Tu dizanî bi Xudê min tu xiyal î şeb û roz
Bi xiyala xwe medam min tu li bal î şeb û roz
Her bi mîzan direşînî cegerê tîr û xedeng
Ji neseq şa’iqe me j’qewsê hilalê şeb û roz
Mislê goyîn te rewan nal ji dilê miskîn-i tên
Em nizanîn tu çira her we dinalî şeb û roz
Te bi firyad û fixanan bi xwe bilbil ker-i kir
Ellah Ellah ji çi derdî we dikalî şeb û roz
Da ko dilber qedemê lê binihed rewşen-i kit
Lew tu xwînê we ji çehvan vedimalî şeb û roz
Te tinê zewq û şefa kir bi şeyên dilberê ra
Sernixwîn geh şubê nûn geh weko dal î şeb û roz
Fetweya pîrî Mela yan tu bi ilhamê nebî
Vê meyê herwe dinoşî bi helalî şeb û roz
تُو دِزَانِي بِخُدێ مِنْ تُو خَيَالێ شَبُ و رۆزْ
بِخَيَالَا خُوه مَدَامْ مِنْ تُو لِبَالێ شَبُ و رۆزْ
هَرْ بِ مِيزَانْ دِرَشِينِي جَگَرێ تِيرُ و خَدَنْگ
ژِ نَسَقْ صَاعِقَه مه ژْ قَوْسێ هِلَالی شَبُ و رۆزْ
مِثْلێ كَۆيِینْ تَه رَوَانْ نَالَه ژِ دِلێ تێنْ مِسِكِينْ
أَمْ نِزَانِينْ تُو چِرَا هَرْ ڤَه دِنَالی شَبُ و رۆزْ
تَه ژِ فَرْيَادُ و فِغَانَانْ بِ خُوه بُلْبُلْ كَرْ كِرْ
أَللّه أَللّه! ژِ چِه دَرْدی ڤَه دِكَالێ شَبُ و رۆزْ
خُوَزِيَا مِنْ بِدِيَا أَوْ قَدُ و بَالايێ شِيرِينْ
هَرْ دَمَا أَوْ كُو بِ مَشْ تێ بِ دَلَالی شَبُ و رۆزْ
دَا كُو دِلْبَرْ قَدَمێ لێ بِنِهَدْ رَوْشَنِ كِيتْ
لَوْ تُو خُونێ وه ژِ چَهڤانْ ڤَدِمَالی شَبُ و رۆزْ
تَه تَنێ ذَوْقُ و صَفَا كِرْ بِ سَيێنْ دِلْبَرێ را
سَرْنِخُونْ گَهْ شُبێ نُونْ گَهْ وَكُو دَالی شَبُ و رۆزْ
فَتْوهيَا پِيرێ «مَلَا» يَانْ تُو بِ اِلْهَامێ نَبی
ڤێ مَيێ هَرْ وه دِنۆشِي بِحَلَالی شَبُ و رۆزْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
