مَه ژِ بِلْ حُسْنُ و جَمَالێ چِه غَرَضْ
بێ جَمَالێ ژِ پَيَالێ چِه غَرَضْ
Me ji bil husn û cemalê çi xered
Bê cemalê ji peyalê çi xered
گَرْ نَه تَشْبِيهێ دُو بِرْهێنْ تَه بِتِنْ
مَه دِ عِيدَانْ بِهِلَالێ چِه غَرَضْ
Ger ne teşbîhê du birhên te bitin
Me di ’îdan bi hilalê çi xered
گَرْ نَه رُوحێ مَه دِ پێ دِلْ بِرَتِنْ
مَه ژِ وێ قَنْجُ و دَلَالێ چِه غَرَضْ
Ger ne qesta dil û canê me dikit
Me ji wê şox û şepalê çi xered
گَرْ نَه قَسْتَا دِلُ و جَانێ مَه دِكِتْ
مَه ژِ وێ شۆخُ و شَپَالێ چِه غَرَضْ
Ger ne rûhê me di pê dil biretin
Me ji wê qenc û delalê çi xered
نَه بِأسْمێ تَه مُعَمَّا بِنْ حُرُوفْ
مَه بِشَكْلێ خَطُ و خَالێ چِه غَرَضْ
Ger ne bi-’smê te mu’emma bin hurûf
Me bi şiklê xet û xalê çi xered
نَه كُو شَرْمَنْدَه ژِ رُويێ تَه بُوَا
آفِتَابێ بِزَوَالێ چِه غَرَضْ
Neko şermende ji rûyê te biwa
Afitabê bi zewalê çi xered
قَسْتێ وَحْدَتْ دِكِرِتْ رُوحِ بِرُوحْ
وَرْنَه عَاشِقْ ژِ وِصَالێ چِه غَرَضْ
Qestê wehdet dikirit rûh-i bi rûh
Wer ne ’aşiq ji wisalê çi xered
دِ شَبێ قَدْرێ تَجَلِّی تُو بِكِی
مَه لِپێ مُومُ و شَمَالێ چِه غَرَضْ
Di şebê qedrê tecella tu bikî
Me li pê mûm û şemalê çi xered
نَه جَمَالَا تَه تَجَلِّی بِكِرِتْ
مَه ژِ خُوبَانْ بِ جَمَالێ چِه غَرَضْ
Ne cemala te tecellî bikirit
Me ji xoban bi cemalê çi xered
نَه ژِ لَعْلێنْ تَه «مَلَا» بَحْثێ بِكِتْ
مَه ژِ ڤێ بَحْثُ و سُؤَالێ چِه غَرَضْ
Ne ji le’lên te Mela behsê bikit
Me ji vê behs û su’alê çi xered
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
