دِيسا ژِ نُو بێ حاله دِلْ
ساقِی وَرِينْ جَامَا زُجَاجْ
Dîsa ji nû bêhal e dil
Saqî werîn cama zucac
مُشْتَاقێ خَمْرَا آلَه دِلْ
لێ خُۆشِی آنِی بِتْ مِزَاجْ
Muştaqê xemra al e dil
Lê xweş-i anîbit mizac
ساقِی كُو دێ مَهْوَشْ بِتِنْ
كَاكِلْ ژِ شێڤَا رَشْ بِتِنْ
Saqî ko dêm mehweş bitin
Kagul ji şêva reş bitin
قَرْقَفْ بِلا آتَشْ بِتِنْ
أَمْ دێ بِوێ دِلْ كِينْ عِلَاجْ
Qerqef bila ateş bitin
Em dê bi wê dil kîn ’ilac
دَا أَمْ بِوێ دِلْ حَیْ بِكِينْ
پێ سِينَه دَاغُ و كَیْ بِكِينْ
Da em bi wê dil hey bikîn
Pê sîne dax û key bikîn
سَدْ مَنْزِلَانْ پێ طَیْ بِكِينْ
أَوْ دێ دِ سَيْرێ دِتْ رَوَاجْ
Sed menzilan pê tey bikîn
Ew dê di seyrê kit rewac
بێ نُورُ و نَارێ مُحْبَتێ
بێ نَقْشُ و وَضْعێ قُدْرَتێ
Bê nûr û narê muhbetê
Bê neqş û sun’ê qudretê
نَاچِينْ مَقَامێ وَصْلَتێ
(نُورٌ لَنَا وَاللَّيْلُ دَاجْ)
Naçîn meqamê wesletê
Nûrun lena we- l-leylu dac
أَڤْ نَارِ سِیقَالَا دِلَه
دَائِمْ لِوِێ قَالَا دِلَه
Ev narê sîqala dil e
Da’im li wê qala dil e
نَوْرۆزُ و سَرْسَالَا دِلَه
وَقْتێ هِلێتِنْ أَوْ سِرَاجْ
Newroz û sersala dil e
Weqtê hilêtin ew sirac
حَتَّا بِنُورَا بَادَهيێ
رَنْگِينْ نَكِی سَجَّادَهيێ
Hetta bi nûra badeyê
Rengîn nekî seccadeyê
دُورِی ژِ وێ شَهْزَادَهيێ
دُرْدَانَهيَا گَرْدَنْ ژِ عَاجْ
Dûr î ji wê şehzadeyê
Durdaneya gerden ji ’ac
دُرْدَانَهيَا گَرْدَنْ بِلُورْ
رَيْحَانْ لِسَرْ وَرْدێنْ دِ جُوزْ
Durdaneya gerden bilor
Reyhan ji ser werdên di Cor
هَیْ هَیْ بِمَسْتِی تێنَه دُورْ
خَالَا لِنِكْ فَرْقێ بِتَاجْ
Hey hey bi mestî têne dor
Xala li nik ferqê bi tac
مِهْرَاتَه پُرْ أَبْتَرْ كِرِينْ
خَالَانْ ژِ بَرْ بِسْكَانْ دَرِينْ
Mihra te pir ebter kirîn
Xalan ji ber biskan derîn
زُلْفَا مُسَلْسَلْ عَنْبَرِينْ
چِينْ چِينْ ژِ چِينێ تێتَه بَاجْ
Zulfa muselsel ’enberîn
çîn çîn ji çînê tête bac
تَنْهَا نَه كُرْدِسْتَانْ دِدِنْ
شِيرَازُ و يَنگُ و وَانْ دِدِنْ
Tenha ne Kurdistan didin
şîraz û Yeng û Wan didin
هَرْ يَكْ لِسَرْ چَهْڤانْ دِدِنْ
ژِ أَسْپَهَانْ تَيتِنْ خَرَاجْ
Her yek li ser çehvan didin
Ji Espehan têtin xerac
چَهْڤێنْ بَلَكْ قَوْسێنْ هَلَكْ
چَرْخُ و فَلَكْ غَالِبْ مَلَكْ
çehvên belek qewsên helek
çerx û felek xalib melek
(فِي حُبِّهَا عُمْرِی دَلَكْ
وَالْحُبُّ يَجْرِی فِی عَجَاجْ)
Fî hubbiha ’umrî delek
We-l-hubbu yecrî fî ’ucac
شَاهِدْ هَزَارْ رَنگْ خَمَّلِينْ
رَقْصُ و سَمَا پێ كَمَّلِينْ
şahid hezar reng xemmilîn
Reqs û sema pê kemmilîn
إِيرۆ «مَلَا» أَمْ سَدْ دِلِينْ
ساقِی وَرِينْ جَامَا زُجَاجْ
îro Mela em sed dil în
Saqî werîn cama zucac
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
