پَيْوَسْتَه دُو أَبْرُو لِمَه مَحْبُوبێ كِشَانْدِنْ
سَدْ گَزْمَه پَياپَیْ لِأَزێ خَسْتَه رَشَانْدِنْ
Peyweste du ebrû li me mehbûbê kişandin
sed gezme peyapey li ezê xeste reşandin
تِيرَكْ ژِ كَمَانێ غَضَبێ دَا جَگَرێ رِيشْ
مِلْ دانه برُ و سَرْ ژِ دُو گۆشانْ ڤَوَشانْدِنْ
Tîrek ji kemanê xedebê da cegerê rîş
Mil dane ber û ser ji du goşan veweşandin
جِهْتێ أَسَدَانْ پَنْجَه لِسَرْ سِينَه نِهَانْدِنْ
كُلّابِ گِهَانْدِنْ دِلُ و هَسْتِی هَرِشَانْدِنْ
Cohtê esedan pence li ser sîne nihandin
Kullab-i gihandin dil û hestî herişandin
بِرْهێنْ ته ژِ قُدْرَتْ کُو نُومانْ گۆشهیێ اِعْجازْ
پَيْوَسْتَه كَمَانَانْ لِگُهَانْ گُۆشَه كِشَانْدِنْ
Birhên te ji qudret ko numan goşeyê i’caz
Peyweste kemanan li guhan goşe kişandin
مِهْرَا تَه دِ جَانێ خُوه ژِ دِلْ خَفْ كِرِبُو مِنْ
دِلْ چُو جَگَرُ و سِينَه لِسَرْ جَانِی فَشَانْدِنْ
Mihra te di canê xwe ji dil xef kiribû min
Dil çû ceger û sîne li ser canî ve şandin
نُونێنْ ته هِلالِی بِقِرانْ یَکْ ژِ سُڕا حَقْ
بێ عَيْبِ لِدێمێ قَلَمێ غَيْبێ كِشَانْدِنْ
Nûnên te hilalê bi qeran yek ji sura heq
Bê ’eyb-i li dêmê qelema xeybê kişandin
نَقَّاشێ أَزَلْ إِسْمێ جَمَالێ كُو نِڤِِيسِی
حَرْفێنْ ته مُجَسَّمْ ژِ سُرَّێ تازه رشانْدِنْ
Neqqaşê ezel ismê cemalê ko nivîsî
herfên te mucessem ji surê taze reşandin
رَيْحَانِیُ و دِيوَانِیُ و هَمْ ثُلْثُ و مُسَلْسَلْ
یَكْ یَكْ وَه هَزَارْ رَنْگِ ژِ حُسْنێ نَقِشَانْدِنْ
Reyhanî û dîwanî û hem suls û muselsel
Yek yek we hezar reng-i ji husnê neqqişandin
أَوْ آيَتَێ نُورێ ژِ مَلَا رَا كُو نِڤِيسِی
كَاتِبْ ژِ سُرَّێ نُقْطَه بِزێرابێ فَشَانْدِنْ
Ev ayeta nûrê ji Mela ra ko nivîsî
Katib ji surê nuqte bi zêrabê feşandin
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
