مَحْبُوبِ بِدِلْ بِتْ مَه بِأَفْرازِ چِه حاجَتْ
عَنْقا بِخُوه بێتِنْ فِرُّ و پَرْوازِ چِه حاجَتْ
Mehbûbê bi dil bit me bi evraz-i çi hacet
Enqa bi xwe bêtin firr û perwaz-i çi hacet
نَىْ دُوره حَبِيبێ مه بِفَرْيادُ و فَغانْ كِينْ
وَکْ گُهْ لِ ضَمِيرا دِله آوازِ چِه حاجَتْ
Ney dûr e hebîbê me çi firyad û fixan kîn
Wê guh li demîra dil e awaz-i çi hacet
گۆ: سُخْتَه مُرادا خُوه ژِ مِنْ طَلْبَ كَه اِیرۆ
مِنْ گۆ: ژِ كَرِيمْ طَلْبَه وُ داخُوازِ چِه حاجَتْ
Go suxte murada xwe ji min telbe ke îro
Min go ji kerîm telbe û daxwaz-i çi hacet
مِنْ نالَه رَفِيقِنْ غَمُ و تَحْلِينَه مُصاحِبْ
فَرْيادِ أنِيسێ مِنه دَمْسازِ چِه حاجَتْ
Min nale refîq in xem û tehlî ne muşahib
Firyad-i enîsê min e demsaz-i çi hacet
دِلْدانُ و نَوازِشْ چِنَه دُشْنامِ بَسِنْ مِنْ
پَرْوَرْدێ جَفا حُرْمَتُ و اِعْزازِ چِه حاجَتْ
Dildan û newaziş çi ne duşnam-i bes in min
Pir derd û cefa hurmet û i’zaz-i çi hacet
صُحْبَتْ بِمَىُ وچَنْكَێ حَبِيبێ مه بِڤێتِنْ
فَرْيادُ وفَغانێ مه بَسِنْ سازِ چِه حاجَتْ
suhbet bi mey û çeng-i hebîbê me bivêtin
Firyad û fixan mi ne bes saz-i çi hacet
رازێنْ مَه چِ حاجَتْ كُو غَمّازِ بِزانِنْ
أَشْكێنْ مَه بَسِنْ دِيدَهيێ غَمّازِ چِه حاجَتْ
Razên me çi hacet weko xemmazî bizanin
Eşkên me bes in dîde’ê xemmaz-i çi hacet
هَرْ لَحْظه چِه حاجَتْ كُو بِنازانْ بِكُژِی مِنْ
جانا ژِ خُوه قُرْبانِى تَه مَه نازِ چِه حاجَتْ
Herlehçe çi hacet ko bi nazan bikujî min
Cana ji xwe qurbana te me naz-i çi hacet
تا چَنْدِێ بِهَجْرا خُوه تُو مِنْ تَجْرِبَه اِينِی
زێرێ ژِ خُوه خالِصْ مِحَكُ و گازِ چِه حاجَتْ
Ta çend-i bi hecra xwe tu min tecribe înî
Zêrê ji xwe xaliş mehek û gaz-i çi hacet
حاجَتْ نِيه جانا يَدێ بَيْضا بِدَرانِی
إِنْكارِ دِ دِينْ دا نَبِتْ اِعْجازِ چِه حاجَتْ
Hacet niye cana yedê beyda bi deranîn
Inkara di dîn da nebit i’caz-i çi hacet
أَسْرارێ أَزَلْ دێ دِ أَبَدْ بێنَه ظُهُورێ
أَنْجامِێ سَرْأَنْجامِێ ژِ آغازِ چِه حاجَتْ
Esrarê ezel dê di ebed bêne zuhûrê
Encamê serencam-i ji axaz-i çi hacet
گَر لُؤْلُؤِێ مَنْثُورِ ژِ نَظْمێ تُو دِخُوازِی
وَر شِعْرێ «مَلێ» بِينْ تَه بِ شِيرازێ چِه حاجَتْ
Ger lû’lû’-i mensûr-i ji nezmê tu dixwazî
Wer şi’rê Melê bîn te bi şîraz-i çi hacet
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
