إِيرۆ ژِ شَهْكَاسَا سُرَّێ
مَیْ هَاتَه فِنْجَانَا صَدَفْ
îro ji şehkasa surê
Mey hate fincana sedef
مِنَّتْ کُو إِيرۆ دێمْ دُرَّێ
دَامِنْ مَيَا حُسْنَا خُوه خَفْ
Minnet ko îro dêmdurê
Da min meya husna xwe xef
خَفْ دَامه جَامَا كَوْثَرێ
شێرِينْ قَدُ و لَبْ شَكَّرێ
Xef da me cama kewserê
şêrînqed û lebşekerê
بَايێ صَبَا دا چَنْبَرێ
هَاتِنْ سَمَا شَترِیُ و لَفْ
Bayê seba da çenberê
Hatin sema şetrî û lef
شَترِیُ و زُلْفُ و بَلْگِ و پَڕْ
هَمْيَانْ لِدێمْ دَعْوا وُ شَڕْ
şetrî û zulf û belg û per
Hemiyan li dêm de’wa û şer
إِيلَانْ لِسَلْوا بُونه گَڕْ
عَقْرَبْ خُيَانْ أزْ هَرْ طَرَفْ
Êlan li selwa bûne ger
’Eqreb xwiyan ez her teref
عَقْرَبْ نَهِنْ أَوْ سُنْبُلِنْ
بُوعَنْبَرُ و دَاڤا دِلِنْ
’Eqreb nehin ew sinbil in
Bo ’enber in dava dil in
نِیشَانْ ژِمِسْكُ و فِلْفِلِنْ
وَانْ سِينَهيێ مِن كِرْ هَدَفْ
Nîşan ji misk û filfil in
Wan sîneya min kir hedef
دَا سِينَه جُهْتێ تِيرِ خُوشْ
قَوْسێ هِلَالێ تۆزِرَشْ
Da sîne cohtê tîrxweş e
Qewsê hilalî tozreş e
يَكْ تِيرێ پُڕْ كُشْتِنْ لِمَشْ
خُونێ دِ جَرْحَانْ دَايَه كَفْ
Yek tîr-i pir kuştin leş e
Xwînê di cerhan daye kef
مِنْ خُونْ بِجُۆ تێتِنْ ژِ دِلْ
أَوْ بَازیێ بێ تۆرُ و سِلْ
Min xwîn bi co têtin ji dil
Ew baziyê bê tor û sil
دَاکَفْتَه نێڤْ تۆرا قِزِلْ
قُمْرِی نَهِشْتِنْ رَفْ بِرَفْ
Dakefte nêv tora qizil
Qumrî nehiştin ref bi ref
رَفْ رَفْ نَهِشْتِنْ زَاغِ زَاغْ
دَانِينَه دِلْ مِن دَاغِ دَاغْ
Ref ref nehiştin zax-i zax
Danîn li dil min dax-i dax
دێ كِی بِمِينِتْ سَاغِ سَاغْ
وَسْتَانَه لَشْكَرْ صَفْ بِصَفْ
Dê kî bimînit sax-i sax
Westane leşker şef bi şef
صَفْ صَفْ مه دِینْ هِنْدِیُ و زَنْگْ
جَنْگِیزِ هَاتْ تَيْمُورێ لَنْگْ
Sef Sef mi dîn hindî û zeng
Cengîz-i hat Teymûrileng
خَفْ وَانْ رَشَانْدِنْ دِلْ خَدَنْگْ
تَشْبِيهێ تِيرێنْ خَانْ شَرَفْ
Xef wan reşandin dil xedeng
Teşbîhê tîrên Xan-Şeref
تِریكْ ژِ قَوْسێ مَالْ زِرَاڤْ
بێ دِلْ تُو وی بَاڤێژَه ناڤْ
Tîrek ji qewsê malzirav
Tê dil qewî tavêje nav
خُونْ تێ پُرَّی تَشْبِيهێ آڤْ
فَرْيَادُ و أَفْغَانْ سَدْ أَسَفْ
Xwîn tê pirê teşbîhê av
Firyad û efxan sed esef
جَانْ دێ بِدِتْ أَوْ مَالْ خَرَابْ
هَرْ سِينَه یِی جُۆتَكْ غُرَابْ
Can dê nedit ew malxerab
Her sîne’ê cotek xurab
تێدَا بِرِنْ پَنْجه وْ كُلَابْ
وِی جَانْ دِ دَسْتُ و رُوحْ دِ كَفْ
Tê da birin penc û kulab
Wî can di dest wî rûh di kef
جَانێ مَلێ رُوحَا مَلێ
نُورَا ژِ قُدْرَتْ نُقْطَه لێ
Canê Melê rûha Melê
Nûra ji qudret nuqte lê
رَمْزَكْ نِهِينْ دَامِنْ وَلێ
نَالِی ژِبَرْ وَكْ نَایُ و دَفْ
Remzek nihîn da min welê
Nalî ji ber wek nay û def
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
