سَرِێ زُلْفَا ته بِكُلَّابِێ دُعَا
هَاته دَسْتِێ مه بِجَلَّابِێ دُعَا
Serê zulfa te bi kullabê du’a
Hate destê mi bi cellabê du’a
صُوفِيِێ خَلْوَه نِشِينْ بێنْ دِ سُجُودْ
هَرْ دُو بِرْهێنْ تَنه مِحْرَابِێ دُعَا
Sofîyê xelwenişîn bêne sucûd
Herdu birhên te ne mihrabê du’a
عَرْضِێ كێ دێ بِكِرِمْ صُورَتِێ حَالْ
كُو تُويِي قِبْلَهيِێ أَرْبَابِێ دُعَا
’Erdê kê dê bikirim sûretê hal
Ko tu yî qibleya erbabê du’a
ژِ دُعَايِێ قَدَحَكْ دَرْ دَسْته
هَرْ سَحَرْ سُنَّتێ مِێ نَابِێ دُعَا
Ji du’ayê qedehek derdest e
Her seher mestê meya nabê du’a
گُلِێ إِقْبَالِێ ژِ غُلْزَارێ قَبُولْ
مه چِنِيبُو دِ شَكَرْخُوابِێ دُعَا
Gulê iqbalê ji gulzarê qebûl
Mi çinî bû di şekerxwabê du’a
بَرْ دُو بُرْهێنْ ته ژِ إِخْلَاصُ و يَقِينْ
مه دِ وێ سَجْدهيِه آدَابِێ دُعَا
Ber du birhên te ji ixlaş û yeqîn
Mi dibir secde bi adabê du’a
ژِ دِلَكْ صَافِي تُو مِحْرَابِێ بِبِينْ
سَجْدَيكْ لَازِمه دَرْ بَابِێ دُعَا
Ji dilek safî tu mihrabê bibîn
Secdeyek lazim e der babê du’a
مِه بِدِلْ (عُرْوَتِێ وُثْقَى) ته دِ دَسْتْ
ژِ ثَنَايَا ته سَرْأَلْقَابِێ دُعَا
Mi di dil ’urwet-i wusqa ye bi dest
Ji senaya te ser elqabê du’a
ژِ أَزَلْ يَكْ جِهَتِێ دَايه «مَلَا»
هَرْ مه إِخْلَاصه ژِ أَسْبَابێ دُعَا
Ji ezel yek cihetî daye Melê
Her me ixlas e ji esbabê du’a
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
