اِيرۆ مِه دِی وَقْتێ سَحَرْ
اَوْ دِلْبَرَا سُنْدُسْ دِ بَرْ
îro mi dî weqtê seher
Ew dilbera sundus di ber
دِيسَا دِ لِبْسێ سۆرُ و زَرْ
نُورَكْ مُنَزَّهْ بُو بَشَرْ
Dîsa di lebsê sor û zer
Nûrek munezzeh bû beşer
بِسْكێنْ سِيَاهْ خَالێنْ دِ قَرْ
رَشْ كَاكُلێ زُلْفْ چُونَه سَرْ
Biskên siyah xalên di qer
Reşkagulê zulf çûne ser
اَسْوَدْ بُو دَائِمْ سَجْدَه بَرْ
مِنْ بَسْتِی عَقْدَا نِيَّتێ
Eswed bû da’im secde ber
Min bestî ’eqda niyyetê
غَفْلَتْ بِسِڕْ دَا مِنْ نَظَرْ
مِيرَانْ بِقَتْلێ كِرْ غَدَرْ
Xeflet bi sir da min nezer
Mîran bi qetlê kir xeder
تِیرْ دَانَه دِلْ شَاهێ مَجَرْ
بێ مِرْوَتْ آمَانْجْ كِرْ جَگَرْ
Tîr dane dil şahê Mecer
Bêmurwet amanc kir ceger
فَرْيَادُ و اَفْغَانْ سَدْ كَسَرْ
وَصْفَانْ نَشێمْ لێ أوْ قَدَرْ
Feryad û efxan sed keser
Wesfan neşêm lê ev qeder
زَانِمْ كُو رۆژْ بُو هَاتَه دَرْ
سُبْحَانْ ژِ شَاهێ قُدْرَتێ
Zanim ko roj bû hate der
Subhan ji şahê qudretê
سُبْحَانْ ژِ تَه شَاهێ جَلَالْ
هُۆسْتَايێ پُڕْ قُدْرَتْ لِبالْ
Subhan ji te şahê celal
Hostayê pir qudret li bal
خَاصَا تَه دَايێ اَڤْ جَمَالْ
دێمێ ژِ عَنْبَرْ خَطُّ و خَالْ
Xasa te dayî ev cemal
Dêmê ji qudret xett û xal
كِفْشْ بُو دِ قَوْسێ دَا هِلَالْ
ڤێرَا مَه دِی بَدْرَا كَمَالْ
Kifş bû di qewsê da hilal
Vê ra mi dî bedra kemal
لێ بُونْ نِقَابْ چَوْگَانُ و دَالْ
وَانْ يَكْ بِ مَسْتِی دَايَه پالْ
Lê bûn niqab çewgan û dal
Wan yek bi mestî daye pal
لێ سَيَّرِی بَايێ شَمَالْ
پێچانَه سَرْ نُورَا زَلَالْ
Lê seyyirî bayê şimal
Pêçane ser nûra zelal
قَطْ كَسْ نَدِينْ أڤْ رَنْگْ مِثَالْ
مُطْرِبْ وَرَه وَقْته وْ مَجَالْ
Qet kes-i dîn ev reng misal
Mutrib were weqt e û mecal
زارا بِنَايێ رَا بِنَالْ
سَاقِی وَرِينْ خَمْرَا حَلَالْ
Zaza bi nayê ra binal
Saqî werîn xemra helal
جَارَكْ ژِ سَرْ دێمِی ڤَمَالْ
زُلْفێنْ لِ دۆرَا جَبْهَتێ
Carek ji ser dêmê vimal
Zulfên li dora cebhetê
زُلْفێنْ مُعَنْبَرْ كَاکُلِينْ
بِسْكێنْ سِيَاهْ رَنْگْ سُنْبُلِينْ
Zulfên mu’enber kagulîn
Biskên siyahreng sinbilîn
تَاتَا بِدَاڤْ دَاڤْ فَتَّلِينْ
چِينْ چِينْ بِمَسْتِی سِلْسِلِينْ
Ta ta bi dav dav fittilîn
çînçîn bi mestî silsilîn
بَايێ نَسِيمْ تێكْ مَيَّلِينْ
وِی قَسْتَه خَالَا فِلْفِلِينْ
Dayê nesîm têk meyyilîn
Wê qest e xala filfilîn
