حَيْفْ دِ قَيْدَا خَاكْ و گِلْ بِتْ عَارِفێ چَالَاكِ رُوحْ
دێ مُجَرَّدْ بِتْ كُو پَرْتَوْ دِتْ ژِ نُو أَوْ پَاكِ رُوحْ
Heyf di qeyda xak û gil bit ’arifê çalakê rûh
Dê mucerred bit ko pertew dit ji new ew pakirûh
قَيْدێ خَاكْ و گِلْ نَبِتْ دَا بێ حِجَابُ و پَرْدَه بِی
مِثْلێ بَدْرێ جَارِنَانْ تێخِتْ خُسُوفێ خَاكِ رُوحْ
Qeyd-i xak û gil nebit da bêhicab û perde bî
Mislê bedrê carinan têxit xusûfê xak-i rûh
شَمْعێ سَرْ نُورْ نَادِرِتْ گَرْ أَوْ نَكِتْ پَرْهِيزێ دِلْ
ذَوْقێ جَامَا عِشْقێ نَاكِتْ گَرْ نَكِتْ إِمْسَاكِ رُوحْ
şem’-i ser nûr nadirit ger ew nekit perhîza dil
zewqa cama ’işqê nakit ger nekit imsak-i rûh
دِلْ بِطَايَكْ نێرْگِزَانْ و نَازِكَكْ تَرْوَنْدَه دَه
گُلْ دِكِنْ تَشْبِيهێ خَارَانْ هَرْ خَسُ و خَاشَاكِ رُوحْ
Dil bi tayek nêrgizan de, nazikek terwende de
Gul dikin teşbîhê xaran her xes û xaşak-i rûh
جَامێ عِشْقێ پَاكێ رُوحَانِی طَهُورَا بَاطِنَه
إێ نَنُوشِی هَرْ وَه مَا حَتَّا أَبَدْ نَاپَاكِ رُوحْ
Cama ’işqê pakê rûhanî tuhûra batin e
Ê nenoşî her we ma hetta ebed napak-i rûh
هَيْئَتَا كَيْفُ و كَمێ بێ كَيْفِ كَيْفَا عَارِفَه
دێ بِمِينِتْ گَرْ نَبِتْ نَاچارِ بێ تَرْيَاكِ رُوحْ
Hey’eta keyf û kemê bêkeyf e keyfa ’arif e
Dê bimînit ger nebit naçar-i bê tiryak-i rûh
دێ بِگُلْزَارَا جَمَالَا سَبْزَهپۆشَانْ وێ چِه بِتْ
أَیْ دِ مِهْرێ دَا نَبِتْ دِلْ پارَه پارَه چَاكِ رُوحْ
Dê bi gulzara cemala sebzipûşan wê çi kit
Ê di mihrê da nebit dil pare pare çak-i rûh
بَرْ ژِ جَانْ دَرَّاكَيَكْ رَوْشَنْتَرُ و وَالَا دِڤێتْ
صُورَتێ حُسْنَا مُقَدَّسْ دَا بِكِتْ إِدْرَاكِ رُوحْ
Ber ji can derrakeyek rewşenter û wala divêt
Sûretê husna muqeddes da bikit idrak-i rûh
گَرْ خَبَرْدَارِی ژِ سِرَّا ( كُنْتُ كَنْزًا ) گُهْ بِدێرْ
دَا بِسَدْ نُورێ بَيَانْ كِتْ مَعْنَهيێ ( لَوْلَاكِ ) رُوحْ
Ger xeberdar î ji sirra “kuntu kenzen” guh bidêr
Da bi sed torê beyan kit me’neyê “lewlaki” rûh
لَامِعێ سِرَّا تَجَلَّی سَرْ لِ طُورێ دِلْ دِدِتْ
ضَبْطِ نَاكِتْ وێ مَجَالێ سَدْ هَزَارْ أَفْلَاكِ رُوحْ
Lami’ê sirra tecellê ser li torê dil didit
Debt-i nakit wê mecalê sed hezar eflak-i rûh
هَرْ دُو إِيلَانێنْ تَه دێ مِنْ طَوْقێ گَرْدَنْ كِرْ مَدَامْ
دَا مَهْ هَرْ بێتِنْ تَبَسُّمْ وَكْ گُلَا ضَحَّاكِ رُوحْ
Herdu îlanên te dî min toqa gerden kir medam
Da mi her bêtin tebessum wek gula dehhak-i rûh
جَوْهَرێ حُسْنێ أَدَا تَنْهَا دِبِتْ مَقْبُولِ طَبْعْ
گَرْ نَه صَيْقَلْ دِتْ بِنُورێ عِشْقێ وَكْ حَكَّاكِ رُوحْ
Cewherê husnê eda tenha dibit meqbûl-i teb’
Ger ne şeyqel dit bi nûra ’işqê wek hekkak-i rûh
دێ بِڤِی أَنْدَازُ و تَرْزی كَیْ دِبِتْ سِحْرێ حَلَالْ
گَرْ نَه بَالَا طَبْعِ بِتْ وَكْ پَهْلَوَانْ چَالَاكِ رُوحْ
Dê bi vê endaz û terzê key dibit sihrê helal
Ger ne balateb’-i bit wek pehlewan çalak-i rûh
دِلْ بِرِمْ آڤێهْتْ وه لِێ وێ بَارْ كِرِی قَوْسێ شَڤی
دێ بِدِتْ بَرْ گَزْمَيَانْ بێ سُوجِ أَوْ سَفَّاكِ رُوحْ
Dil bi rim aviht û wî lê bar-i kir qewsê şevîn
Dê bidit ber gezmeyan bêsûc-i ew seffak-i rûh
شَهْسِوَارْ إِيرۆ كَمَنْدْ آڤێهتِنَه قَلْبێ «مَلِێ»
بَنْدِ نَاكِتْ غَيْرِی فِتْرَاكَا تَه سَدْ فِتْرَاكِ رُوحْ
şehsiwar îro kemend avêhtine qelbê Melê
Bend-i nakit xeyr-i firtaka te sed fitrak-i rûh
15. yüzyılda Cizre'de yaşamış olan Ahmed Cüzeyrî'nin (Molla Cüzeyrî) Divan'ı.
