te j’ kilkê ’işq
Anîne nezma silkê ’işq
دَرْ بَرّ و بَحْرُ و مُلْكێ عِشْقْ
مَعْلُومَه خَاقَانِی مَلَا
Der berr û behrê mulkê ’işq
Me’lûm e xaqan î Mela
بێ حَدْ لِقَلْبێ شُبْهِی نَیْ
جَوْرا تَه دانِینْ داغُو کَیْ
Bêhed li qelb-i şubhê ney
Cewra te danîn dax û key
لَوْ بێ مَحَلْ خُوشْ نِینَهْ مَیْ
أمّا بِشێرانِی مَلا
Lew bêhemel xweş nîne mey
Emma bi şîranî Mela
مِنَّتْ ژِ طَالِعْ هَرْ ژِ بَخْتْ
آصَفْ بِتَخْتُ و بَخْتُ و رَخْتْ
Minnet ji tali’ her ji bext
Asif bi text û bext û rext
بِلْقِيسْ أوِی آنِی بِتَخْتْ
اِيرۆ سُلَيْمَانِی مَلَا
Belqîs ewî anî bi wext
îro Suleyman î Mela
أوْ هَرْدُو لَعْلُ و هَرْدُو چَشْمْ
گَهْ گَهْ بِنَازُ و گَهْ بِخَشْمْ
Ew herdu le’l û herdu weşm
Geh geh bi naz û geh bi xeşm
أوْ بَژْنُ و بَالَا هَاتَه چَشْمْ
مَه دْ سِيرێ رُوحَانِی مَلَا
Ew bejn û bala hate çeşm
Me d’seyrê rûhanî Mela
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