اَبْلَقْ ژِ قُدْرَتْ خَمَّلِينْ
وێ بُغْچَهيێ گُلْ كَمَّلِينْ
Ebleq ji qudret xemmilîn
Wê buxçeyê gul kemmilîn
تێ عَنْدَلِيبُ و بُلْبُلِينْ
رۆژْ هَاتَه بُرْجَا سُنْبُلِينْ
Tê ’endelîb û bilbilîn
Roj hate birca sinbilîn
غَفْلَتْ مَه دِی لَوْ خَجَّلِينْ
مَحْرُومُ و مَهْجُورْ دِلْكُلِينْ
xeflet me dî lew xeccilîn
Mehrûm û mehcûr dilkul în
مَجْرُوحێ تِيرێنْ قِزِلِينْ
رَحْمێ كَه پُڕْ سۆتِیدِلِينْ
Mecrûhê tîrên qizil în
Rehmê ke pir şohtîdil în
ڤێ پَرْدَهيێ جَارَكْ هِلِينْ
بَاڤێ نِقَابَا ظُلْمَتێ
Vê perdeyê carek hilîn
Bavê niqaba zulmetê
پُرْسێ لِ مِهْرْدَارێ خُوه كه
لْمَجْذُوبُ و حَالْدَارێ خُوه كَه
Pirsê l’ mihirdarê xwe ke
Li meczûb û haldarê xwe ke
بَسْ قَهْرُ و آزَارێ خُوه كَه
قَسْتَا بِرِينْدَارێ خُوه كَه
Bes qehr û azarê xwe ke
Qesta birîndarê xwe ke
شَفْقێ بِدِيدَارێ خُوه كَه
تێكْ غَرْقێ اَنْوَارێ خُوه كَه
şefqê bi dîdarê xwe ke
Têk xerqê enwarê xwe ke
لێ اَمْرُ و فَرْوَارێ خُوه كَه
شَهِيدِی نُوبَارێ خُوه كَه
Lê emr û ferwarê xwe ke
şehîdê nûbarê xwe ke
گَزْتِييێ رَشْمَارێ خُوه كَه
لَعْلێ شَكَرْبَارێ خُوه كَه
Gestiyê reşmarê xwe ke
Le’lê şekerbarê xwe ke
بِلَفْظُ و گُفْتَارێ خُوه كَه
دَرْمانێ كُلْدَارێ خُوه كَه
Bi lefz û guftarê xwe ke
Dermanê kuldarê xwe ke
لێ كَشْفێ اَسْرَارێ خُوه كَه
مَخْمُورێ خَمَّارێ خُوه كَه
Lê keşfê esrarê xwe ke
Mexmûrê xemmarê xwe ke
حَيْرانێ رَفْتَارێ خُوه كَه
كُشْتِينَه تِيرَا مُحْبَتێ
heyranê reftarê xwe ke
Kuştîne tîra muhbetê
وَرْ سَرْ دَه جَارَكْ كُشْتِيَانْ
أخْتَرْمَيێنْ خُوه بْیَنْگِيَانْ
Wer ser de carek kuştiyan
Extermeyên xwe b’ yengiyan
بَرْدَه بِمِلْ دَا خَمْرِيَانْ
بَادِتْ سَحَرْ رَيْحَانِيَانْ
Berde bi mil da xemriyan
Badet seher reyhaniyan
دَاغێنْ شَهِيدُ و سۆهْتِيَانْ
دَانِينَه لێ وَانْ تِلَّيانْ
Daxên şehîd û şohtiyan
Danîne lê wan tiliyan
كُو ژْ مُعْجِزَا خُمَّارِيَانْ
رُوحْ بێتَه دِيسَا سَرْ گِيَانْ
Ko j’ mu’ciza xummariyan
Rûh bête dîsa ser giyan
هێژْ نَابِرَّمْ قَطْ هێڤِيَانْ
ژْ وَانْ شَفْقَه وُ دِلْدَارِيَانْ
Hêj nabirim qet hêviyan
Ji wan şefqe û dildariyan
بِ اللّٰهِْ) ژِ نَالُ و زَارِيَانْ
ضَرْبَا فِرَاقُ و بِهْرِيَانْ
Bi l-lah ji nal û zariyan
derba firaq û bihriyan
تَشْبِيهێ تُوتَاكێنْ چِيَانْ
خَوْ ناكِرِينْ شَڤْتَارِيَانْ
