Te’ale l-lah zehê husna mubarek
Tebarek sed tebarek sed tebarek
Meger şîrîn bi vê şîraniyê bû
“Ela şemsu l-melaheti qed tuşarek”
Ji xunçên buxçeya wê gul’izarê
Ji her xunçe di dil da maye xarek
Li textê dilberê rûnî bi şahî
Li te şahî mubarek bit mubarek
Ji dîdarê murada min bibexşî
Murada min ji te dîdar e carek
Di dil da nî we dîsa dil disojî
“E-tehriqu ya melîke l-husni darek?”
’Izarê ger li min dî tu li dil de
“Li-enne l-qelbe qed yehwa ’izarek”
Te cergê min ji dil kir pare pare
“Fe-carek ya bedî’e l-husni carek”
Were xanim bikuj biste bi xencer
Melê emma bi destê xwey’ mubarek
تَعَالَى اللّٰهْ ﴾ زِهِي حُسْنَا مُبَارَكْ ﴿
تَبَارَكْ سَدْ تَبَارَكْ سَدْ تَبَارَكْ
مَگَرْ شِيرِينْ بِڤێ شِيرَانِيێ بُو
﴾ أَلَا شَمْسُ الْمَلَاحَةْ قَدْ تُشَارَكْ ﴿
ژِغُنْچێنْ غُنْچَهیَا وێ گُلْعِذَارێ
مَه هَرْ غُنْچَكْ دِدِلْ دَا مَایَه خَارَكْ
لِتَایێ عَرْعَرَا مَسْتَانَه نَازِكْ
ژِلَوْنێ عَنْبَرِی مَخْمُورِ بَارَكْ
لِتَخْتێ دِلْبَرِی رُونێ بِشَاهِی
لِتَه شَاهِی مُبَارَكْ بِتْ مُبَارَكْ
ژِدِيدَارێ مُرَادَا مِنْ بِبَخْشِی
مُرَادَا مِنْ ژِتَه دِيدَارَه جَارَكْ
دِبێژِمْ دَا بِحَالێ مِنْ بِزَانِی
ژِبَرْ حُبَّا تَه بێ حَالِمْ بِجَارَكْ
دِدِلْ دَانِی وُ دِيسَا دِلْ دِسۆژِی
﴾ أَتَحْرِقُ يَا مَلِيكَ الْحُسْنِ دَارَكْ ؟ ﴿
عِذَارێ گَرْ لِمِنْ دِی تُو لِدِلْ دَه
﴾ لِأَنَّ الْقَلْبَ قَدْ يَهْوَى عِذَارَكْ ﴿
تَه جَرْگێ مِنْ ژِدِلْ کِرْ پَارَه پَارَه
﴾ فَجَارَكْ يَا بَدِيعَ الْحُسْنِ جَارَكْ ﴿
وەرَه خَانِمْ بِکُژْ بَسْتَه بِخَنْجَرْ
مَلێ أَمَّا بِدَسْتێ خُوهیْ مُبَارَكْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
