مُغْبَچَيِێنْ مَیْفِرۆشْ
هَرْ سَحَرێ تێنْ سَمَا
Muxbeçeyên meyfiroş
Her seherê tên sema
بَادَهْخْورَانْ نۆشِ نۆشْ
مَانَه لِدۆرێ جَمَا
Badexwiran noşi-noş
Mane li dorê cema
هِنْ گُلێ بُوعَنْبَرِنْ
هِنْ دِ شِرِينْ أَسْمَرِنْ
Hin gulê bo’enber in
Hin di şîrîn esmer in
هِنْ گُهَرِی دَانَهيِنْ
مِثْلێ سُهَيْلێ سَمَا
Hin guherî-dane yin
Mislê Suheylê sema
هِنْ زَرِينَه پُرْ سُرَّنْ
سَرْ بِپَرُ و دێمْ دُرَّنْ
Hin zerî ne pirsir in
Ser bi per in dêmdur in
مِنْ كُو دِ چَرْخێ وه دِی
صَبْرُ و قَرَارِمْ نَمَا
Min ko di çerxê we dî
Sebr û qerarim nema
صَبْرُ و قَرَارِمْ كُو بِرْ
جَرْگُ و جَگَرْ هُورْ دِكِرْ
Sebr û qerarim ko bir
Can û ceger hûr dikir
ظُلْمێ وَه رَنْگْ كِێ دِكِرْ
جَانْ دِبِرُ و دِلْ تَبَا
Zulmê we reng kê dikir
Can dibir û dil teba
جَانْ و دِلێ مِنْ أَوه
حُۆرِوَشێ مِنْ أَوه
Can û dilê min ew e
horiweşê min ew e
پَادِشَهێ مِنْ أَوه
أَمْ لِ دَرێ وِێ گَدَا
Padişehê min ew e
Ez li derê wî geda
يَارێ كُو دِي أَمْ گَدَا
دَسْتِ بِدَسْتێ مَه دَا
Yarê ko dî em geda
Dest-i bi destê me da
أَمْ بِ سَمَايێ بِرِينْ
رَقْصُ و سَمَا ژِی وه مَا
Em bi semayê birîn
reqs û sema jê we ma
گۆتَه مَه دُرْدَانَهْيی
أَمْ ژِ تَه وُ تُو ژْ مَهْيِی
Gote me durdane yî
Em ji te û tu ji me yî
لَوْ بِحَقِيقَتْ يَكِينْ
مَسْئَلَه بێ شُبْهَه مَا
Lew bi heqîqet yek in
Mes’ele bêşubhe ma
دَامَه بِ دَسْتێ سُرّێ
جَامَا ژِ رَنْگێ دُرّێ
Dame bi destê sirê
Cama ji rengê durê
جَذْبَه گِهَا جَانُ و دِلْ
پُرْ شَوشَانْدِنْ هَمَا
Cezbe giha can û dil
Pir şewişandin hema
بَادَه مِه نۆشِي ژِ دَسْتْ
چُومَه ژِ خُوه مَامَه مَسْتْ
Bade mi noşî ji dest
çûme ji xwe mame mest
قَطْرَه بِبَحْرێ گِهَا
بَحْرِ بِعَيْنێ خُوه مَا
Qetre bi behrê giha
Behr-i bi ’eynê xwe ma
گُوشِی بِعَامێ مَدَه
تَرْكێ مُدَامێ مَدَه
Gûş-i bi ’amê mede
Terka medamê mede
(أَكْثَرُهُمْ فِي غُمَا
أَغْلَبُهُمْ فِي عَمَا)
Ekseruhum fî xuma
Exlebuhum fî ’ema
حَرْفِ ژِ يَكْ بُونَه فَصْلْ
گَرْ بِبِرِی وَانْ بِأَصْلْ
herf-i ji yek bûne feşl
Ger bibirî wan bi eşl
حَرْفِ دِبِتْ يَكْ خَطَكْ
خَطْ كُو نَمَا نُقْطَه مَا
herf-i dibit yek xetek
Xet ko nema nuqte ma
وَحْدَتِيێ مُطْلَقْ «مَلَا»
نُورَه دِ قَلْبَانْ جَلَا
Wehdet-i mutleq Mela
Nûr e di qelban cela
زۆرِ دِ ڤێ مَسْئَلێ
أَهْلێ دِلَانْ شُبْهَه مَا
Zor-i di vê mes’elê
Ehlê dilan şubhe ma
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