Teşbîhê tûtakên çiyan
Xew nakirîn şevtariyan
لێ هێژْ دِخُوَازِينْ شُكْرِيَانْ
چَنْدِی كُو رُو دِينْ قِبْلَتێ
Lê hêj dixwazîn şukriyan
çendî ko rû dîn qibletê
چَنْدِی دِنێ بِتْ هَرْ هَبِی
عَالَمْ دِ بَرْ حُكْمێ تَه بِی
çendî dinê bit her hebî
’Alem di ber hukmê te bî
هَرْچِی دِڤێ تَه هَرْ وَه بِی
لِبْسێ تَه كِيمْخَه وْ خَارَه بِی
Herçî divê te her we bî
Lebsê te kêmxe û xare bî
دَائِمْ بِرَمْزُ و عِشْوَه بِی
شُبْهَتْ گُلا هَرْ غُنْچَه بِی
Da’im bi remz û ’işwe bî
şubhet gula her xunçe bî
وێ غُنْچَهيێ خَارْ تێ نَبِی
آگَهْ ژِ عُشَّاقێنْ خُوه بِی
Wê buxçeyê xar tê nebî
Ageh ji ’uşşaqên xwe bî
چَشْمَكْ لِأَحْوَالێ مَه بِی
دَرْ حَقْ «مَلێ» بێ پَرْدَه بِی
çeşmek li ehwalê me bî
Derheq me lê bêperde bî
سَاغَرْ مُدَامْ پُڕْ بَادَه بِی
پُڕْ شَفْقَه وُ خُوشْ مَعْدَه بِی
Saxer medam pir bade bî
Pir şefqe û xweşme’de bî
بِهْتِرْ بِرَحْمُ و شَفْقَه بِی
بْشِیرێ تَه دَا پَرْوَانَه بِی
Bihtir bi rehm û şefqe bî
Bi şîrê te da perwane bî
مَخْمُورێ چَهْڤێنْ شَهْلَه بِی
سۆتِينَه نَارێ فُرْقَتێ
Mexmûrê çehvên şehle bî
Sotîne narê firqetê
دَرْدێ غَدَارْ بێمْ فُرْقَتَه
فُرْقَتْ ژِ جَانْ پُڕْ زَحْمَتَه
Derdê xedar bêm firqet e
Firqet ji can pir zehmet e
عَاشِقْ مِرِنْ هَرْ سَاعَتَه
يَا سَهْلَه جَارَكْ رُوحْ دَتَه
’Aşiq mirin her sa’et e
Ya sehl-i ’aşiq rûh dite
لێ دِلْبَرْ أڤْ رَنْگْ عَادَتَه
هَرْچِی دِ بَنْدێ دَا کَتَه
Lê dilber evreng ’adet e
Herçî di bendê da kete
أوَّلْ دِدِتْ پێ اُلْفَتَه
ذَوْقُ و صَفَاءُ و صُحْبَتَه
Ewwel didit pê ulfet e
zewq û şefa û suhbet e
گَاڤَكْ كُو أوْ ڤێرَا رَتَه
اَنْجَا ژِ نَاگَهْ غَفْلَتَه
Gavek ko ew vê ra rete
Anca ji nageh xeflet e
شِيرێ جَفَايێ لێ دَتَه
(اَللّٰهْ چِه وێ بێ مِرْوَتَه
şîrê cefayê lê dite
Ellah çi wê bêmurwe e
رَحْمێ بِعَاشِقْ نَابَتَه
وێ قَسْتَه جَانْ يَغْمَا كَتَه
Rehmê bi ’aşiq nabite
Wê qest e can yexma kite
حَتَّى كُو دِلْ قَنْجْ ژێ بَتَه
اِنْصَافْ ژِ مَهْرُويَانْ مَه تێ
hetta ko dil qenc jê bite
Insaf ji mehrûyan ne tê
يَارْ قَسْتَه جَانْ يَغْمَا كِرِتْ
دَا مُعْجِزێ پَيْدَا كِرِتْ
Yar qest e can yexma kirit
Da mu’cizê peyda kirit
رَمْزَكْ ژِ رَنْگْ عِيسَا كِرِتْ
يَا سِحْرێ بُوسِينَا كِرِتْ
Remzek ji reng ’îsa kirit
Ya sihr-i Bû-Sîna kirit
