Di dest da yengiyek nûbar-i min dî ew keman ebrû
Li bala cedwelek cebbarî lê da hemqiran ebrû
Ko heq ev herf û xet kêşan li talayê me derwêşan
Du qewsan goşe lê badan we ser peyweste man ebrû
Te dîdarî te reftarî te elmasên şekerbarî
Bi ’eynê rê li ser şadan du nûn reyhan numan ebrû
Bi hemdi l-lah bi feyrûzî li wechê dilberê min dî
Ko mahê nû nişan min dan li taqê asiman ebrû
Te’ale l-lah nişan dane bi husnê ev neseq dane
Ji neqş û şen’etê heq ev nişan çeşm ev nişan ebrû
Ji re’na nêrgizên şehla mecalê hemqeran bînim
Hezar remz û işarat in ji wan qewsên çevan ebrû
Mela dil têk te peykan in ji mehbûban me nîşan in
Kemandarên di xeddar in di birca esmeran ebrû
دِ دَسْتْ دَا يَنْگِيَكْ نُوبَارِ مِنْ دِی أَوْ كَمَانْ أَبْرُو
لِبَالَا جَدْوَلَكْ جَبَّارِ تێدَا هَمْقَرَانْ أَبْرُو
كُو حَقْ أَڤْ حَرْفُ و خَطْ كێشَانْ لِطَالاێ مَه دَرْوێشَانْ
دُو قَوْسَانْ گۆشَه لێ بَادَانُ و سَرْپَيْوَسْتَه مَانْ أَبْرُو
تَه دِيدَارِی تَه رَفْتَارِی تَه أَلْمَاسێنْ شَكَرْبَارِی
بِعَيْنِی رێ لِسَرْ صَادَانْ دُو نُونْ رَيْحَانْ نُمَانْ أَبْرُو
«بِحَمْدِ اللّٰهْ» بِفَيْرُوزِی لِوَجْهێ دِلْبَرێ مِنْ دِی
كُو مَاهێ نَوْ نِشَانْ مِنْ دَانْ لِطَاقێ آسِمَانْ أَبْرُو
«تَعَالَی اللّٰهُ» نِشَانْ دَانَه بِحُسْنێ أَڤْ نَسَقْ دَانَه
ژِ نَقْشُ و صَنْعَتێ حَقْ أَڤْ نِشَانْ چَشْمْ أَڤْ نِشَانْ أَبْرُو
زِرَعْنَا نێرْگِزێنْ شَهْلَا مَجَالێ هَمْقَرَانْ بِينِمْ
هَزَارْ رَمْزُ و اِشَارَاتِنْ ژِ وَانْ قَوْسێنْ چَڤَانْ أَبْرُو
«مَلَا» دِلْ تێکْ تَه پَيْكَانِنْ ژِ مَحْبُوبَانْ مَه نِيشَانِنْ
كَمَانْدَارێنْ دِ غَدَّارِنْ دِ بُرْجَا أَسْمَرَانْ أَبْرُو
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
