Ji re’na nêrgizên tey mest û xwînrîz
Zeman bû ’ehdê ceng engîzê Cengîz
Te canê min divêt ey canê ’alem
Ji min bistîn bi le’lên xwey şekerrîz
Du ’enber bû li şimşadê bi mestî
Vebestin lew hewa bû ’enberamîz
Ji axa asitanê mistekê bîn
Li daxan da bibînim xweş şeba tîz
Tinê Ferhad dizanit lezzeta ’işq
Ko wî can daye şîrînê ne Perwîz
Teb û tabê hezar işkence da dil
Ji şîrazî negahî mestê Tebrîz
Ilahî nêrgiza mey mest û nazik
Ji destê xwar û bedxwahan biparîz
Ko lê têt ew qebayê asimanî
Letîfa şeng û nazik wek belazîz
Sewaşek rêhte dîsa ’alema dil
Bi cadoyê du çeşim fitne engîz
Xebais teb’ e ji ehlê seksirişt e
Yeqîn ew ker ji canan lew dikit bîz
Mela canê te çawan pehlewan kir
Li tayê xemriyan zulfa dilawîz
Ji husna bênişan nadî nişanek
Nişanî ger ji dil nek’ra te perhîz
Mebîn ev ger bi şûret ademî ne
Hemî dar in ji êgir ra kirî rîz
ژِ رَعْنَا نێرْگِزێنْ تَهي مَسْتُ و خُونْرِيزْ
زَمَانْ بُو عَهْدێ جَنْگْ اَنْگِيزێ جَنْگِيزْ
تَه جَانێ مِنْ دِڤێتْ أَيْ جَانێ عَالَمْ
ژِ مِنْ بِسْتِينْ بِ لَعْلێنْ خُوهیْ شَكَرْرِيزْ
دُو عَنْبَرْبو لِ شِمْشَادی بِ مَسْتِى
ڤَبَسْتِنْ لَو هَوَا بُو عَنْبَرْآمِيزْ
ژِ آخَا آسِتَانێ مِسْتَكێ بِينْ
لِ دَاغَانْ دَا بِبِينِمْ خُوشْ صَبَاتِيزْ
تَنێ فَرْهَاد دِزَانِتْ لَذَّتێ عِشْقْ
كُو وِى جَانْ دَايَه شێرِينێ نَه پَرْوِيزْ
طُلُوعا مَا ژِ بۆ گِیتی شَفَقْ دَا
ژِ شِيرَازێ شُعَاعێ دَايَه تَبْرِيزْ
تَبُ و تَابێ هَزَارْ اِشْكَنْجَه دَا دِلْ
ژِ شِيرَازێ نِگَاهی مَسْتێ تَبْرِيزْ
اِلٰهِى نێرْگِزَا مَىْ مَسْتُ و نَازِكْ
ژِ دَسْتێ خُوارُ و بَدْخُواهانْ بِپَاریزْ
كُو لێ تێتْ أَوْ قَبَايێ آسِمَانِي
لَطِیفا شَنْگُ و نَازِكْ وَكْ بَلَازِيزْ
سَواشَكْ رێهته دِيسَا عَالَما دِلْ
بِ جَادُويێ دُو جَشْمێ فِتْنَه اَنْگِيزْ
خَبايِثُ و طَبْعه ژاهِلْ سَگْ سِرِشْتَه
يَقِينْ أَوْ كَرْ ژِ جَانَانْ لَوْ دِكِتْ بیزْ
«مَلَا» جَانێ تَه چَاوَا پَهْلَوَانْ كِرْ
لِ تَايێنْ خَمْرِيَانْ زُلْفَا دِلْ آوِيزْ
ژِ حُسْنَا بێ نِشَانْ نَادِى نِشَانَكْ
نِشَانی گَرْ ژِ دِلْ نَكْرَا بِپَرْهِيزْ
مَبِينْ أَڤْ گَرْ بِ صُورَتْ آدَمِينَه
حَمِي دَارِنْ ژِ اێگِرْ ڕَا گِرِى رِیزْ
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Dîvanı, Şiirleri ve Kasideleri. Klasik Kürt edebiyatının başyapıtı.