ژْ أوْ لَعْلێ شَكَّرْخَا كِرِتْ
دِيسَا شَهِيدَانْ رَاكِرِتْ
Ji ew le’l-i şekkerxa kirit
Dîsa şehîdan rakirit
ڤَانْ كۆلَيَانْ آزَا كِرِتْ
جَارَكْ غَرِيبَانْ شَا كِرِتْ
Van koleyan aza kirit
Carek xerîban şa kirit
رَاسْتِی يَدێ بَيْضَا كِرِتْ
مِسْكێ دِ جَرْحَانْ دَاگِرِتْ
Rastê yedê beyda kirit
Miskê di cerhan dagirit
دێ خُوَشْ بِكِتْ اِحْيَا كِرِتْ
شَفْقێ كَه يَا رَبْ دَا كِرِتْ
Da xweş bikit ihya kirit
şefqê ke ya reb da kirit
رَشْ كَاكُلَانْ تَاتَا كِرِتْ
سَدْ حَلْقَه چِينْ چِينْ بَاکِرِتْ
Reşkagulan ta ta kirit
Sed helqe çîn çîn ba kirit
هَمْيَانْ لِدێمْ طُغْرَا كِرِتْ
أمْرێ هُمَايُونْ سَرْ مَه تێ
Hemyan li dêm tuxra kirit
Emrê humayûn ser me tê
عَاشِقْ دِ رێ دێ سَادَه بِتْ
خَاكَارِيَا يَارێ خُوه بِتْ
’Aşiq divê dil sade bit
Xaka riya yarê xwe bit
سَدْ دَاغْ دِ دِلْ وَكْ لَالَه بِتْ
خُونێ بِخُوتْ رَنْگْ غُنْچَه بِتْ
Sed dax di dil wek lale bit
Xwînê bixwit rengxunçe bit
وِی جَانْفِدَا شُبْهَتْ مَه بِتْ
جَانێ عَزِيزْ نَقْدَانَه بِتْ
Wî can fida şubhet me bit
Lê j’ emrê yar xafil nebit
دَائِمْ بِسَعْیُ و جَهْدَه بِتْ
طَبْعێ كُو يَارْ لێ أوْ وَه بِتْ
Da’im bi se’y û cehde bit
teb’ê ko yar lê, ew we bit
يَارْ ژِی دِگَلْ بێ پَرْدَه بِتْ
ڤێرَا بِرَحْمُ و شَفْقَه بِتْ
Yar jî digel bêperde bit
Vê ra bi rehm û şefqe bit
وَكْ غُنْچَه عَاشِقْ دِلْ ڤَبِتْ
دِلْ شُبْهَتێ آيِينَه بِتْ
Wek xunçe ’aşiq dil vebit
Dil şubhetê ayîne bit
عِشْقُ و جَمَالَكْ زێدَه بِتْ
خَالْ اَسْوَدُ و دێمْ قِبْلَه بِتْ
’Işq û cemal jêk zêde bit
Xal eswed û dêm qible bit
پێشْ هَرْدُو نُونَانْ سَجْدَه بِتْ
ڤێكْرَا بِوێرِنْ صُحْبَتێ
Pêş herdu nûnan secde bit
Vêk ra biwêrin suhbetê
اَیْ گۆیێ مَيْدَانێ تَه بِتْ
وَكْ مِنْ دِ زِنْدَانێ تَه بِتْ
Ê goyê meydanê te bit
Wek min di zindanê te bit
سَرْبَنْدێ چَوْگَانِێ تَه بِتْ
مَجْرُوحێ پَيْكَانێ تَه بِتْ
Serbendê çewganê te bit
Mecrûhê peykanê te bit
يَغْمَا وُ تَالانێ تَه بِتْ
هَرْ رۆژْ ژِی قُرْبَانێ تَه بِتْ
Yexma û talanê te bit
Her roj jî qurbanê te bit
بِيمَارێ مُژْگَانێ تَه بِتْ
دَائِمْ دِ فَرْمانێ تَه بِتْ
Bîmarê mujganê te bit
Da’im di fermanê te bit
حَبْسِی دِ زِنْدَانێ تَه بِتْ
مُشْتَاقُ و حَيْرانێ تَه بِتْ
hebsî di zindanê te bit
Muştaq û heyranê te bit
