أیْ شَاهِدێ قُدْسِی ڤَكَه بَنْدێ ژِ نِقَابێ
تَا چَنْدِ وَه سَرْگَشْتَه بِمِينِينْ دِ حِجَابێ
Ey şahidê qudsî veke bendê ji niqabê
Ta çend-i we sergeşte bimînin di hicabê
بِسْكێنْ ژِ حَرِيرِی تُو ژِ نُو مَاوَرێ لێكَه
زُلْفێنْ ژِ عَبِيرِی شَه كَه بَاڤێ خَمُ و تَابێ
Biskên ji herîrê tu ji nû mawerê lê ke
Zulfên ji ’ebîrê şe ke bavê xem û tabê
قِشْتێنْ دِ خُوه چِينْ چِينْ بِدَه بَرْ مِسْكُ و زَبَادێ
تَایێنْ دِ عِصَابێ بِرَشِينَه بِگُلَابێ
Qiştên di xwe çîn çîn bide ber misk û zubadê
Tayên di ’işabê bireşînin bi gulabê
هَرْ يَكْ بِ هَزَارْ رَنْگْ كُو لِبَژْنَا تَه سَمَا تێنْ
خَمْرِیُ و لَفُ و شَتْرِی وُ تَایێنْ دِ عِصَابێ
Her yek bi hezar reng-i li bejna te sema tên
Xemrî û lef û şitrî û tayên di ’işabê
مِنْ جَانْ يَدَیْ بَیْضَايَه ژِ عِيسَی چِه خَبَرْ دِمْ ؟
مِنْ آتَشێ مُوسَی دِيَه گُلْنَارێ شَرَابێ
Min can yedê beyda ye ji ’îsa çi xeber dim
Min ateşê Mûsa diye gulnar-i şerabê
مِنَّتْ كُو ژِ بَخْتێ خُوه وُ طَالِعْ بِنَصِيبِمْ
حُسْنَا تَه يَه اِيرۆ ژِ مَه رَا چُويَه نِصَابێ
Minnet ko ji bextê xwe we tali’ bi nesîb im
husna te ye îro ji me ra çûye nişabê
عِشْقَا مَه ژِ بَرْ مَوْجُ و عَجَاجێ بُويَه دَرْيَا
دێ زِيرُ و زَبَرْ كِتْ مَه بِدَسْتْ هِنْدُو غُرَابێ
’Işqa me ji ber mewc û ’ecacê bûye derya
Wê zîr û zeber kit me bi dest hind û xurabê
نَهْ چَرْخێ سِپِهْرێ ژِ هَوَايَا تَه وُ مِهْرێ
سَرْگَشْتَهنَه أَوْ تێکْ ڤِمَه رَا شُبْهێ حَبَابێ
Ne çerxê sipihrê ji hewaya te we mihrê
Sergeşte ne ew têk vi me ra şubhê hebabê
وَكْ بَا دِلَزِينِی تُو كُمَیْدێ دِبَزِينِی
عُمْرێ مَه عَزِيزێ بِخُدێ بَسْ كَه شِتَابێ
Wek ba dilezînî tu kimêdî dibezînî
’Umrê me ’ezîzî bi xwidê bes ke şitabê
يَا پێ بِ زِيَارَتْ بِمَه دَه، يَا سَرێ أَنْگُشْتْ
دَسْتێ خُوه مَه آڤێتِيَه بێ چَارَه رِكَابێ
Ya pê bi ziyaret bi me de ya serê enguşt
Destê xwe me avêtiye bêçare rikabê
مِنْ رێ لِ سَرَابێ بِ شَرَابێ بِرُ و مُنْكِرْ
حَتَّا بِ أَبَدْ تَشْنَهجَگَرْ مَا دِ سَرَابێ
Min rê ji serabê bi şerabê bir û munkir
Hetta bi ebed teşne ceger ma di serabê
سَرْپُوشُ و قَبَايَا مَه يَه تَسْبِيحُ و مُصَلَّا
وَرْ دَا بِدَرِينِينْ لِ خُوه ڤێ پَرْدَه نِقَابێ
Serpoş û qibaba me ye tesbîh û muşella
Wer da bidirînîn li xwe vê perde û niqabê
لِلَّهْ وَرَه سَاقِی بِ دُو جَامَانْ مَه جُوَانْ كَه
مُطْرِبْ بِدَفێ رَابِدَه سێگَاهُ و شَبَابێ
Li l-lah were saqî bi du caman me ciwan ke
Mutrib bi defê ra bide sêgah û şebabê
وَرْ گُهْ بِدَه نَایێ كُو شِرِينْ قَدْ دِ سَمَایێ
پُڕْ حَلْ كِرِنَه مَسْأَلَه ڤێ فَصْلێ خِطَابێ
Wer guh bide nayê ko şirînqed di semayê
Pir hel kirine mes’ele vê feslê xitabê
جَامَا نَه شَكَرْلَبْ بِمَه دِتْ عَيْنِی حَرَامَه
فَتْوَا وَه نُمَا حَاشِيَهيَا شَرْحَا لُبَابێ
Cama ne şekerleb bi me dit ’eynê heram e
Fetwa we numa haşiyeya şerha-lubabê
مُفْتِی مَه نَیُ و نَايَه وُ نَیْ قَوْلێ قَدِيمَه
بَاوَرْ تَه نَهِنْ گُهْ بِدَه بَرْ چَنْگُ و رَبَابێ
Muftî me ney û nay e we ney qewlê qedîm e
Bawer te nehin guh bide ber çeng û rebabê
نَرْدَا مَه چِه بَازِی بِنُمِيتِنْ مَه ژِ سَازێ
بَنْدِينْ دِ سُؤَالێ وَه گُشَادِينْ دِ جَوَابێ
Nerda me çi bazê binumîtin me ji sazê
Bendên di su’alê we kuşadên di cewabê
أَزْ چُومَه سَرَایێ كُو شِرِينْ قَدْ دِ سَمَایێ
گۆ أَڤْ نَه «مَلَايێ» مَه يَه؟ بێ پَرْدَه بِلَا بێ
Ez çûme serayê ko şirînqed di semayê
Go ev ne Melayê me ye bêperde bila bê
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
