إِيرۆ ژِ رَمْزَا دێمْ دُرێ
مِنَّتْ كُو مِنْ مَسْرُورَه دِلْ
îro ji remza dêmdurê
Minnet ko min mesrûr e dil
دِلْبَرْ بِفِنْجَانَا سُرێ
مَیْ دَا مَه وُ مَخْمُورَه دِلْ
Dilber bi fincana surê
Mey da me û mexmûr e dil
رَمْزَكْ نِهِينْ آڤێهْتَه دِلْ
مِهْرێ ژِ بَاطِنْ مێهْتَه دِلْ
Remzek nihîn avêhte dil
Mihrê ji batin mêhte dil
شَهْزَادَهيێ سُڕْ رێهْتَه دِلْ
شَهْكَاسَهيَا فَرْفُورَه دِلْ
şehzadeyê sur rêhte dil
şehkaseya ferfûr e dil
هۆسْتایێ عِشْقێ دِلْ هَڤۆتْ
سَرْ تَا قَدَمْ هِنگِی دِسۆتْ
Hostayê ’işqê dil hevot
Ser ta qedem hingî disot
رَمْزَا ﴿ أَنَا الحَقْ ﴾ هَرْ دِگۆتْ
بَاوَرْ بِكِنْ مَنْصُورَه دِلْ
Remza “ene l-heq” her digot
Bawer bikin menşûr e dil
دِلْ لێ بِدِتْ نُورَا مَیێ
وَقْتێ سَوَاشُ و هَیْ هَیێ
Dil lê bidit nûra meyê
Weqtê suwaş û heyheyê
فَهْمْ أَرْ بِكِی وَحْيَا نَیێ
ژێ دِتْ خَبَرْ مَأْمُورَه دِلْ
Fehm er bikit wehya neyê
Jê dit xeber me’mûr e dil
نُورَا ژِ قُدْرَتْ لێ دِ نُونْ
ژِێرَا دِنَالِنْ أَرْغَنُونْ
Nûra ji qudret lê du nûn
Jê ra dinalin erxenûn
وَرْ آیَتَا عِشْقێ بِخُونْ
خُوشْ نُسْخَهيَكْ مَسْطُورَه دِلْ
Wer ayeta ’işqê bixûn
Xweş nusxeyek mestûr e dil
تَفْسِيرێ سِرَّا آیَتێ
عَارِفْ دِڤِێتِنْ گُهْ دَتێ
Tefsîra sirra ayetê
’Arif divêtin guh detê
رَازَا رُمُوزێنْ قُدْرَتێ
گَرْ دَيْنْ بِكِينْ مَعْذُورَه دِلْ
Raza rumûzên qudretê
Ger deyn bikit me’zûr e dil
دِلْ كَعْبَهيَه مَوْلَایَه لێ
نَارێ كَلِيمْ اِيسَايَه لێ
Dil ke’be ye mewla ye lê
Narê kelîm îsaye lê
بَانْگِی ﴿ أَنَا اللّٰهُ ﴾ دَایَه لێ
هَمْ كَعْبَه وُ هَمْ طُورَه دِلْ
Bangê “ene l-lah” daye lê
Hem Ke’be û hem tor e dil
سَدْ جُۆ وُ سَدْ جُۆبَارَه تێ
سَدْ گُلْشَنُ و گُلْزَارَه تێ
sed co û sed cobar e tê
sed gulşen û gulzar e tê
چَنْدَانْ ژِ عِشْقێ نَارَه تێ
صَافِی نَظَرْ دِی نُورَه دِلْ
çendan ji ’işqê nar e tê
şafî nezer dî nûr e dil
صُحْبَتْ كُو كَامِلْ بُو بَرِێ
جَارَكْ بِجَایِی عَنْبَرِێ
suhbet ko kamil bû bi rê
Carek bi cayê ’enberê
قَلْبێ مَه بَاڤێ مَجْمَرِێ
خُوشْ عَنْبَرُ و كَافُورَه دِلْ
Qelbê biavê micmerê
Xweş’enber û kafûr e dil
شُۆخُ و شَپَالَا لَبْ ژِ قَنْدْ
أَوْ نَازِكَا وێ قَنْجُ و رَنْدْ
şox û şepala leb ji qend
Ew nazika wê qenc û rend
وێ دِلْ ژِ دِلْ دِلْدَا وْ ڤَخُوَنْدْ
إِيرۆ يَقِينْ فُغْفُورَه دِلْ
Wê dil ji dil dilda û xwend
îro yeqîn fexfûr e dil
أَزْ دِلْ ژِ تَه مَسْرُور بِتِنْ
مِنْ ژِ ﴿ مَلێ ﴾ دَسْتُور بِتِنْ
Er dil ji te mesrûr bitin
Min ji Melê destûr bitin
دێ كِتْ جِهَانْ پُڕْ نُور بِتِنْ
لێ دَائِمًا رَنْجُورَه دِلْ
Dê kit cehan pir nûr bitin
Lê da’ima rencûr e dil
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