سۆهْتِی ژِ هِجْرَانێ تَه بِتْ
دێ مَسْتێ فِنْجَانێ تَه بِتْ
Sohtî ji hicranê te bit
Dê mestê fincanê te bit
وِی بَهْرْ دِ نِيشَانێ تَه بِتْ
مُوچَه ژِ بَرْ خُوانێ تَه بِتْ
Wî behr di nîşanê te bit
Mûçi ji ber xwanê te bit
لێ لُطْفُ و اِحْسَانێ تَه بِتْ
هَرْ دَمْ بِ خُونِی حَضْرَتێ
Lê lutf û ihsanê te bit
Herdem bixwînî hedretê
جَامَانْ بِأغْيَارَانْ نَدِی
خَمْرێ بِخُونْخُوارَانْ نَدِی
Caman bi exyaran nedî
Xemrê bi xwînxwaran nedî
وَرْدَانْ بِمُرْدَارَانْ نَدِی
وَانْ رێ دِ گُلْزَارَانْ نَدِی
Werdan bi murdaran nedî
Wan rê di gulzaran nedî
رَيْحَانُ و گُلْنَارَانْ نَدِی
بُۆ وَانْ دِژَنْ خَارَانْ نَدِی
Reyhan û gulnaran nedî
Bo wan ji jeyn xaran nedî
تُو رَمْزُ و أسْرَارَانْ نَدِی
كُۆرَانْ تُو أنْوَارَانْ نَدِی
Tu remz û esraran nedî
Koran tu enwaran nedî
آزَارێ مِهْرْدَارَانْ نَدِی
لێ دَسْتێ بَدْكَارَانْ نَدِی
Azarê mihrdaran nedî
Lê destê bedkaran nedî
بِنُونَكِێ يَارَانْ نَدِی
نێڤْ مَه وُ خُوه اسْتَارَانْ نَدِی
Bi nûnekê yaran nedî
Nêv me û xwe estaran nedî
تِيرَانْ ژِ نُوبَارَانْ نَدِی
دَرْدَانْ بِبِيمَارَانْ نَدِی
Tîran ji nû baran nedî
Derdan bi bîmaran nedî
ژِ غَيْرِی سێ جَارَانْ نَدِی
رِيشِنْ نَدِيرِنْ طَاقَتێ
Ji xeyr-i sê caran nedî
Rîşin nedêrin taqetê
بَسْ عَاشِقَانْ مَهْجُورْ بِكِی
شُبْهَتْ «مَلێ» رَنْجُورْ بِكِی
Bes ’aşiqan mehcûr bikî
şubhet Melê rencûr bikî
قَلْبێ شِكَسْتِی هُورْ بِكِی
شُونَا بِرِينَانْ كُورْ بِكِی
Qelbê şikestî hûr bikî
şûna birînan kûr bikî
شَمْعَا مَه ژێ پُڕْ نُورْ بِكِی
بِزَهْرێ خُوه مَأْمُورْ بِكِی
şem’a me jê pir nûr bikî
Bi zehrê xwe me me’mûr bikî
تَنْهَا مَه بێ دَسْتُورْ بِكِی
مَحْرَمْ سَرَايێ حُورْ بِكِی
Tenha me bêdestûr bikî
Mehrem serayê hor bikî
بْوَصْلَا خُوه دَا فَغْفُورْ بِكِی
ژْ وێ بَادَهيێ مَخْمُورْ بِكِی
Bi wesla xwe da fexfûr bikî
Ji wê badeyê mexmûr bikî
نێڤْ كَاسَهيَا فَرْفُورْ بِكِی
دَالَانْ ژِ خَالَانْ دُورْ بِكِی
Nêv kaseya ferfûr bikî
Dalan ji xalan dûr bikî
دێمێ ژِ رَنْگْ كَافُورْ بِكِی
فَيْضێ لِدِلْ دَا فُورْ بِكِی
Dêmê ji reng kafûr bikî
Feydê li dil da fûr bikî
بَسْ عَالَمێ مَقْهُورْ بِكِی
وَقْتێ سَحَرْگَهْ بَادَتێ
Pê ’alemê meqhûr bikî
Weqtê sehergeh bade tê
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
