عُومْرێ ضايِعْ بُو مَه بێ دِلْبَرْ عَبَثْ
وَىْ! تَڤێ عُومْرێ مَه بُۆرِي بَرْ عَبَثْ
’Umrê dayi’ bû me bê dilber ’ebes
Wey tevê ’umrê me borî ber ’ebes
دِلْ أَمانَتْ دا بِ ناأَهْلانْ نَدِي
لێ بِ ناأَهْلانْ مَه دا گَوْهَرْ عَبَثْ
Dil emanet da bi naehlan nedî
Lê bi naehlan me da gewher ’ebes
دادِ سَيْرا عِشْقێ بێ دِلْبَرْ نَچِي
لێ دِبِتْ سَيْرا تَه بێ دِلْبَرْ عَبَثْ
Da di seyra ’işqê bê dilber neçî
Lê dibit seyra te bê dilber ’ebes
پُرْ دِ پێ وَصْلێ مَه سَعْيُ و جَهْدَه دا
جَهْده وُ سَعْيا مَه هاتِنْ دَرْ عَبَثْ
Pir di pê weslê me se’y û cehde da
Cehde û se’ya me hatin der ’ebes
سَعْيُ و جَهْدێ أَمْ بِكِنْ مَيْخانَهيێ
أَوْ كُو ناچِتْ سَعْيُ و جَهْدا بَرْ عَبَثْ
Se’yu cehdê em bikin meyxaneyê
Ew ku naçit se’yu cehda ber ‘ebes
دَسْتْ نَهێلِينْ أَمْ دِ سَعْيُ و جَهْدَهيێ
جَهْده وُ سَعْيا مَه ناچِتْ سَرْ عَبَثْ
Des nehêlin em di se’yu cehdeyê
Cehde u se’ya me naçit ser ‘ebes
آهـ وێ كُشْتِمْ بِ دَرْبا خَنْجَرێ
ما دِ مێلاكێ دِرَتْ خَنْجَرْ عَبَثْ؟
Ah-i wê kuştim bi derba xencerê
Ma di mîlakê diret xencer ’ebes
دِلْ ژِ دَرْبا كاشۆڤانْ بۆ پارَه پارْ
گۆ دِ مَيْدانێ دِبِتْ سَدْ كَرْ عَبَثْ
Dil ji derba kaşowan bû parepar
Goy di meydanê dibit sed ker ’ebes
مَهْدَرا ڤێ سُخْتَه یێ اِيرۆ بِكِنْ
أَزْ دِبێژِمْ نابِتْ أَڤْ مَهْدَرْ عَبَثْ
Mehdera vî suxte’î îro bikin
Ez dibêjim nabit ev mehder ’ebes
كِفْشَه مَعْنا كێ لِلَوْحێ سِيمِ وێ
نُقْطَهيێ مِسْكُ و خَطێ عَنْبَرْ عَبَثْ
Kifş e me’na kî li lewhi-sîm-i dî
Nuqte’ê misk û xetê ’enber ’ebes
دا «مَلا» هِشْيارْ بِبی لێ پُرْ كَسانْ
سِينَه پُرْ لێدانَه سَنْگُ و بَرْ عَبَثْ
Da Mela hişyar-i bî lê pir kesan
Sîne pir lê dane seng û ber ’ebes
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
