شَرْبَتَا لَامُ و بَێيَانْ أَزْ بِحَيَاتێ نَادِمْ
بَادَه يَا لَعْلێ بِآڤَا ظُلُمَاتێ نَادِمْ
Şerbeta lam û beyan ez bi heyatê nadim
Badeya le’lê bi ava zulumatê nadim
حُۆرُ و وِلْدَانُ و پَرِی جُمْلَه جَمَا بِنْ إِيرۆ
مُویَكِێ پێ ژِ خَطێ وێ بُتُ و لَاتێ نَادِمْ
Hor û wildan û perî cumle cema bin îro
Mûyekê pê ji xetê wê but û latê nadim
گَرْ بِدِتْ دَسْتێ طَوَافَا پێ وْ دَسْتَانْ بِكِرِمْ
وێ مَجَالێ بِوُقُوفَا عَرَفَاتێ نَادِمْ
Ger bidit destê tewafa pê û destan bigirim
Wê mecalê bi wuqûfa ’Erefatê nadim
أَزْ و يَارْ گَرْ شَڤَكِێ هَرْ دُو هَمْ آغُوشْ بِبِينْ
لَيْلَةُ القَدْرَه مَه أَوْ شَڤْ بِبَرَاتێ نَادِمْ
Ez û yar ger şevekê herdu hemaxûş bibîn
Leyletu l-qedr e me ew şev bi beratê nadim
جَانِێ شِيرِينْ كُو ژِ يَارَا بَخُدَانْ أَزْ دِكِرِمْ
نَه بِيَارێ خُوه دِ وَقْتێ سَكَرَاتێ نَادِمْ
Canê şêrîn ko ji yar ra bi xwidan ez dikirim
Ne bi yarê xwe di weqtê sekeratê nadim
نَه بِقَانُونْ كُو اِشَارَتْ بِشِفَايێ بِكِرَتْ
أَزْ هَلَاكَا خُوه دِ عِشْقێ بِنَجَاتێ نَادِمْ
Ne bi qanûn ko işaret bi şifa’ê bikirit
Ez hilakê xwe di ’işqê bi necatê nadim
شَرْبَتَا زَهْرێ هَلَاهِلْ كُو حَبِيبێ مَه بِدِتْ
بِگُلَابُ و شَكَرُ و قَنْدُ و نَبَاتێ نَادِمْ
Şerbeta zehra helahil ko hebîbê me bi dest
Bi gulab û şeker û qend û nebatê nadim
طَلْبه كِرْ وَصْلِ ژْ دِلْبَرْ مِه بِعُنْوَانێ زَكَاتْ
گۆ: تُو عَبْدِی وُ بِعَبْدێ خُوه زَكَاتێ نَادِمْ
Telbe kir weslê ji dilber mi bi ’unwanê zekat
Go tu ’ebd î we bi ’ebdê xwe zekatê nadim
دێ بِپَیْكِی بِكِرِينْ مَاتِ رَقِيبِی دِيسَا
بِرُخُ و فِيلُ و فَرَسْ أَزْ شَهُ و مَاتێ نَادِمْ
Wê bi peykê bikirîn mat-i reqîbê dîsa
Bi rex û fîl û feres ez şeh û matê nadim
دِ سَمَایَا سَحَرێ دَسْتێ بِكَسْ دِی إِيرۆ
غَيْرِی شِيرِينْ قَدُ و مَوْزُونْ حَرَكَاتێ نَادِمْ
Di semaya seherê dest bi kes dî îro
xeyr-i şîrînqed û mewzûnherekatê nadim
هَاتَه دَسْتێ مَه دِ رَقْصێ وْ دِگۆ بِلْ ژِ مَلێ
دَسْتْ بِكَسْ دِی دِ سَمَایَا كُو ﴿ مَلا ﴾ تێ نَادِمْ
Hate destê me di reqsê we digo bil ji Melê
Dest bi kes dî di semaya ko Mela tê nadim
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
