Bê lebê le’lî Mela min ji meya ali çi hez
Suhbeta tê nebitin yari bi her hali çi hez
Qedehek bade bi destê xwe li qelbê me birêj
’Aşiqê soxîte bê ateşê seyyali çi hez
Ne ku wek teyr ji mujên te bibarin peykan
Ji birînên di dilî şubhetê xirbali çi hez
Hezz û lezzet me bi ’umrê xwe di ’işqa te nedî
Hem bi van derd û xeman zêde tu îsali çi hez
Husn û sur zatî nebit cezbe li dil dit mehbûb
Me ji zulf û xet û xal û qedê meyyali çi hez
’Ilmê ’işqê but û latan bi rîwayet nabitin
Qederek hal ku nebit şubhetê her qali çi hez
Bedewî paki çi kit feshetê meydan ko nebit
Mustmi’ guh nedirit mutrib û qewwali çi kit
Durrê nasufte dibêjim ji lebê le’lî Mela
Ger rewanbexşi nebit nezmê ker û lali çi kit
بێ لَبێ لَعْلێ «مَلَا» مَه ژِ مَيَا آلِ چِه حَظْ؟
سُحْبَتا تێ نَهبِتِينْ يَارِ بِهَرْ حَالِ چِه حَظْ؟
قَدَحَكْ بَادَه بِدَسْتێ خُوه لِقَلْبێ مَه بِرێژْ
عَاشِقێ سُخْتَهئێ بێ آتَشِ سَيَّالِ چِه حَظْ؟
نَه كُو وَكْ طَرْگێ ژِ رَمْزێنْ تَه بِبَارِنْ پَيِكَانْ
ژِ بِرِينێنْ دِ دِلِی شُبْهَتِی غِرْبالِ چِه حَظْ؟
حَظُّ وُ لَذَّتْ مَه بِعُمْرێ خُوه دِ عِشْقَا تَه نَدِی
هَمْ بِڤَانْ دَرْدُ و غَمَانْ زێدَه بُو إِيسَالِ چِه حَظْ؟
حُسْنُ و سُڕْ كُو تُونَبِنْ جَذْبَه لِدِلْ دِتْ مَحِبُوبْ
مَه ژِ زُلْفُ و خَطُ و خَالُ و قَدێ مَيَّالِ چِه حَظْ؟
عِلْمێ عِشْقێ بُتُ و لاتانْ بِرِوَايَتْ نَابِتِینْ
قَدَرَكْ حَالْ كُو نَبِتْ شُبْهَتِێ هَرْ قَالِ چِه حَظْ؟
بَدَوِی پَاكِ چِه كِتْ فُسْحَتێ مَيْدَانْ كُو نَبِتْ
مُسْتَمِعْ گُهْ نَهدِرِتْ مُطْرِبُ و قَوَّالِ چِه حَظْ؟
دُرِّێ نَاسُفْتَه دِرێژِمْ ژِ لَبێ لَعْلِ مَلێ
گَرْ رَوَانْ بَخْشِ نَبِتْ نَظْمێ كَڕُ و لَالِ چِه حَظْ؟
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
